Aposel 8:23 - Nobonob Baibel

²³ Aɗinu na anam hekkut? Da anidttem, na hipunin laa, amuam laan keekenu ameg qe oo elele ii daya aut autanab awak, na hipunin amuppa nena qee, amu hipunin na hipalitta aut auta aotte,” awa aum.

Aposel 8:23 ပူးပေါင်းရင်းမြစ်များ

Job 20:14

⌊Nug anam hette amge,⌋ eheɗ hak nuhig am ee oɗeppa ubuhinab ele, amge ooppa eɗua ninig daatte bia daakku. Ao, eheɗ hak amuam mat naunu ouɗi eheɗ, danab beɗuppa emalakppa tette, amubia daakku.

Sam 116:16

O Yawe, imuam genabnab, da am nahip maɗi nid laa. Ao, da am nahip maɗi nid. Da am ah laa nahip uɗat heum ele amu, da nug bekka. Na da keeke nau hippaliɗeg daami, na amuppan uhuqiɗe, ena daattem.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Aisaia 28:22

Naɗi, Nug Yawe Nukka Ɠagattag Oh Ele, Nug da amelppa Nug genab wan imu oh heeb nauhkkunu ɗo meum daattenu aum amunu, ag Yawe nai maditte, ag amunu imak uueg! Ag amu ii uuglag dayeb, Yawe Nug bu mettak ahilag tuɗitteb, awaknu daatte eɗittak, okkainab mekku.

Aisaia 58:6

Da kobol anamnuib amu, da ool ii hette. Kud ma dayaknu da ool hette ele am inam. Danab nug eheɗ laa ii heum, amge nug hippalak daatte amu, ag danab laa baegppanu sen uhuqeg, hamu daatte, amubia ag uhuqppeg, hamu dayaɗ! Amu doɗnu duugppan tuqai makau aɗit duultippa qakkak daatte, danab ag muɗi amu uhuqtteb, ag amubia danab ah uhuqatteg! Amu ag danab ag laa eppelagppa daan, uug dootteb amu, ag ehanadna, danab ag doɗnu duugppan tuqai qiialatteg netteb, ag amubia uugppanu uhuqatteg!

Jeremaia 4:18

O Juda danab ah, ag eheɗ henan daappig amunu, ag beɗulagppa uug imu ahilagppa bekku. Imuam ahilag bu awak aakku. O gadonnab gadon, am mua naunab ele. Bu amuam ag meulagnab guittak medakku.” Yawe Nug anam awa atte.

Jeremaia 9:15

Juda danab ah ag Yawe anam dimettan, eheɗ oitteb amunu, Yawe Nukka Ɠagattag Oh Ele, Nug Israel dilag Kayak, Nug inam atte. “Antteg! Da heppi, uug danab ah imu dilagppa bekku. Uug amuam danab nug uud ad tiig mua ele latte, uud tiig mua nau ele latte, amubia daakku.

Gayak Nai 3:19

Da uug nau doomi, da atu laih laih, appal diig iittappa yawaien oiminu ele dabmettem. Ge, da eheɗ nau, kahipal toɗom bia dabmein daattem.

Gayak Nai 3:5

Nug he, kekeɗ aab laappan danab oo mattan aqaknu maadna daatteb bia; uug naunab, ooppa kahipan toɗak bia doyak ele da dahilppa daattep.

Jon 8:34

Anam aeg am Jesus Nug aum. “Da genabnab genab ag amelagppa attem. Aun laa nug hipunin hette amu, nug am hipuninnu begbeg maɗi nid daatte.

Epesus 4:31

Ag laanu ninig doyak kobol, oppoɗi be ameg kokoɗ eppak kobol, oo nauhak kobol, muttub qak kobol, baeg qak kobol amu kobol laa oh ele oo aeg bak bia amu, ag amu ele uueg!

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

2 Pita 2:19

Hambuppuak ippunittak danab amu ag danab laa ag uhuqak aoglagnu nai anan qagatteb, amge ag aakku hipuninnu begbeg maɗi nid daatteb. Ag hipuninnu begbeg maɗi nid daattebnu diig am aɗi keeke danab laa eɗittom daatte, danab amu nug keeke amu waappa daatte ele amu, danab nug keeke amunu begbeg maɗi nid daatte.

2 Pita 2:4

Kayak Nug engel hipunin heppig ele amu he, ag iite padal meppig? Yo, Nug geɗatta he, aben eheɗppa noppig. Nug aben gatatu ele amuppa qakkalattom daatteb. Amu ag epeɗiak haen ameg men daatteb.