Aposel 7:51 - Nobonob Baibel

⁵¹ Aria, Israel ag am tappe nak danab, ag oolag, daulag ele am ituak, iitta aɗi danab bia amunu, ag mamelkad aɗi heppig amubia, ag hanhan Kayak Ouɗi dimedatteb.

Aposel 7:51 ပူးပေါင်းရင်းမြစ်များ

2 King 17:14

Propet aɗi ag anam mattieg dooppig, amge Israel ag Yawenu nai dooglagnu uun, ag Nug oɗe dim lamidmananu dabmak ahilag ɠagattag eppe, ag mamelkad aɗi dilag kobol dim lamidppig. Ag mamelkad aɗi, ag Yawe, ahilag Kayak, ag nuhignu oolagppa genab ii dooppig. Iitta.

2 Stori 30:8

Ag mamelkad aɗi heppig bia amu, ag ahilag dabmak dim lamidkkulagnu wagai meppeg, ɠagattag eppamanu dabmeig! Ag Yawe waappa daaglagnu dabmak aon dayeg! Ag ahan, nuhig mettid lag, Nug lag amu haen oh nuhignu tituana mettak daakkunu tituanom amu, ag amuppa uɗieg! Nug gemu ahilagnu oo nauhak huanaknab dootte amu, oo nauhak amu iitta mekkunu ag Yawe, ahilag Kayak, ag Nug waappa daan, Nug oɗe dim lamitteg!

Nehemaia 9:16

Na amu heme, amge ig mamenkad aɗi, ag beɗuppa tak danab kobol dim lamidna, ag na oɗen dim lamidmananu dabmak ahilag ɠagattag eppom. Ag nahip haknunab nai ii dim lamidppig.

Nehemaia 9:30

Ig mamenkad aɗi ag anam heegeg, maɗ kuɗum na oot bodoette, bu ii mattame. Ag oolag eɗueb, na dim lamidkkulagnu haen mattame. Nahip Ouɗi Nug propet danab ehanatte, na propet danab amu oɗelagppa danab amu daulag batame. Na anam heme, amge ag dab-ii-medappig amunu, na hee, ag kekeɗ ag taliliadna daappig ele eppelagppa daappig.

Sam 75:5

Ge, ag laa hab attan daatteb ele, ag ag ele aib ban heppig. Ao, ag beɗuppa tak kobol, nai tappe nak kobol ele dim lamidnana, nai mattiak aib heppig.” Kayak Nug anam atte.

Sam 78:8

Am ag mamelkad aɗi bia ii hemana. Ao, ag alalkad ag oolag ɠagattag eppe, nai tappaeg ne, ii dim lamidppig. Ag oolagppa Kayak, nuhigib ii dabmena, oo metta ii uuak kobol ii dim lamidppig. Ao, ag Nugib dim lamidkkulagnu oo metta ii uuak kobol ii dim lamidppig.

Eksodas 32:9

Yawe Nug Moses amegppa anam awowa, Nug nai tuɗitta aum. “Da danab ah amu dilagnu amu, da dottem, danab ah amu ag am oɗe dim lamidmananu dabmak ɠagattag eppak danab ah.

Eksodas 33:3

Ag gobeppeg, da ag ele wan amuppa, wan amuam enanag, wan ittag ele, amuppa ee meu huana otte amu, da ag ele oh ouqeta, wan amuppa ii gomata. Aɗinu? Ag am oɗe dim lamidmananu dabmak ɠagattag eppak danab ah. Da ag ele oh ouqeta gota, ibppa ag eheɗ laa heppeg amu, da heppi, ag ibppa padal mekkulagtai,” awa aum.

Eksodas 33:5

Aɗinu? Yawe Nug matu Moses amegppa, nug Israel amelagppa akkunu ana, ahilagnu inam aum. “Ag am oɗe dim lamidmananu dabmak ɠagattag eppak danab ah amunu, da ag ele oh haen tutuib ouqeta golom, am da paha heppi, ag padal melobtai. Anam amunu, ag beɗulagppanu gol ring keeke, ag amu oh uhuqadppeg neeb, da geha ahilagppa aɗi hekkulnu dabmak awen hekkul,” awa aum.

