Aposel 7:26 - Nobonob Baibel

²⁶ Aria, wagɗe deɗ amuppa Moses nug eɗua oiyaya amu, Israel danab aɗit laa aa nug qeeheh anata, aa uuya oolah laippu daaglahnu amelahppa inam aum. ‘Aa diig laippuppan, amu aɗinu aa anam nug guittak mettaya hettep?’ awa aum.

Aposel 7:26 ပူးပေါင်းရင်းမြစ်များ

Genesis 13:8

Uug anam daye amu, Abram nug Lot amegppa aum. “I amu diig laippu amunu, a ona a doak i oonihppa, ihinih maɗi nid oolagppa ele aib dayom.

Sam 133:1

Danab ah ag maɗoɗ ele laippu, nug oo awak ena ele daatteb, kobol amuam enanag!

Prowerb 18:19

Na aɗi heppe, na awan, o amap nug oo nauhkku dayeb amu, na eɗun nug ele laippu daaglahnu am uug naunab nau, danab nug aab ooppa aben aɗ ɠagattagnab ele eɗidkkunu uug bia. Ao, na laa ele nug qeyaya daaglah dayeb amu, na eɗun heppe, eheɗ hak amu iitta mekkunu am uug naunab nau, aab aɗ ɠagattagnab ele, aab amunu manak qaknu keeke heeb aoɗkkunu uug bia.

Matyu 14:22

Ag ee lana malaeg, Jesus paha Nug nuhikkud ippunittak awak danab amelagppa aum. “Da danab ah kuɗum imu oh qatiglagnu abippi, ag ahan uubppa tena, Galili le ameg mataɗna, laih ukkeg!” awa aum.

Aposel 7:25

Am nuhig dabmak am inam dayom. ‘Da hemippa, da lailad ag da aniɗna ag, “Kayak heeb, Moses nug geha ig ehanikkeb, ig baula nau ii daamta,” aon akkulag.’ Nug dabmak amu awom, amge Israel ag dabmak anam ii aoppig.

Pilipai 2:1

Aria, ag Kristusnu daatteb, amu Nug he, ag oolag ɠagattag qak dootteb. Kayaknu oo mauhak am ag oo mak madatte. Kayak Ouɗi Nug he, ag tamaniak laippu daan, ag nug oo bodoettak, amu ag nug oo bodoetta le mak ele doon daatteb.

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.