Aposel 6:9 - Nobonob Baibel

⁹ amge danab laala ag Stiven ele oolag laippu iitta, ag heeg, ag nug ele nai aeg ona aeg doum. Danab amu ag Juda dilag nai doyak lakka, ag lag amunu, Danab Begbeg Maɗi Nid Iitta atteb ele amu, ag lag amuppa godappig. Danab amu ag am Sairini, Aleksandria, Silisia, Asia elenu uɗiak.

Aposel 6:9 ပူးပေါင်းရင်းမြစ်များ

Matyu 10:17

Ag dahilad amu, ag wan imuppan danab dilag dabmeig! Danab laa amu ag ag hettoɗiakppa maadna, nai doyak lag ooppa bu qaun eleppa eheɗ mataɗadkkulag.

Matyu 23:34

Amunu ag doyeg! Da propet, amu danab doyak dabmak ena ele, ag Kayak nai tutukku dootteb, amu ippunittak danab ele ana maadppi, ahilagppa uɗiglag. Uɗippeg amu ag laa aqappeg mauhppeg, laa ag ad emaitakppa atuladna, ag laa ahilkad nai doyak lag ooppa bu qaun eleppa eheɗ mataɗadkkulag. Ag mataɗadna, ag lamadppeg, ag aab okkai laappa goppeg, baula lamadppeg, aab okkai laappa gona, anamib oiglag.

Matyu 27:32

Ag aon gonana, ag wan laa onig Sairini ted onig Saimon uɗappa tena, ag nug duttuna heeg, nug Jesusnu ad emaitak mawom.

Mak 13:9

Ag dahilad amu, ag wan imuppan oiyak ahilag dabmeig! Laa ag ag hettoɗiakppa maadna, nai doyak lag ooppa bu qaun eleppa eheɗ mataɗadkkulag. Da onil ahilagppa daatte amunu, ag diiadna king, gabman ele eppelagppa maadppeg, ag hettoɗiadkkulag. Amu ag haen amuppa dahilnu ag amelagppa mehuqkkulag.

Luk 21:12

Amge haen keeke amu oh ii bebeppeg, geha danab laa ag ahan, ag dahilad amu, ag eppelagppa ag aɗualadna, ag eheɗ hattana, nai doyak lakka appa dimulag mena, diin maniguittakppa maadkkulag. Da onil ahilagppa daatte amunu, ag diin king, gawana ele noolagppa maadppeg, hettoɗiadkkulag. Da onil ahilagppa daatte amunu, ag kobol amu ahilagppa hekkulag.

Aposel 11:20

Aria, ag anam heppig, amge ag oolagppanu danab laippu laippu, ag am Saiprus amu Sairini danab ele, ag gona, Grik danab Antiok daappig ele amelagppa Naɗi Jesusnu Nai Ena mehuqppig.

Aposel 13:1

Aria, Antiok Kristen tamaniakppa propet, amu ippunittak danab laala ele appa daappig. Ag onilag am Barnabas, Simeon, nug onig laa Naisa, Lusius, nug am Sairini ted, Manain, nug Herot Antipas ele buɗub laippu, amu Saul aakku.

Aposel 13:45

Amge haen Juda laala ag danab ah kuɗumnab qagmeeg anadna, ag, ihinigppa anam daalon dabmak aɗan daan, ag ahan, Pol nai mattiom amu, laa ag amu doomnanu, nai amu tabappeg nokkunu henana, ag Polnu nainu nai iɗu iɗu mattin, dappidna, aon aon qedappig.

Aposel 15:23

ag uɗug yaak ele aoya gokkulahnu eppelahppa meppig. Uɗugppa yaappig am inam. “O iitta aɗi lainkad Antiok, Siria amu Silisia ele daatteb, ig Kristen tamaniaknu totol danab, ikki danab ele, ig ag lailkad daattem amu, ig pas imu ag ebqena dooglagnu iikku yaattem. O lainkad ig ag humadttem.

Aposel 15:41

Anam aeg amu, aa goya, Siria, Silisia ele tikkui goya, Kristen tamaniak ɠagattag aqapiɗ.