Eksodas 34:9

Moses anam ha, nug aum. “O Naɗi, genab danab ah imu ag am oɗe dim lamidmananu dabmak ɠagattag eppak danab ah amunu, na dahilnu ena doottem dayeb, na Naɗi, na ig ele gokkunignu oɗ medattem. Na geha ihinig nau hak, ihinig hipunin ele oh uhuqna mekkan, na ig am danab ah nahipadnab tutukku anam awigkkutnu oɗ medattem,” awa aum.

Aisaia 48:4

Da ag, ahilag dabmak am ɠagattag eppom daatte, da ag heppeg, dabmak ahilag eɗukkunu iinab hetteb am doomi. Ahilag dabmak am ɠagattagnab; aen o bras bia.

Aisaia 63:10

Nug anam heum, amge ag Nug waappa daaglagnu uun, nuhig nai tappaeg ne, ag nuhig Ouɗi Oppiaawak Ele, ag Nug uug nau medappig. Ag anam heppig amunu, Nug eɗua, ahilag kekeɗ dayom. Nugnab aakku ag ele ban heppig.

Jeremaia 17:23

Da ɗo amu ag mattami, amge ag memetalkad ag ii doon, ii dabmeppig. Ag akka ag ahilag dabmak dim lamidkkulagnu wagai mena hena, ag toliatta, bu mettak da mattami ele dab-ii-meppig amunu, ag oolag ele ii eɗuppig,” awa atte.

Jeremaia 4:4

Ge, ag Juda danab ah, Jerusalem danab ah ele, ag ahilag hak nau ohnab uuna, tutukku oiyeg! Ag gaɗa dimittimppaib aib anam heppig. Iitta. Ag genabnab genab oolag unuqag, amuppa anam heig! Ag amu ii hekkulag dayeb, ag ahilag hak nau, diig amunu dahil oppoɗi bak ba, aab huan ewewe, laa heeb qauhkkunu elele iitta, am amubia daakku,” awa atte.

Jeremaia 6:10

Yawe Nug anam a, da, Jeremaia, da ami. “Da aun amegppa Kayaknu nau aomnanu dabmettak nai appi dookku? Aun nug daug huma dookku. Ag nai dooglagnu uuppig amunu, ag dooglagnu elele iitta. Yawenu nainu amu, ag oolagppa uuaknab dootteb. Ag Yawe nainu gamag ahak nakok laa ii dootteb.

Esekiel 2:4

Israel danab ah ag hib guitta qak danab ah; dabmak ahilag ele ɠagattag eppom daatte. Ag anam daatteb, amge da na Israel danab ah dahilad nai madakkutnu meidttem. Da na ag amelagppa nai appe dooglagnu appi doon, na, ‘Naɗi Yawe Nug inam atte,’ ag amelagppa awona, tuɗidna, na keeke oh da na ippunidkkul ag amelagppa a!

Esekiel 44:7

Ag kobol eheɗ kuɗum, da kobol amunu uuaknab doottem, ag amu henana, ag wan laihnu danab, ag oolag babaittak iitta, beɗulag gaɗa otaɗak iitta ele, ag danab amu omaladna, mettid lag dahilppa goppig. Ag omaladna wana, haen amuppa ag ele doɗ main, da meɗappig amunu, kobol amuppa ag heeg, da laul dubuttid tak ele dayom. Ag amu henan, ag dahil nug tituana nai qakkak ig hemut ele amu, ag nai amu tippalppig.

Esekiel 44:9

Amu Naɗi Yawe Nug inam atte. “Wan laihnu danab, ag oolag babaittak iitta, beɗulag gaɗa otaɗak iitta ele amu, amunu laa nug dahil mettid lag ooppa iinab tema. Ge, wan laihnu danab, ag ag Israel oolagppa daatteb ele, ag oolag babaittak iitta, beɗulag gaɗa otaɗak iitta ele amu, ag ele, ag iinab temana.

