Aposel 7:2 - Nobonob Baibel

² A amu, Stiven nug mehuqa amelagppa aum. “O da lailad, da mamelad ele ag doyeg! Anukka ig alanig Abraham nug Mesopotemia dayaya, nug Haran ii ukkom, haen amuppa Kayak, nug binag amahlak oppiaawak ele, nug Abraham gumitta noa, amegppa aum.

Aposel 7:2 ပူးပေါင်းရင်းမြစ်များ

Genesis 11:31

Anam daye amu, Tera, amu nug bekka Abram, nug alag Lot, amu nug ahipa Sarai ele, nug ag omalatta ukkom. Lot amu, nug Haran bekka, amu Sarai, nug am Abram wau. Tera aɗi ele ag aab onig Ur, Kaldia wanppa daatte, ag aab amu uuna, Kanan wanppa gokkulagnu ahappig. Ahana amu, ag gona, Haran aabppa tena, ag aab amu uun, Kanan wanppa ii goppig. Iitta. Ag aguppa daaglagnu daappig.

Genesis 12:1

Amu Yawe Nug anukka Abram amegppa nai imu ana malom. “Na ahan, wan nahip imu uuna, na tiin laippu, laipad ele uuadna, wan laa, da na ippunidkkul amu, na amuppa ukke!

Genesis 12:5

Abram, nug wau Sarai, aria nug awag bekka Lot, nuhikkud daup danab Harannu diiom, amu keeke oh Harannu awom ele amu, nug amu oh diie, ahan Kanan wanppa goppig.

Genesis 15:7

Abram nug Yawenu nai ooppa genab doye, amu Yawe Nug Abram amegppa aum. “Da am Yawe. Da na wan imu medappi, nahip daakkunu Ur, Kaldia wanppanu awitten, omaitti uɗime,” awa aum.

Genesis 29:4

Jakop nug ta, nug sipsip gumak danab oɗ mattom. “O lailad, ag adeppanu?” awa oɗ mattom. Oɗ matte amu, ag appig. “Ig am Harannu,” aon appig.

Nehemaia 9:7

Na Yawe Kayak daattem; na Abram tituanna, Kaldia wanppan aab onig Ur, appanu na Abram aon uɗime. Na Abram onig baolin, Abraham ataɗme.

Sam 24:10

King Nug binag amahlak oppiaawak ele amu, Nug am aun? Nug am Yawe Nukka Ɠagattag Oh Ele. Yawe Nukka Ɠagattag Oh Ele Nug am King binag amahlak oppiaawak ele. Sila.

Sam 24:7

Ag od anukkanu matulateg! Yo, ag od anukkanabnu matulateg! Ag King binag amahlak oppiaawak ele, ag Nug ooppa uɗikkunu ag od anam matulna, ib metteg!

Sam 29:3

Haen Yawe Nug nai maditte amu, Nug baag oqotti am okkainab, yu oqotti eɗittak. Ao, Kayak, Nug binag amahlak oppiaawak ele. Haen Nug nai maditte amu, Nug baag oqotti am hakkaɗ qette bia. Amu genab, haen Yawe Nug nai maditte amu, Nug baag oqotti am hakkaɗ qak bia, amu yu oqotti okkai ele eɗittak.

Aisaia 37:12

Da mamelad aɗi ag Asiria dilag king daappig amu, ag henan, wan kuɗum eɗadna heeg, nauhna autna aoppig, wan amunu kayak laa nug ag ehanatte ena daappigte? Iitta! Wan amuam Gosan, Haran, Resep, amu Iden danab ag Telasar daappig.

Aisaia 51:2

Ag ag mamelag Abraham neegna antteg! Ag Sarah, nug ag alalag ah tatamnu, nuhigppanu ag doppig amu, ag neegna nug atteg! Aɗinu? Da Abraham onigppa emi, haen amuppa amu nug nukka laippu dayom, amge da nug ititten hei, nug buɗub kuɗum beppig,” awa atte.

Aisaia 6:3

Amu engel-serep amu ag oh anen anen, ag laa anen anen ag agakka nug amegppa ag inam aon enana daappig. “Yawe Nukka Ɠagattag Oh Ele, Nug oppiaawak, Nug oppiaawak, Nug oppiaawak. Yawe Nukka Ɠagattag Oh Ele, Nug oppiaawak ele. Nuhig binag amahlak oppiaawak ele am wan oh elele mettom daatte,” aon enan daappig.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Luk 2:14

“Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Jon 12:41

Aisaia Jesusnu binag amahlak oppiaawak ele anttom amunu, nug Jesusnu aum.

Aposel 22:1

“O da lailad, mamelad aɗi, da ahilag nai amu nob mebippi, ag daulag human dooglagnu oɗ madattem,” awa aum.

Aposel 23:7

Pol nug nai amu a amu, ɗo gumak danab-Parasia amu ɗo gumak danab-Sadyusi ele gamagppa oo aeg bak be, aeg ona aeg do, aakku qagmak amu loppaɗeg, huu aɗit daapiɗ.

Aposel 7:1

Anam anidna amu mana mettak ikki danab nug Stiven amegppa aum. “Nai appig umu, amuppa yaaidppig amu, nai amuam genabte?” awa aum.

1 Korint 2:8

Wannu haen imuppan ikki danab oolagppanu laa nug doyak dabmak ena ele amunu diig pehettak ii doyom. Iitta. Ag doolob amu, ag Naɗi, Nug binag amahlak oppiaawak ele, ag Nug emaitakppa ii atullob.

Epesus 1:17

ihinig Naɗi Jesus Kristusnu Kayak, Nug am ig Mamenig, Nug binag amahlak oppiaawak ele, Nug ag Ouɗi matteb, ag nuhig nainu diig, Kayak ele tutukku dooglagnu ool dayeye unuqidttem.

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Hibru 11:8

Abraham nug ele Kayaknu ooppa genab doyom amunu, nug Kayak oɗe dim lamitta, Kayak Nug wan atu laa nug aug daakkunu medakkunu aum, amuppa ukkom. Amu nug appag diignab uua aha, aab attenppanab ukka daakkunu amu, nug oo ii maittette ukkom.

Jems 2:1

O lailad, ag Naɗi ihinig Jesus Kristus, Nug binag amahlak oppiaawak ele amu, ag nuhignu oolagppa genab dootteb amunu, ag danab onilag okkai ele amuib atognoadna, danab onilag iitta ele am keeke hamu bia anadkkulagnu aib heppig.

Josua 24:2

Amu Josua nug danab ah oh amelagppa mattia aum. “Yawe, Israel dilag Kayak, Nug inam atte. ‘Anukkanab ag mamelkad aɗi, ag Yupretis le laihppa appa daanna, ag kayak laala noolagppa dup nona binalag meppig. Ag mamelag anukkanu laa am Tera. Tera nug am Abraham, Nahor ele mamelah.

Revelesen 4:11

“O Naɗi, ihinig Kayak, Na keeke ohnab heme. Nahip doyakppaib na keeke oh he beppig. Gemu keeke amu oh nahip doyakppaib ele iikku daatteb amunu, binag amahlak oppiaawak, ɠagattag, binag ele nahip-ppa daakkunu, na elele daattem.” Ag anam aegeg anidmi.