Aposel 5:26 - Nobonob Baibel

²⁶ Danab amu anam a doona, ban daup ikki anuqak, amu nuhikkud ban daup ikki laa ele ag gona diippig, amge ahilagnu eheɗ laa ii heppig. Aɗinu? Ag baɗan inam akka akka appig. “Ig ag makkuɗadpput amu, danab ah ag ig menppa iqaglagtai,” aon appig.

Aposel 5:26 ပူးပေါင်းရင်းမြစ်များ

Matyu 14:5

Amu nug Jon qeeb mauhkkunu heum, amge nug danab ah dilag baɗom. Aɗinu? Danab ah ag Jonnu, “Nug am Kayaknu propet,” aon appig.

Matyu 21:26

Amge ig, ‘Danabnu keeke,’ akkunig amu, danab oh ag Jonnu, nug am propet dootteb amunu, ig ahilagnu baɗattem,” akka akka aon appig.

Matyu 26:5

Ag hettoɗiak hena amu ag appig. “Danab ah ag nug qemana, muttub ele qemananu amu, ig Pasowanu Hobul haenppa Jesus ii aɗamta,” aon appig.

Matyu 26:58

Ag Jesus aɗan omalna teegeg amu, Pita nug dim lamattom, amge nug nakok piɗe dim lamattom. Dim lamatta, nug mana mettak ikki danab laugnu haɗap giginppa ukkom. Nug appa ukka, nug haɗap-ppa no, lag mamegnu daup ele daappig. Nug kobol aɗi hebeppeg, amu anidkkunu dayom.

Luk 20:19

Amu mana mettak danab okkai amu ɗo mehuqak danab ele ag Jesus Nug keeke danab ag dootteb ii dootteb ele ouaqata, ippuanattak nai amu ag eheɗ hak ahilag anidkkulagnu mattiom doona, ag haen amuppanab ahan aɗaglagnu ib madippig, amge ag danab ah dilag baɗappig.

Luk 20:6

Amge ig, ‘Danabnu keeke,’ apput am, geha danab oh ag Layattak Jonnu, nug am propet oolagppa genab dootteb amunu, ag menppa iqaglag,” aon appig.

Luk 22:2

mana mettak danab okkai, ɗo mehuqak danab ele ag danab ah baɗadna appig. “Ig attem heta, Jesus qepput mauhkku,” aon madippig.

Luk 22:4

Satan nug ooppa no amu Nug ukke, mana mettak danab okkai, Kayaknu mettid lag gumaknu ban daup ikkilkad ele nug ib adekkuppa Jesus awa, ag eppelagppa mekkunu nai madippig.

Aposel 4:21

Aa anam aeh, aria danab okkai ag aa amelahppa nai ɠagattag appig amu, ag nai anam bia laala ele tuɗidna awona, ag danab ah oh ag Kayak keeke he anidna, amunu oolag gamag ahe, ag Nug binag meppig anidna, ag danab ah amu diig amunu baɗappig amunu, ag Pita, Jon ele guittak mataglagnu ib ii anidna, heeg gopiɗ.

Aposel 5:13

Anam amu, laa ag ag eheɗ ii hadappig. Iitta. Aabppan danab ah ag ahilagnu oolag enaib dayom.

Aposel 5:22

Ag aeg, daup ag maniguittakppa goppig, amge totol danab 12 ag appa ii daappig anidna, ag eɗun qagmeppigppa gona, ag keeke attem attem anidppig amu aeg dooppig.

Aposel 5:24

Anam aeg doona, aria mana mettak ikki danab amu ban daup Kayaknu mettid lag gumappig dilag ikki ele ag dabmak kuɗum aonna appig. “Keeke attemtai laa ana daakkutai,” aon appig.

Aposel 5:25

Amu ag anam mattiegeg, danab laa uɗia amelagppa aum. “Doyeg! Danab ag maniguittakppa inadppig ele amu, ag Kayaknu mettid lag ooppa danab ah ippunittak nai madatteb,” awa aum.