Namba 27:14

Na Aron ele oh, aa Sin atu taɗakppa appa dahil nai tappaeh neum. Haen danab ah ag le moɗ Meriba appa naittuɗ menan heegeg amu, aa da am Yawe oppiaawak daattem, aa da haknunab ami bia Israel ippunadkkulahnu ii hepiɗ. Amuam Sin atu taɗakppa, le moɗ Meriba, Kades guguittak, appa anam beum,” awa aum.

Aposel 6:10

Am Kayak Ouɗi Nug doyak dabmak ena ele Stiven metta he, ag nuhig nai eɗidna, tabappeg nokkunu elele iitta.

Aposel 7:27

Moses nug uuglahnu aum, amge danab aha layagppa eheɗ heum ele amu, nug aha, Mosesnu nai otaɗa aum. ‘Aun na ig gumignana, ihinig uug bappaidkkutnu meittom?

Aposel 7:35

Moses nugib aakku, anukka ag nug guhuɗidna, ‘Aun na ig gumignana, ihinig uug bappaidkkutnu meittom?’ aon appig, danab amuib aakku Kayak awa he, nug Israel dilag gumak danab, qagaiettakppanu eɗua uhuqak danab daakkunu ukkom. Kayak he, engel nug ad nakokppa, aab ewak ooppa ba, Moses anam hekkunu aum.

Aposel 7:39

Amge ig mamelkad ag Moses oɗe dim lamidkkulagnu uuppig. Ag nug guhuɗidnana, ag eɗun Isip gokkulagnu amu oolag guattom.

Aposel 7:9

Aria, ig alankad ag Josepnu, ihinigppa anam daalon dabmak aɗan daan, ag nug aon, danab laa mattaeg, men doɗo mattanna, ag aon, Isip goppig. Ag nug aon ukkaeg, appa nug laanu begbeg maɗi nid dayom, amge Kayak Nug Josep dabmedette,

Rom 2:25

Genab, ag ɗo tutukku dim lamidtteb dayeb amu, gaɗa otaɗak kobol am keeke ena, amge ag ɗo tippaltteb ele dayeb amu, gaɗa otaɗak am keeke hamu, ag danab gaɗa ii otaɗppig bia aakku daatteb.

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

Duteronomi 10:16

Amunu ag Yawe dim lamidkkulagnunab dabmak aona henana, ag aib oɗe ii dim lamidmananu dabmak ahilag ɠagattag eppak dayom.

Duteronomi 30:6

Ag Yawe, ahilag Kayak, Nug ag meulag ohppa, oolag ohppa ele nuhignu oo mauhak doona, ag bau daaglagnu, Yawe Nug heeb, ag, ag buɗulkad ele ag oolag oppiaawak ele daaglag.

Duteronomi 31:27

Aɗinu? Ag Israel ag am nai tappe nak danab, amu ag oɗe dim lamidmananu, ag ahilag dabmak ɠagattag eppak ele daatte amu, da doottem. Gemu da ag ele daattem, amu haen imuppa, da daaiyi, ag Yawenu nai tappaeg ne oitteb amunu, da mauhppi amu, ag henana, nai tappe nak danab huanaknab daaglag.

Duteronomi 9:13

Yawe Nug da amelppa anam ana, Nug tuɗitta aum. “Da danab ah imu anadttem, amu genab, ag aakku danab ah oɗe dim lamidmananu dabmak ahilag ɠagattag eppom daatte daatteb.

Duteronomi 9:6

⌊Da baula attem.⌋ Ag imu doyeg! Yawe, ahilag Kayak, Nug ag wan ena imu, ag am genab tutukku aɗi danab anamnu ii madatte. Iitta. Ag am genab tutukku hak danab ah iitta. Ag am oɗe dim lamidmananu dabmak ɠagattag eppak danab ah.

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

Kolosi 2:11

Ag Nug ele ouqeppig, amuppa amu ag gaɗa otaɗak kobolnab ag aakku aoppig. Keeke amuam gaɗanignu keeke iitta. Iitta. Ag Kristusnu ehanittakppa ag oolag alag, amuam beɗunu kobol, ag amu geɗidppig. Kristusnu kobol amuam gaɗa otaɗak kobol meunab daatte.