Aposel 16:6

Aria Pol, Silas amu Timoti ele ag oiyegeg, Kayak Ouɗi Nug ag Nai Ena Asia appa mehuqmananu ib oo neum amunu, Pol nug aɗit laa ele ag ahan wan atu aɗit onilah Prigia, Galesia ele tikkuna gonana amu,

Aposel 18:24

Pol nug anam heehe amu Juda danab laa, onig Apolos, nug anig aab laa onig Aleksandria, Isip wanppa appa menue dayeye ukke, Pol Epesusnu aha oiyeye, Apolos nug ukka Epesus dayom. Nug am doyak kuɗum ele, amu nug Kayak nai, Juda ag aɗappig ele, nug amu oh doyom.

Aposel 19:10

Maɗ aɗit Pol nug anam heum amunu, danab ah Asia prowinsppa daappig, Juda amu Grik ele, ag oh Naɗinu nai dooppig.

Aposel 19:26

Amu danab laa onig Pol nug uɗia, danab ah ameg naɗi eeɗatta hambuppue, ahilag dabmak am kaboliak daatte. Ag amu ele anidna dootteb. Antteg, nug Epesus ippaib anam ii heum. Iitta! Nug Asia prowins imu ohppa bia oiyaya, nug anam heum. Nug inam atte. ‘Nigul, danab ag eppelagppa hetteb amu, amuam genab kayak iitta!’ Nug hanhan anam atte.

Aposel 21:27

Nug anam he, dimppa deɗ eblaih aɗit amu malakkunu heehe, Juda Asianu ag Pol Kayaknu mettid lag ooppa anidna, ag ahan heeg, danab ah kuɗum daappig ag ottaina ahaeg, Asia danab ag Pol aɗan huana inam eppig.

Aposel 21:39

Oɗ mette am Pol nug aum. “Da amu Juda danab; da aab okkai onig Tarsus, Silisia wanppa daatte, amuppan danab. Aab okkai dahil amu onig okkai ele. Amu na appe, da danab ah amelagppa nai madikkulnu ool daatte,” awa aum.

Aposel 22:19

A am da ami. ‘Naɗi ag da dooiɗtteb. Anukka da Juda dilag nai doyak lag ohppa oiyeye, danab ah ag nahipnu oolagppa genab dooppig ele amu, da diie maniguittakppa maatten, da ag bu aqami.

Aposel 22:3

Ag anam daaegeg, Pol nug nai tuɗitta aum. “Da am Juda danab. Da anil amu nug da aab okkai Tarsus, Silisia prowinsppa daatte, nug appa da menuiɗom, amge da aab okkai imuppa ena mein, Gamalielnu sulppa sul hei, nug ig alankad dilag ɗo amu oh nug da tutukku ippuniɗom. Ippuniɗe amu, da Kayak dim lamidkkulnu wagainab memi, gemu ag ɗo amu dim lamidna, wagai mena hetteb amubia.

Aposel 23:34

Pol nug dayeye, Peliks nug ad uɗug amu ebqewowa, nug Pol oɗ mettom. “Na apan diig am prowins attenppa daatte?” oɗ mettom. Oɗ mette amu Pol nug aum. “Da am Silisia danab,” awa aum.

Aposel 24:18

Am da uɗat anam heinne, da Juda dilag kobolppa oppiak dayaknu kobol hein, Kayaknu mettid lag ooppa daaiyi amu ag da aniɗppig. Danab ah kuɗum da ele laa ii daamut, appa ele da hei, danab laala oqottilag laa ele ii heppig. Iitta.

Aposel 26:11

Haen kuɗum da Juda dilag nai doyak lakka ukkatten, da laa Jesusnu oolagppa genab dooppig ele bu mattami. Amuib iitta, da ag Jesusnu dabittak nai mattiglagnu ele wagai memi. Da ahilagnu oppoɗi bak huanaknab doomi amunu, da atu laihppan aab okkai laalappa ele eheɗ hadakkulnu appa dim lamadmi.

Aposel 6:10

Am Kayak Ouɗi Nug doyak dabmak ena ele Stiven metta he, ag nuhig nai eɗidna, tabappeg nokkunu elele iitta.

1 Korint 1:20

Amunu danab doyak dabmak ena ele nug attemun? Danab doyak okkainab ele, nug ele am attemun? Attemun wannu haen imuppan danab nug oɗe alala eppa elelenab maditte? Kayak Nug wan danabnu doyak dabmak ena ele amu he, nai amu dabmak tutukku iitta iite daatte?

Galesia 1:21

Amu dimppa amu da Siria prowins, am Silisia prowins, amu dilagppa ele gomi,