Aposel 5:36 - Nobonob Baibel

³⁶ Aɗinu? Ag imu dootteb. Matu haen Teudas nug aha, ‘Da danab okkai,’ ana, nug nukka binag ma hambuppualatta he, danab 400 ag ahan dim lamidppig. Amge gabman nug Teudas qe mauhe amu, danab ag nuhignu oolagppa genab dooppig ele, ag ele matatun ukkaeg, nuhig uɗat aakku iitta meum.

Aposel 5:36 ပူးပေါင်းရင်းမြစ်များ

Matyu 24:24

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta okkainab, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag agnab hambuppualadkkulagnu hekkulag, amge elele iitta.

Matyu 24:26

Amunu laa ag, ag amelagppa, ‘Nug atu taɗakppa daatte,’ aon amelagppa appeg am ag appa aib goppig. O ag, ‘Nug lag imu ooppa daatte,’ aon amelagppa appeg amu, ag oolagppa genab aib dooppig.

Matyu 24:5

Aɗinu? Danab kuɗum ag da onilppa uɗin, ‘Da am Kristus,’ anana, kuɗum laa buppualadkkulag.

Aposel 21:38

Amu na am Isip danab nug nakok matu gabman ele ban hekkulagnu haaha, nug aha, danab 4,000 gabman ele ban hekkulagnu diie, qep elab aɗaegeg omalatte, ag atu taɗakppa goppig amu, na am nug iittatai? Na am aun?” awa oɗ mettom.

Aposel 5:35

Nug a, ag heeg, totol danab ag dimittim ukkaeg, nug okkai danab laa daappig amu amelagppa aum. “Ag Israel danab, ag kobol aɗi danab imu dilag hekkulagnu hetteb amu ag dabmeig!

Aposel 8:9

Ag oolag anam doyeg amu, danab laa aab okkai amuppa dayom, nug onig Saimon. Anukka nug am onig awak kobol heehe, Samaria danab ah oh ag nuhignu dabmak kuɗum aoegeg, nug nukka binag ma, “Da am danab okkai,” attom.

Galesia 2:6

Aria danab da ele nai mattimut, ag da nai mehuqttem ele amu, ag nai amu ii tuɗidppig. Eleleib dooppig. Danab laa ag amu dilagnu, “Danab okkai,” atteb, amge amuam genab o genab iitta, da amunu dab-ii-mettem. Aɗinu? Kayak Nug danab dilag neekkakppa danab laanu, “danab onig ele,” laanu, “danab onig iitta,” Nug dabmak amu dab-ii-mette.

Galesia 6:3

Danab laa nug nukka nug, “Da onil ele,” dabmette, amge nug onig iitta, danab amu nug nukka nug oo buppuidtte.

2 Pita 2:18

Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.

2 Pita 2:2

Am ele, geha danab laa kuɗum ag danab amu, ahilag kobol nau aon dim lamidkkulag amunu, danab kuɗum laa ag ib genabnu nai nau akkulag.

Jut 1:16

Danab amu ag naittuɗ mak naunab metteb. Ag ahilagppa kobol aɗi bette, ag amunu oolag nauhtte. Ag beɗu kobol eheɗ ahilag dim lamidtteb. Ag akka beɗulag humaglagnu oɗelag alala ebatte. Amu ag danab laa dilag keeke aoglagnu dittuanin mattan, oo eeɗaknu nai ittag ele maditteb.

Revelesen 17:3

Awa a amu, Kayak Ouɗi dahilppa ambe, engel nug omaiɗa, atu taɗakppa ukke, da ah laa nug doɗ dakkuɗ laa beɗu kokoɗnab qaɗeppa dayeye anidmi. Doɗ amu beɗu am, Kayaknu dabittak nai kuɗum yaak ele; nug ikki eblaih aɗit ele, nug qeqeɗi eblaih laih ele.

Revelesen 17:5

Nug iɗuppa onig laa nai tonakppa yaappig. Onig amuam inam. “Aab okkai Babilon onig, ɠagattag ele, nug am ib baag ah, amu wanppanu keeke nau digdig, Kayak Nug amunu ooppa uuaknab dootte, am amu oh anilag aakku.”