Aposel 6:3 - Nobonob Baibel

³ amunu, O lainkad, ig inam hekkunig. Ag oh oolagppanu ag danab eblaih aɗit laa, danab ah ag danab amunu ena elele dootteb, ag Kayak Ouɗi aoppig, ag doyak dabmak ena ele amu, ag danab eblaih aɗit amubia anatteg! Danab amu ig uɗat amu madapput, ag hekkulag.

Aposel 6:3 ပူးပေါင်းရင်းမြစ်များ

Eksodas 18:21

Na anam hekkut, amge na inam ele hekkut. Na danab ah oolagppanu danab ag keeke haknu elelenab daatteb laala, ag Kayaknu ebehilag oh bodoetta le mette, laa ag danab amunu genab elele dooglagnu elele, danab amu ag men doɗo awaknu nai hambuppuak ii mattimna ele amu, na danab amubia otiadna heppe, ag laala danab ah 1,000 gumadna, ahilag okkai daappeppeg, laala 100, laala 50, am laala 10 anam gumadnana, ahilkad ehanittak anuqak danab daaglag.

Aisaia 28:26

⌊Nug amu hettenu diig am,⌋ Kayak, nuhig Kayak, Nug amu haknu kobol ippunidtte. Ao, Kayak Nug ib tutukku dim lamitta, amu oh hekkunu doyak medatte.

Aisaia 28:6

Yawe Nug geha danab ag epeɗiak danab daatteb, Nug ag nai doya mala hettoɗia epeɗia elele mettak kobol elele hekkulagnu doyak ena matteb heppeg, amu Nug daup ag aab okkainu odppa daan, kekeɗ ag ooppa nona, danab ah aqamnanu ib oo netteb ele amu, Nug ag ɠagattag aqadkku.

Matyu 23:8

Anam ana amu Nug nai tuɗitta ippunittak awak danab nuhikkud amelagppa aum. “Amge ag amu, ag danab laala ag ahilagnu, ‘Ippunittak danab,’ akkulagnu oolag aib dayom. Laippu aakkuib am ahilag ippunittak danab, ag oh am awag amag aakkuib daatteb.

Jon 21:23

Jesus anam a amu nug laikkud oolagppa ippunittak awak danab amuam ii mauhmanu nai anam naɗi meum, amge Jesus Nug, “Danab amu nug ii mauhma,” ii aum. Iitta! Nug, “Da nug bau anam dayebeb, da eɗue uɗikkulnu ool daatte dayeb amu, amuam nahip keekete?” aakkuib aum.

Aposel 1:15

Ag anam daanna, haen amuppa Pita nug danab ah ag Jesusnu oolagppa genab dooppig ele, ahilag ebqak 120 anam amu, nug ag oolagppa aha hibaitta Judasnu inam mattiom.

Aposel 1:21

Anam amunu, gemu ig danab laa, nug Naɗi Jesus Nug ig oonigppa oiya, ukkak uɗiak heum, danab amu nug haen amu ohppa ig ele oidmut amu, nug Judas aben aokkunu tituankkunigoitte.

Aposel 10:22

ag nug amegppa appig. “Kornilius, nug ban daup 100 dilag ikki daatte, nug he ig uɗimut! Nug am genab tutukku hak danab. Nug Kayaknu ebehi oh bodoetta le mette. Juda danab ah oh ag nuhignu ena elele dootteb. Amu Kayaknu engel oppiaawak laa na, Kornilius amegppa nahipnu, na Kornilius laugppa gona, na nai laala appe nug dookkunu aum amunu nug he, ig uɗimut,” aon appig.

Aposel 15:23

ag uɗug yaak ele aoya gokkulahnu eppelahppa meppig. Uɗugppa yaappig am inam. “O iitta aɗi lainkad Antiok, Siria amu Silisia ele daatteb, ig Kristen tamaniaknu totol danab, ikki danab ele, ig ag lailkad daattem amu, ig pas imu ag ebqena dooglagnu iikku yaattem. O lainkad ig ag humadttem.

