Aposel 7:30 - Nobonob Baibel

³⁰ Appa dayeye, maɗ 40 ukke, atu taɗakppa qauko Sainai guguittak engel nug tula, Moses toppa beum, amge Nug miag ii beum. Iitta. Nug aab ewak bia, ad nakok laa eppeg ooppa dayaya, tula beum.

Aposel 7:30 ပူးပေါင်းရင်းမြစ်များ

1 King 19:8

Engel nug anam a, Elaiya nug ee, le ele baula lawowa, nug aha, ee, le ele amu ɠagattag mette, deɗ 40, tuqan 40 ele ukka ukka, Kayaknu qauko onig Horep, appa ukkom.

Sam 66:12

Na uuikke, ihinkad kekeɗ ag ig ikkinkad tappaladppig. Ig danab ag aab ewak ooppa, o iitta le ui oowo, wana gotteb bia anam oimut. Anam, amge uɗat amu ohppa na daanna, amu gemu na ig omaigna, aben enanagppa uɗie daattem amunu, ⌊ig bau ena daattem. Ig neta ii qemut daattem⌋.

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Eksodas 7:7

Aa anam hepiɗ amu, haen amuppa Moses, nug nuhig maɗ am 80, amu Aron, nuhig maɗ am 83. Aa maɗ anam anam ele daayya, aa Paro noobppa nai madipiɗ.

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Daniel 3:27

Ag dimittim uɗieg, kingnu ehanittak danab digdig, laa ag gumak danab anuqak, laa ag aabnu gumak danab, la ag gawana, laa ag king dabmak mettak danab ele, ag wana, nid ewam amu happutadna daan, ag neekkeg ukke, beɗulagppa guittak laa ii daye anidna, ikkilag uɗug nakok laa ii ewom, lamen elab ele nakok laa ii ewom anidna, beɗulagppa aab kahug uɗig nakok laa ele ii dooppig.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Mak 12:26

Amge danab mauhna, eɗun hibaittaknu, keeke amunu amu ag Moses nug Kayak naippa nai laa yom amu ag iite ebqeppig? Haen amu aab ewewe, ad nakok ewa iitta ii meeme, Moses nug andette, Kayak Nug Moses amegppa a, nug Kayak oɗe inam yom. ‘Da am Abrahamnu Kayak, Aisaknu Kayak amu Jakopnu Kayak ele,’ awa aum.

Luk 20:37

Amu Moses nug ele danab mauhppig eɗun hippaidkkulagnu ad nakok aab ewewe, ii iitta meum, kaya amuppa nug amu ippunigtte. Moses nug haen amuppa Naɗinu amu, ‘Nug am Abrahamnu Kayak, Aisaknu Kayak, Jakopnu Kayak ele,’ awa aum.

Aposel 7:17

Amu Kayak Nug anukka nai Abraham amegppa keeke laa hekkunu nai qakka aum amu, haen amu aakku bekkunu miag doodo, Israel ag appatnana, Isip wanppa kuɗumnab daappig.

Aposel 7:31

Moses nug aab ewak amu antta, nug oo ii maitte, dabmak kuɗum awa, nug pehetta anidkkunu gumitta waawo, Naɗi Nug aum.

Aposel 7:32

‘Da am na mamenad aɗi dilag Kayak. Da Abrahamnu, Aisaknu, Jakopnu ele Kayak,’ awa aum. Awa a, Moses nug ottaiya baɗa, Kayak anidmanu ii neekkom.

Aposel 7:35

Moses nugib aakku, anukka ag nug guhuɗidna, ‘Aun na ig gumignana, ihinig uug bappaidkkutnu meittom?’ aon appig, danab amuib aakku Kayak awa he, nug Israel dilag gumak danab, qagaiettakppanu eɗua uhuqak danab daakkunu ukkom. Kayak he, engel nug ad nakokppa, aab ewak ooppa ba, Moses anam hekkunu aum.

Galesia 4:25

Hagar nug Arebianu qauko laa Sainai, nug amu ippunigtte, amu amuppa nug danab ag Jerusalem appa gemu daatteb, ag ɗo waappa begbeg maɗi nid daatteb, am amunu ippunigtte.

Duteronomi 33:16

Nug heeb, ag wan keeke ena he bette ele amu, ag amu aoglag. Laa Nug ad nakok laa ewa dittieye, aab amu ooppa dayom amu, Nug heeb, kobol Nug laa dilagppa ii helo bia me, Nug hette, kobol amu Josep buɗub dilagnu daakku. Keeke ena amu oh Josep buɗub, ag ahilagppa daakkunu ool daatte. Ao, Josep nug awakkud, amakkud oolagppan okkai dayom, amu keeke imu oh nug buɗub dilagppa daakkunu ool daatte.

Duteronomi 4:20

Ahilagnu amu, Yawe Nug ag ehanatte, ag Isip wanppa ii daatteb! Isip amu aab dittiak naɗi bia he, ag guittak okkainab ele doonna daaeg, Yawe Nug ag Isipnu diia, omalatte uɗippig. Ag nuhig danab ah daaglagnu, Yawe Nug ehanatta diie, ag gemu nuhignab aakku daatteb.