Aposel 5:40 - Nobonob Baibel

⁴⁰ Gamaliel nug anam a, ag nuhig nai dim lamidna, totol danab 12 ii aqappig, amge ag diin ag, laa ag bu qaun eleppa eheɗ mataɗattona, nai Jesus onignu amu ii mattimnanu haknunab nai ag amelagppa awona, heeg goppig.

Aposel 5:40 ပူးပေါင်းရင်းမြစ်များ

Prowerb 12:10

Genab tutukku hak danab ag ahilkad doɗ keeke atognoadtteb; amge nau hak danab ag ahilag atognoak am laa guittak mattaknu uug laa ii doyakppa bette.

Aisaia 30:10

Ag Yawenu propet amelagppa, “Ag baula Yawenu nai tuleglegppa aib anidppig,” atteb. Ao, ag propet danab amelagppa, “Ag baula Yawenu nai genab tutukku ele tuleglegppa aib anidna, ig amenigppa madippig,” anam maditteb. Ag mattina, ag tuɗidna Yawenu propet amelagppa atteb “Ag Yawe oɗe aon, nuhig nai uug ele aib madippig. Ag keeke ena, keeke ig oonig hette ele, ag amu mattieg!

Amos 2:12

Yawe Nug anam anan, Nug inam ele atte. “Anam amu, dahilad danab, Nasarait danab atteb, da ag wain lamananu ami. Da anam ami, amge ag Israel laa ag wagai men heeg, dahilad danab, Nasarait atteb, ag wain lappig. Yo, ag ele propet danab dahilad ag propet nai mattimnanu haknunab nai anan, ‘Aib!’ appig.

Maika 2:6

Laa da, Maika, ag dahilnu atteb. “Na propet nai aib mattime! Na dimppa aɗi bekkunu nai aib mattime! Uug amu bekku am, uɗa nak nau guittak ele megakku, amge uug amuam ii bema,” aon atteb.

Matyu 10:17

Ag dahilad amu, ag wan imuppan danab dilag dabmeig! Danab laa amu ag ag hettoɗiakppa maadna, nai doyak lag ooppa bu qaun eleppa eheɗ mataɗadkkulag.

Matyu 20:19

ag iitta aɗi eppelagppa meiɗkkulag. Meiɗppeg, ag aon aon iuna, bu qaun eleppa eheɗ mataɗilna, ad emaitakppa atuliɗkkulag. Ag anam atuliɗppeg mauhe, deɗ ewamppa, Kayak heeb, da eɗuen hippaidkkul,” awa aum.

Matyu 23:34

Amunu ag doyeg! Da propet, amu danab doyak dabmak ena ele, ag Kayak nai tutukku dootteb, amu ippunittak danab ele ana maadppi, ahilagppa uɗiglag. Uɗippeg amu ag laa aqappeg mauhppeg, laa ag ad emaitakppa atuladna, ag laa ahilkad nai doyak lag ooppa bu qaun eleppa eheɗ mataɗadkkulag. Ag mataɗadna, ag lamadppeg, ag aab okkai laappa goppeg, baula lamadppeg, aab okkai laappa gona, anamib oiglag.

Mak 13:9

Ag dahilad amu, ag wan imuppan oiyak ahilag dabmeig! Laa ag ag hettoɗiakppa maadna, nai doyak lag ooppa bu qaun eleppa eheɗ mataɗadkkulag. Da onil ahilagppa daatte amunu, ag diiadna king, gabman ele eppelagppa maadppeg, ag hettoɗiadkkulag. Amu ag haen amuppa dahilnu ag amelagppa mehuqkkulag.

Luk 20:10

Am nug appa dayeye, grep meu awak haen be, nug maɗi nid nuhig me, grep meu laih nuhig aokkunu dad uɗat danab gumatta ukkom, amge dad uɗat danab ag maɗi nid amu makkuɗna meeg, eɗua hamu ukkom.

Aposel 5:28

“Amu ig ag amelagppa ag Jesus onigppa nai baula danab ah iinab ippunadmananu amut. Aɗinu ag anam heegeg, danab ah oh Jerusalem daatteb ele aakku dooppig. Amu ag danab ag ihinignu, ‘Jesus Nug danab ena, ag qeeg mauhom,’ aon akkulagnu dabmak aoeg ɠagattag eppom daatte,” awa aum.

2 Korint 11:24

Haen tanig ele Juda danab ag buppa da mataɗileg ukke, 39 batom.