Aposel 7:60 - Nobonob Baibel

⁶⁰ Nug unuqitta anam awowa, nug gateg qaun o, nug huana ewa aum. “Naɗi na ahilag hipunin imunu nob ii mattamna oɗ medattem.” Stiven nug anam ewowa, nug mauhom.

Aposel 7:60 ပူးပေါင်းရင်းမြစ်များ

Esra 9:5

Amu mana mettak danab ag tueb doɗ manan, Kayak mettaglagnu haen do, da dakka onil qei ne, heɗep nein daamippanu ahen, dahil lamen patiɗak dayeye, da dup noin, gatel qaun o, da eppel humai ta, Yawe, dahil Kayak, Nug daatteppa ukke,

Daniel 12:2

Kuɗumnab, ebqaknu iitta huanaknab moɗppa niitteb ele, ag eɗun ahaglag. Laa ag bauklel hanhannu aoglag; laa ag uɗa nak nau, laa noolagppa keeke hamunab doyak ele hanhannu aoglag.

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Matyu 27:52

Boumak aben laala ele matulatte, Kayaknu danab ah oppiaawak ele kuɗum anukka mauhadppig amu Kayak he, ag eɗun hippaidppig.

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Luk 22:41

Nug amelagppa anam awona, uuatta nakok piɗe waum, danab men mawe gotte amubia. Wana gateg qaun o, unuqitta aum.

Luk 23:34

((Ag anam heeg, Jesus Nug unuqitta aum. “Mame, na ahilag hipunin imu uhuqna matte! Ag hetteb imu amu,, ag pehettak ii doona hetteb,” awa aum.)) Amu daup amu ag nuhig lamen aoglagnu otina, ameg waɗele mewona, aun nug ameg atten aokku amu, ag om yaakppa hena aoppig.

Luk 6:28

Danab ag na eheɗ laa awaknu anak waappa daakkutnu appeg, ag dahilad amu, ag ahilagnu eɗun anam aib heppig. Iitta! Ag itittak ena matteg! Amu aun laala ag eheɗ hadatteb amu, ag Kayak ahilagnu unuqitteg!

Jon 11:11

Jesus nai amu mattia mala am Nug aum. “Ig lainig Lasarus nug niiom daatte, amge da ukken maɗedakkul,” awa aum.

Aposel 13:36

Amunu ig doottem nai amuam Dawitnu iitta. Aɗinu? Dawit nug danab ah nug ele daappig, ag oolagppa Kayak oɗe dim lamittatta oiyaya, nug mauhe, mamekkud aɗi boumadppigppa boumeg, beɗu wan meum.

Aposel 20:36

Pol nai amu mattia male, nug Epesus Kristen tamaniak ikki danab ele gatelag qaun ona, Pol nug unuqittom.

Aposel 21:5

Aeg, ig aab okkai amuppanu ahat gokkunignu haen miag do, Kristen danab ag, amu ag waalkad, bekkalkad, aɗelkad ele ag qagmena, omaikkeg aab okkai dimittim dota, yu ihippa gatenig qaun ota unuqidmut.

Aposel 9:40

Ag anam heeg amu Pita nug he, danab ah oh dimittim ukkaeg amu nug gateg qaun o, unuqittowa eɗua ah gaɗa amu neekkitta, nug aum. “Tabita na ahe!” awa aum. Awa a, aakku ah ameg oppate nug neekka, Pita antta, aha heɗep na dayom.

1 Korint 11:30

Diig amuppa ag oolagppa danab ah kuɗum ag ɠagattag iitta, laa kuɗum ele ag oɗe aona, laala mauhadppig.

1 Korint 15:18

Anam daalo amu, danab ag Kristusnu daan mauhppig ele amu, ag ele padal meppig.

1 Korint 15:20

Amge anam iitta. Kristus Nug mauhe, Kayak Nug genabnab he, Nug eɗua hibaittom. Nug datta ee tatam oɗue digmen aotteb, amubia Nug danab mauhak amu, Nug ag oolagppanu Nug tatam anuqa eɗua hibaittom.

1 Korint 15:51

Antteg! Da nai tonak daatte ag amelagppa iikku otule, miag madittem. Ig Kristen oh amu ii mauhmata. Iitta! Kristen aun aun ag gogtak haenppa trampet gayebeb, bau daanna, ag ii mauhmana. Ag am ii mauhmana, amge ig oh, mauhak am ii mauhak ele, haen amuppa Kayak heeb, ig baolignig. Yo, ig pahanab, paha paha amuhpapaɗ qak bia, Kayak heeb, ig baolignig. Trampet amu gayebeb, Kayak Nug heeb, danab mauhppig ele amu ag beɗulag laa, beɗulag amu ii nauhma, beɗulag amu ele eɗun hippaidkkulag. Amu ig laa, ig haen amuppa bau daagnig ele amu, Kayak heeb, ig ele baolignig.

1 Korint 15:6

Amu dimppa nug nuhikkud dim lamittak danab 500 laa ele gumatta ukke anidppig. Gemu amu ag oolagppan kuɗum bau daatteb, amge laippu laippu mauhppig.

1 Tesalonaika 5:10

Nug ig ehanigkkunu mauhom amunu, ig bau daagnig o iitta ig mauhkkunig amu, ig Nug uɗikku amu, ig Nug ele bauklel haen oh daagnig.

2 Timoti 4:16

Tatam da hettoɗiakppa meiɗppig amu, laippu laa da ii ehaniɗom, ohnab da uuiɗna malappig, amge da aab ag qaɗelagppa ii nemanu Kayak unuqidttem.

2 Pita 3:4

Ag ihaklel henana, “Jesus uɗikkunu nai qakka aum amu adekku?” akkulag. Laa ele ag, “Ig mamenkad ag Nug eɗua uɗikkunu ameg men daaegeg ukke mauhppig, amge digmakppan uɗie gemu ele wanppanu keeke beppig daatteb bianab gemu ele daatteb!” aon akkulag.