Aposel 5:3 - Nobonob Baibel

³ Nug anam a amu Pita nug aum. “Ananias, aɗinu Satan na ootppa ambe, na Kayak Ouɗi amegppa hambuppuak nai mattinna, ‘Da wan mei, laa nug daden me, men doɗo aomi amu oh iikku,’ ame, amge na laih nahip daakkunu piɗe mee dayeye, laihib aon uɗime?

Aposel 5:3 ပူးပေါင်းရင်းမြစ်များ

Job 22:13

Kayak Nug anam dayaya, keeke oh anidtte, amge na attem. ‘Kayak Nug keeke laa antta doottete? Ge, Nug gatatu teppu ele attan daatte amunu, Nug neekka, aɗi kobol wan imuppa hetteb ele antta, epeɗiadttete? Iitta.

Prowerb 20:25

Danab nug dabmak pehettak ii awawa, keeke Kayaknu daakkunu tituana medatte; amu dimppa nug genabnab hekkunu nai anan qakkak nug mattiom ele, nug nai amunu dabmak pehettak aokku amu, amuam nug pelemppa tette bia hette.

Eklisiastis 5:4

Kayak Nug danab nug Kayak dab-ii-maama ii dim lamidtte elenu ena ii dootte amunu, na Kayak amegppa keeke laa hekkutnu genabnab hekkutnu nai anan qagakkut dayeb, na anamib paha he! Na dimppa, haen adekkuppa aib heme!

Aisaia 29:15

Laa ag akka ahilag dabmakppa keeke hekkulagnu maittak aona, Yawe Nug amu doomanu ag dabmak ahilag amu lokkumkkulagnu uɗat okkai hetteb. Ao, ag ahilag hak gatatu ooppa henana, ag “Aun anigtte?” anana, o “Aun dookku?” atteb amu, ahilagnu gadonnab gadon.

Jeremaia 23:24

Da aben ohppa daattem amunu, danab laa da nug anidpanu aben lokkumakppa nug nugakka appa lokkumidkkunu elele iitta. Da hab attan, wanppa ele, da appa ana aben ohppa daattem.

Hosea 11:12

Israel danab ah ag hanhan buppuiɗtteb. Ge, Israel danab ah ag hanhan nai genab iitta da amelppa maditteb. Amge Juda danab ah ag Yawe ele ɠagattag daatteb. Ao, ag tuɗidna, oo metta ii uuak kobol dim lamidna, Kayak Oppiaawak Ele oɗe dim lamidtteb.

Namba 30:2

‘Haen danab laa nug Yawe amegppa keeke genabnab hekkunu nai ana qagatte, o iitta nug keeke hekkunu Kayak onigppa nuhig nai ɠagattag qetta atte amu, nug nuhig nai amunu hamu bia doya, iinab okkulma. Nug keeke hekkununab aum am hekkuoitte.

Matyu 13:19

Haen danab laa nug Kayaknu ɗo maɗoɗnu nai doya, oo ii maidtte amu, Satan nug paha he, Kayak nai nug ooppa dayom iitta mette. Ee aeg ibppa nena qeppig ele amu, nai amu anam ippunigtte.

Luk 22:3

Ag anam mattieg amu Satan nug Judas Iskariot, nug ooppa noum. Nug amu ippunittak awak danab 12 oolagppan laa.

Jon 13:2

Nug nuhikkud ippunittak awak danab ele ee lanan daanna, Satan nug matu Judas Iskariot, Saimon bekka, nug Jesus kekeɗ eppelagppa mekkunu dabmak metta malom amu,

Jon 13:27

Judas ee amu awe amu, Satan nug ooppa noum. No amu Jesus Nug Judas amegppa aum. “Keeke na hekkutnu hettem am paha he!” awa aum.

Aposel 5:2

Nug men doɗo awa, laih amu nuhig piɗe me dayeye, nug men doɗo laih amu awa uɗia, totol danab 12 matta, “Wan dahilnu nob oh iikku,” awa aum. Nug wau nug amu hekkunu dabmeum doya, anam hekkunu elele aum.

Aposel 5:4

Na tatam wan amu laa aokkunu ii meeme, am nakka nahip dayom. Am dimppa na ae, daden meeg, men doɗo amu ele nahipib dayom. Amu aɗinu na kobol amu hekkutnu ootppa dabmeme? Na heme amu danab ii buppuidme. Iitta. Na Kayak amegppa hambuppuak nai mattime,” awa aum.

Aposel 5:9

Ah nug anam a, Pita nug amegppa aum. “Amu aɗinu aa oh nai laippu mattiya, aa Naɗinu Ouɗi ma anttak mettaglahnu hepiɗ? Doye! Danab ag na gamut boumona, geha iikku eɗun doppig, ag odppa hippaidppig daatteb, geha ag na ele boumidkkulagnu mawidkkulag,” awa aum.

Duteronomi 23:21

Am na genabnab haknu nai anan qakkak laa, Yawe, ahilag Kayak, na Nug amegppa anam ame dayeb, na ame bianab genab he! Aɗinu? Yawe, ahilag Kayak, Nug na genanabnab nai anan qakkak ame bia, na amu hekkutnunab dabmak aɗa daakku. Na anam ii hekkut dayeb amu, hipuninnu aab am na beɗunppa daakku.

Jems 4:7

Anam amunu, ag Kayak waappa dayeg! Ag Satan nug aɗi eheɗ hekkulagnu hette, ag ii hemananu ag ɠagattag hippaidna daappeg, nug ag uuatta, oola gokku.

1 Pita 5:8

Ag hanhan dabmena autna aweg! Satan, kekeɗ ahilag, nug am laion laa bia danab laa diia lakkunu oiyaya, huanak gayaya oitte.