Aposel 7:25 - Nobonob Baibel

²⁵ Am nuhig dabmak am inam dayom. ‘Da hemippa, da lailad ag da aniɗna ag, “Kayak heeb, Moses nug geha ig ehanikkeb, ig baula nau ii daamta,” aon akkulag.’ Nug dabmak amu awom, amge Israel ag dabmak anam ii aoppig.

Aposel 7:25 ပူးပေါင်းရင်းမြစ်များ

2 King 5:1

Naman nug am Aram dilag kingnu ban daup ikki anuqak. Yawe ehanitte, nug ban kuɗum eɗattom amunu, kingnu neekkakppa, nug danab okkainab dayom. King nug nuhignu oo huana heum. Naman nug ban haaha, nug ban ebehi ele heum, amge nug gaɗa oɗe nau ele.

Sam 106:7

Ig mamenkad aɗi ag Isip appa daanna, ag kobol danab hekkunu elele iitta na heme amu, ag amunu ii dabmeppig. Haen kuɗum na oo mauhaknab kobol doon dim lamidna ehanadme, amge ag na amu hemenu daulag atiom. Ag Le Kokoɗppa appa na waatppa daaglagnu uun, na oɗen tappaeg neum.

Eksodas 2:12

Moses nug anam antta, nug amimi eɗua, appa danab laa ii anttom amunu, nug pahanab Isip danab amu makkuɗe mauhe, nug ihi haɗa, lokkuma tonom.

Mak 9:32

Nug anam aum, amge ag nai amunu oolag tutukku ii maittom, amge ag Jesus Nug nai amu mehuqkkunu oɗ mettaglagnu baɗappig.

Luk 18:34

Jesus Nug nai amu mattiom, amge ippunittak awak danab ag oolag ii maittom. Nai amu, diig nuhig amu ag oolagppa lokkumak dayom amunu, ag Nug nai aum amu, ag meu nuhig pehettak ii dooppig.

Luk 9:45

Nug anam aum, amge ag nai amunu oolag tutukku ii maittom, nai amunu diig am ag oolagppa lokkumak dayom amunu, ag tutukku ii dooppig. Ag ii dooppig amge ag Jesus Nug nai amu mehuqkkunu oɗ mettaglagnu baɗappig.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Aposel 15:4

Ag anam henana gona, Jerusalem teeg, Kristen tamaniak danab ah amu totol danab am ikki danab ele ag ag ele laippu dayaknu oolagppa eleleib doyeg, Pol, Barnabas ele aa keeke oh Kayak he hepiɗ ele, aa amunu amelagppa madipiɗ.

Aposel 15:7

Qagmena ag amunu nai kuɗum mattin hena, Pita nug aha amelagppa aum. “O lailad, ag imu dootteb. Anukka Kayak Nug uɗat ig mekkowa, Nug da iitta aɗi amelagppa Nai Ena appi, ag doon oolagppa genab dooglagnu otiɗom.

Aposel 21:19

Pol nug ag humattowa, nug keeke oh Kayak Nug iitta aɗi oolagppa nuhigppa uɗat heum, nug amunu oh amelagppa mattiom.

Aposel 7:24

Isip ted laa aha, Israel laa eheɗ hedette antta, nug Israel ted amu ehanitta, Isip ted heum amu Moses nug nob ma, Isip ted amu makkuɗe mauhom.

Aposel 7:26

Aria, wagɗe deɗ amuppa Moses nug eɗua oiyaya amu, Israel danab aɗit laa aa nug qeeheh anata, aa uuya oolah laippu daaglahnu amelahppa inam aum. ‘Aa diig laippuppan, amu aɗinu aa anam nug guittak mettaya hettep?’ awa aum.

Rom 15:18

Da keeke laalanu ii madipa. Iitta. Da keeke laippunuib madikkul. Amuam Kristus Nug ehaniɗa, dahil naippa, dahil uɗatppa ele Nug he, iitta aɗi ⌊kuɗum⌋ ag aakku Kayak oɗe dim lamidppig.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

1 Korint 3:9

I am kadoi meɗa, Kayaknu maɗi nid daattep; ag am Kayaknu dad bia daatteb. Laa ele amu, ag am Kayak laug daatteb.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

Kolosi 1:29

Diig amunu da dahil ɠagattag ohppa da uɗat amu hekkulnu heɗiag okkai hettem. Kristus Nug nukka da uɗat anam hekkulnu ɠagattag okkai nuhig da meɗa, Nug da tappaɗilele hettem.

Ikki Danab 15:12

Nug anam aum, amge Juda danab ag appig. “Ig na hippalidta, Pilistia eppelagppa meidkkunignu uɗimut,” aon appig. Aon aeg amu, nug ag amelagppa aum. “Ag ii iuppeg, da bau daappi, ag ele oh gokkunignu nai ɠagattag qettan akkulag dayeb amu, da ag ele oh gokkunig,” awa aum.

1 Samuel 14:45

Saul nug anam aum, amge daup laa ag appig. “Jonatan nug he, ig Israel, ig Pilistia lamadmut amunu, nug mauhkkute? Iittanab iitta! Kayak Nug Jonatan eppegppa gemu he, ig Israel ig ehanittak okkainab aomut amunu, Yawe Nug genab bau daatte, genab amubia laa nug keeke eheɗ laa Jonatan nuhigppa iinab ii hema,” aon appig. Daup ag anam appig amunu, kobol amuppa ag hena, Jonatan mauhak eppegppanu eɗun aoeg, Jonatan ii mauhom.

1 Samuel 19:5

Haen Dawit nug Goliat, Pilistia ted, nug ele ban heya, nug daakku, o nug mauhkku, nug amunu ii dabmeum. Iitta. Yawe ehanitte, nug ban ha, Pilistia amu qe mauhe, nug Israel aɗi oh ehanatte, ag ban naɗi amu eɗidppig. Dawit nug amu he, na nug anidna, na nuhignu gaman ahom. Nug am eheɗ laa ii heum amunu, na nug qeppe mauhkku amu, na nuhigppa hipunin hekkut. Am aɗinu na diig ena iittappa anam hekkut?” Jonatan nug Saul amegppa anam aum.