Aposel 16:2

Listranu Kristen am Aikoniamnu Kristen ele ag hak nuhig anidna, “Timoti nug danab ena,” aon appig.

Aposel 2:4

Anam he amu, danab oolagppa genab dooppig ele, danab amu ag oh Kayak Ouɗi ag oolagppa ambe, ag ahan, nai digdigppa nai madippig. Amu Kayak Ouɗi Nug he, ag oɗelagppa anam nai madippig.

Aposel 22:12

Aria, appa danab laa dayom, nug onig Ananias. Nug am ɗo dim lamittak danab. Juda oh Damaskus daatteb ele, ag nuhignu ena elele dootteb.

Aposel 28:14

Aab amuppa am ig Kristen laala anattut, ig deɗ eblaih aɗit ag ele dayota, ig ahat Rom tekkunignu ⌊baenigppa⌋ gomut.

Aposel 6:2

Anam daye, totol danab 12 ag aeg, danab Jesusnu oolagppa genab dooppig ele ag oh uɗin qagmeeg, amelagppa appig. “Ig ee paniak uɗat hekkunignu Kayak nai mattiak uɗat uugnig am ena iitta. Ig anam hekkunig amu, am Kayak noobppa ena iitta

Aposel 6:5

Ag anam aeg, danab ah oh ag nai amunu ena doon, ag danab otiadppig. Ag otiadppig ele amu, ag onilag am Stiven, nug ooppa genab doyak nuhig am ɠagattag, Kayak Ouɗi nug ooppa ambak ele. Aria, laa am Pilip, laa am Prokorus, laa Nikanor, laa am Timon, laa Pemenas, amu laa am Nikolas. Nikolas ⌊nug iitta aɗi laa,⌋ nug Antiok ted. Amu nug ⌊tatam⌋ eɗua, Juda dilag mettid dim lamittom, ⌊amge gemu nug Kristen beum daatte⌋.

Aposel 6:6

Ag danab amu otiadna heeg, totol danab 12 noolagppa hibaitteg, ag eppelag qaɗelagppa mena, ahilagnu unuqidppig.

Aposel 9:30

Anam heegeg, Kristen tamaniakppanu nug laikkud ag amu doona, ag Saul omalna Sisaria nona meeg, Tarsus ukkom.

1 Korint 12:8

Kayak Ouɗi Nug danab laa dabmak ena laa ippunadkkunu ehah medatta, Kayak Ouɗi laippu amu, Nugib danab laa nug Kayaknu nai mehuqeb, danab ah tutukku dooglagnu ehah medatte.

1 Korint 16:3

Aria, da dimppa ahilagppa goppi amu, ag akka danab laala ag men doɗo amu aon, Jerusalem gokkulagnu otiadppeg amu, da Jerusalem danab ag danab ag otiadppig ele, ag ag doyadkkulagnu da ag pas madappi, ag amu ele aon gokkulag.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

Duteronomi 1:13

⌊Da elele iitta amunu,⌋ ag danab laala Israel dilag huu okkai anen anenppanu, ag doyak dabmak ena ele, ag danab keeke diignu doyak tutukku ele, ag danab ag ahilagnu ena elele dootteb amu, ag ag epeɗiadppeg, da ag ahilkad ikki danab daaglagnu otiadkkul.” Da anam ami.

1 Timoti 5:10

amu danab ah laa ag nug kobol ena heum, nug nuhikkud nid ena atognoatta omalattom, nug ehanittak kobol dim lamittom, nug Kayaknu danab ah oppiaawak ele atognoattom, nug laa qagaiettakppa daaegeg ehanattom, amu nug kobol ena laala kuɗum heum ele anidtteb dayeb amu, ah qab amu na nug onig ah qab laa, ehanittak aoglagnu onilag ele laippu ye!

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

3 Jon 1:12

Demitrius nug kobol ena hette amunu, danab oh ag nug binag metteb. Doyak diig genabib am ele nug onig hume, attan tette. Ig ele nug binag mettem, amu na doottem, ihinig nai am genab.