Aposel 7:32 - Nobonob Baibel

³² ‘Da am na mamenad aɗi dilag Kayak. Da Abrahamnu, Aisaknu, Jakopnu ele Kayak,’ awa aum. Awa a, Moses nug ottaiya baɗa, Kayak anidmanu ii neekkom.

Aposel 7:32 ပူးပေါင်းရင်းမြစ်များ

Genesis 26:24

tuqan amuppa Yawe Nug Aisak gumitta na, amegppa aum. “Da am na mamen Abrahamnu Kayak. Da na ele daattep amunu, na aib baɗame. Da Abraham, nug am maɗi nid dahil amu, da nuhignu dabmak anuqak aottem amunu, da na itidkkul. Da heppi, na buɗunad ag kuɗum bekkulag,” awa aum.

Genesis 50:24

Aria, dimppa Josep nug awakkud amag ele amelagppa aum. “Da mauhkkul hettem, amge Kayak Nug ehanatteb, ag eɗun, Kanan wanppa gokkulag. Kayak Nug Abraham, Aisak amu Jakop ele wan amu madakkunu nuhig nai ɠagattag qa, ag amelagppa mattiom,” awa aum.

1 King 19:13

Baag bodoettak amu nai mattie, haen Elaiya nug doya amu, nug iɗu nuhig lamenppa hauta, nug dimittim ukka, men oɗe amu oɗeppa hibaitta dayom. Dayeye, baag laa nug inam nug amegppa aum. “Elaiya, na ippa aɗi hettem?” awa aum.

Job 4:14

da baɗak okkai, naunab dooiyi he, da ebehilad oh hahaɗom.

Sam 89:7

Danab ah Kayaknu oppiaawak ele daatteb, ag laippu qagmena amu, ag Kayaknu ebehilag oh bodoetta le mak dootteb. Laanu iitta. Ao, laa Kayak talilidna daatteb ele amu, danab nug ag anatteb, nug ebehi oh bodoetta le mekku, amge laa nug Kayak antteb, nug ebehi oh bodoetta le ma auta autanab aokku.

Eksodas 3:15

Kayak Nug anam anana amu, Nug nai tuɗitta, Moses amegppa nai imu ele aum. “Na nai amu ag amelagppa awona, na Israel danab ah amelagppa inam ele appe doyeg! ‘Yawe, Nug ag mamelkad aɗi dilag Kayak, amuam Nug Abrahamnu Kayak, Nug Aisaknu Kayak, amu Nug Jakopnu Kayak ele amu, Nug he, da ag gumatte uɗimi.’ Da onil am anam aakku, amu da onil amuam hanhan anamib daakku. Amu Israel danab ag gemu daatteb, ag buɗulkad, alalkad aɗi, dimppa ag bekkulag ele amu, ag oh am da onil am anam ag dabmakppa aɗaglagoitte,” awa aum.

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Eksodas 33:20

Amge danab laa nug da iɗul anidkku dayeb amu, nug mauhkku amunu, na da iɗul anidkkutnu am elele iitta,” awa aum.

Eksodas 4:5

Yawe Nug anam a, Moses nug anam he, Yawe Nug aum. “Na Israel gumadna gona, na heme imu bia ele hekkut. Amu na anam hekkutnu diig am, Israel danab ah ag anidna, ag da Yawe, da genab na gumitte nemi oolagppa genab dooglagnu hekkut. Da am Yawe, da ag mamelkad aɗi dilag Kayak, amuam da am Abrahamnu Kayak, am Aisaknu Kayak, amu Jakopnu Kayak ele,” awa aum.

Matyu 17:6

Awa a amu, ippunittak awak danab ag nai amu doona, ag eheɗ nau baɗan, nena qena, iɗulag wanppa lokkumidna niippig.

Matyu 22:32

‘Da am Abrahamnu Kayak, Aisaknu Kayak, amu Jakopnu Kayak ele,’ awa aum. Kayak Nug danab mauhppig dilag Kayak ii daatte; Nug danab bau daatteb dilag Kayak daatte,” awa aum.

Matyu 22:46

Jesus anam oɗ matte amu, laippu laa ag oolagppa nai amu nob mekkunu elele iitta dooppig amunu, haen amuppa digmak ag Jesus baula keeke laanu oɗ mettaglagnu baɗana, oɗ ii medappig.

Luk 5:8

Anam amu, haen Saimon Pita nug kakai anam aona antta amu, nug Jesus baegppa laippun gateg qaun o, nug aum. “Naɗi, na da uuiɗna ukke! Da hipunin danabde,” awa aum.

Aposel 3:13

Abrahamnu, Aisaknu, Jakop elenu Kayak, Nug am ig mamenkad aɗi dilag Kayak, Nug aakku nuhig uɗat imuppa nuhig maɗi nid Jesus binag amahlak oppiaawak ele mettom. Amge ag amu, ag Nug aon, kekeɗ eppelagppa meppig. Pailat nug uhuqkkunu aum, amge iitta, ag am danab amu, Nug Jesus amu, ag Nug Pailat noobppa dimedappig.

Aposel 7:31

Moses nug aab ewak amu antta, nug oo ii maitte, dabmak kuɗum awa, nug pehetta anidkkunu gumitta waawo, Naɗi Nug aum.

Hibru 11:16

amge anam am iitta. Ag appalag ena dimppanu, hab aabppa amunuib dabmeppig amunu Kayak Nug, “Da ahilag Kayak,” akkunu amu uɗa ii nette. Iitta. Nug aab enanag, ag daaglagnu babaittom daatte.

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.