Aposel 7:16 - Nobonob Baibel

¹⁶ Ag mauhatteg, gaɗalag amu ag eɗun akkan gona, Sekem matmatppa boumadppig. Anukka Abraham nug silwa men doɗoppa wan amu Hamor buɗub, danab amu ag eppelagppanu awom.

Aposel 7:16 ပူးပေါင်းရင်းမြစ်များ

Genesis 23:16

Awa a, Abraham nug nai amu doya, nug 4.5 kilogram silwa Epron aum bia, amu Hit danab noolagppa elele metta, Epron mettom. Keeke laihnu awa dadennu mak danab ag silwa men doɗo amunu, nuhig noob gane doon, maɗi ahilag heppig amu, Abraham amu dim lamitta heum.

Genesis 23:4

“Da am aab diig danab iitta, da uɗien, ag oolagppa daattem; da wan laihnu danab amunu, da wan nakok laa imuppa ah dahil boumkkulnu daden mekkulnu ool daatte,” awa aum.

Genesis 35:19

Aakku Rahel mauhe, ag nug Eprat ukkaknu ib daugppa boumppig. Eprat onig laa am Betlehem.

Genesis 50:12

Ag anam hena gona amu, Jakop bekkod ag Jakop hekkulagnunab aum amu, ag amubia heppig.

Genesis 50:13

Ag nug gaɗa maon Kanan wanppa gona, ag appa wan onig Makpela, Mamre guguittak, men oɗeppa boumppig. Abraham nug men oɗe amu, wan dayomppa ele Hit danab onig Epron, nuhigppanu boumak aben daakkunu awom.

Eksodas 13:19

Ag gonana, ag Josep ebehi ele maon goppig. Aɗinu? Anukka Josep nug Israel bekkod laa amelagppa aum. “Geha dimppa Kayak Nug ag Israel, ag Isipnu eɗua diia gokku amunu, haen amuppa ag da ebehil ippanu aon ele ukkeg!” awa aum. Josep anam awa ana, nug he, ag amu hekkulagnu nai mattin, ɠagattag qedappig. Ag anam appig amunu, Moses he, ag Josep ebehi ele maon goppig.

Josua 24:32

Amu Israel ag Isip uun beppig, haen amuppa ag Josep ebehi ele maon uɗippig. Ag maon uɗin, Kanan wanppa Sekem guguittak, appa boumppig. Ag memetalag anukkanu Jakop, nug wan amu aokkunu, nug Hamor bekkod silwa men doɗo 100 matta awom. Nug wan amu awom amu, ag aguppa Josep ebehi boumppig. Anam amu, wan amuam Josep buɗubnu wan, ag aulag aakku dayom. Hamor am Sekem mameg.