Aposel 7:9 - Nobonob Baibel

⁹ Aria, ig alankad ag Josepnu, ihinigppa anam daalon dabmak aɗan daan, ag nug aon, danab laa mattaeg, men doɗo mattanna, ag aon, Isip goppig. Ag nug aon ukkaeg, appa nug laanu begbeg maɗi nid dayom, amge Kayak Nug Josep dabmedette,

Aposel 7:9 ပူးပေါင်းရင်းမြစ်များ

Genesis 39:2

Josep nug appa uɗat heehe, Yawe Nug Josep aɗi heum amu ehanitte, keeke oh ena be, nug Isip ted Potipar laugppa dayom.

Genesis 39:5

Potipar nug nug laug, nuhikkud keeke laa oh Josep eppegppa me, haen amu dimppa Yawe Nug Josep beɗuppa Potipar itittom. Nug Potiparnu keeke oh, laugppanu, dad okkaippanu ele ititte, ena beppig.

Genesis 45:4

Anam daaegeg amu, Josep nug aum. “Ag gumiɗna doig!” awa aum. A amu, ag nug gumidna waeg, Josep nug baula aum. “Da am ag lailag Josep. Anukka ag heeg, Isip danab daden meiɗom.

Sam 105:17

Amge amu ii nak haenppa Nug he, laa nug Isip anuqa ukkom. Amuam Josep. Nug awakkud ag heeg, laa nug begbeg maɗi nid daakkunu daden mena aoppig. Danab ag nug daden mena aoppig ele ag aon Isip goppig.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Hagai 2:4

Amge, O Serubabel, na ɠagattag daye! O Jehosadak bekka Josua, na mana mettak ikki danab daattem, na ɠagattag daye! Ag Israel wanppan danab ah, ag oh ɠagattag daan, uɗat heig! Aɗinu? Da ag ele daattem!” Yawe Nukka Ɠagattag Oh Ele, Nug anam atte.

Matyu 27:18

Pailat nug Juda okkai ag Jesusnu amelag qe oolag elele ii daye, Jesus hettoɗiakppa meppig doyom amunu, Nug anam oɗ mattom.

1 Korint 13:4

Danab nug oo mauhak dootte ele, nug laa dilagnu paha eheɗ ii dootte, amu nug laa dilagnu oo bodoettak dootte. Nug laanu ameg qe oo elele ii dayak kobol ii hette. Nug nukka onig ii humatte, nug dada ii hette.