Aposel 7:47 - Nobonob Baibel

⁴⁷ Amge nug ii heum. Iitta. Nug bekka Solomon nug amu heum.

Aposel 7:47 ပူးပေါင်းရင်းမြစ်များ

2 Samuel 7:13

Laa nug gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku. Nid nahip amu, nugnab dahil lag, da onil amuppa daakkunu amu, nug hekku.

1 King 5:1

Amu aab okkai Tair dilag king Hiram nug anukka Dawitnu layam ena dayom, nug Solomon nug king daakkunu goɗen gokkaɗakppa tituanak awa, nug mameg Dawit abenabppa king ba daatte, nug amu doyowa, diig aɗit amunu nug nuhikkud ehanittak anuqak danab laala maatte, ag Solomon anidkkulagnu uɗippig.

1 King 6:1

Solomon nug king ba, Israel gume ukke, maɗ waɗeleppa, kalam ebqak aɗit, ag kalam amu onig Siv atteb, kalam amuppa amu, Solomon nug digma, Yawenu mettid lag buuom. Israel ag Isip uun uɗieg, maɗ 480 uue, Solomon nug Yawenu mettid lag digma buuom.

1 King 8:20

Yawe Nug nai ana qakkom amu, nuhig nai qakkak amu, nug aum bia gemu oh iikku be, da mamel Dawit amu, da nug abenabppa gemu da ag Israel, da ahilag king daattem; Yawe Nug nai qakka aum amubia. Amu da Yawe, ig Israel, ihinig Kayak, da mettid lag Nug onig amuppa daakkunu aakku buumi.

1 Stori 17:1

Amu anam daye ukke, Dawit nug lag enanagnab nuhig babaitta mala, appa ta dayaya, nug propet Natan amegppa aum. “Antte! Da lag enanagnab ad sidappa hak, da imuppa daattem, amge Yawenu Tituanak Nainu Kunup kontrak inak ele am peh lagppa daatte,” awa aum.

2 Stori 3:1

Solomon nug amu oh ha mala, nug Yawenu mettid lag digma buuom. Nug Jerusalem appa, qauko Moria, appa digma buuom. Qauko Moria appa amu, Yawe Nug Solomon mameg Dawit appa gumitta ukka, tula beum. Anukka ee aeg mumuɗaknu aben appa dayom am, Jebus buɗubppan danab Arauna, nuhig dayom, amge Dawit nug daden ma, Yawenu mettid lag aguppa daakkunu tituanom.