Aposel 7:38 - Nobonob Baibel

³⁸ Moses nug dimppa Israel ele oh ag atu taɗakppa, Sainai qaukoppa qagmena amu, nug engel, ig mamelkad aɗi ele dilag gamag danab dayeye, engel nug Kayak nai bau dayaknu amu mette, nug awa, ag mattom.

Aposel 7:38 ပူးပေါင်းရင်းမြစ်များ

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Jon 6:63

Ag doyeg! Kayak Ouɗi nukka, Nug danab bauklel medatte; danabnu ɠagattag am elele iitta. Am nai da ag mattami imuam Ouɗi, am bauklel ele.

Aposel 7:30

Appa dayeye, maɗ 40 ukke, atu taɗakppa qauko Sainai guguittak engel nug tula, Moses toppa beum, amge Nug miag ii beum. Iitta. Nug aab ewak bia, ad nakok laa eppeg ooppa dayaya, tula beum.

Aposel 7:35

Moses nugib aakku, anukka ag nug guhuɗidna, ‘Aun na ig gumignana, ihinig uug bappaidkkutnu meittom?’ aon appig, danab amuib aakku Kayak awa he, nug Israel dilag gumak danab, qagaiettakppanu eɗua uhuqak danab daakkunu ukkom. Kayak he, engel nug ad nakokppa, aab ewak ooppa ba, Moses anam hekkunu aum.

Aposel 7:53

Kayaknu ɗo nai amu engel ag madappig, amge ag amu dim ii lamidtteb.” Stiven anam aum.

Rom 3:2

Yo, ag Juda daanna, gaɗa otaɗak aona, ehanittak digdig aoppig. Keeke anuqaknab amu inam. Kayak Nug nai nuhignab Juda ag atognona dim lamidkkulagnu mattom.

Rom 9:4

Israel ag am Kayaknu danab, ag Nug bekkod maattom daatteb. Ag Nug binag amahlak oppiaawak ele amu anidppig daatteb. Nug he, Nug ag ele nug tituanna nai qakkaladppig, nuhig ɗo ele aoppig. Ag Nug nuhig mettid lag, appa Nug noobppa dup noa binag maknu kobol aon dootteb, amu Nug ag ehanadkkunu nai qakka mattialatta maattom.

Galesia 3:19

Aria, aɗinu Kayak Mosesnu ɗo meum? Amuam iikku. Kayak Nug hipunin diig geha miag atikkunu oo dayom amunu, Nug Abraham amegppa nug keeke aokkunu nai qakka aum dimppa, Nug ɗo amu aakku he beum. Amu ɗo nug dayeb ukkeb, geha Jesus bekku, amu batak daakkunu meum. Kayak a, engel ag Moses ɗo ippunitteg, nug gamag danab dayaya ɗo awa, danab ah ippuanattom.

Duteronomi 33:4

Da, Moses, da Kayaknu ɗo, danab ah mattami. Ɗo amuam Israel danab ah, ahilagnab.

Hibru 2:2

Anukka Kayak Nug engel oɗelagppa ɗo nai aawo be, nai amu ɠagattag daattom. Ɗo nai anam ɠagattag daye, danab ag uun, tappaeg neum amu, ag nob nau, ahilag eheɗ hak eleleppa aodppig.

Hibru 4:12

Kayak nai am bauklel, uɗat haaha daatte. Nug am qep laa aeg laih laih ele, uɗat nuhig enanag hette amu, Kayak nai nug uɗat nuhigppa qep amubia eɗidtte. Nug keeke qataiettaknab daattep am okkula aokkunu elele. Danab nug dabmakppa aɗi dabmette, nug ooppa aɗi dootte amu, Kayak nai keeke amu oh epeɗiadtte.

Hibru 5:12

Ag ippunittak danab bena daaglagnu haen elelenab dayom amge iitta, ag doyak ahilag qakub amunu, laa nug ag Kayak nainu diig eɗua ippuanatteb aoglagnu daatteb. Ag am ee ɠagattag lakkulagnu elele iitta, ag huhib lanana daaglagnu elele.

1 Pita 4:11

Ao, danab ag ahilag uɗat oh anidna, Jesus Kristus onigppa ag Kayak binag mekkulagnu amu, danab laa nug Kayak nai mehuqtte ele dayeb, nug Kayak nai tutukku mehuqaɗ! Amu danab laa nug layag ehanidtte ele dayeb, nug ɠagattag Kayak medatte ele amuppa uɗat haɗ! Binag amahlak oppiaawak ele, ɠagattag oh ele hanhan alet ele Jesus Kristus, nuhigppa dayaɗ! Genab.