Aposel 5:16 - Nobonob Baibel

¹⁶ Ag anam heeg, danab ah kuɗumnab, aab laala Jerusalem guguittak daatteb, appan ag ele ahan, danab oɗe ele, amu danab ouɗi nau ele akkan uɗiegeg, ag oh eɗun ena daappig.

Aposel 5:16 ပူးပေါင်းရင်းမြစ်များ

Matyu 2:16

Anam aakku, amge Herot nug ii mauhom haenppa, magau danab ag eɗun goppig, haen amuppa nug ag buppuidna autna aoppig doyom amunu, nug oppoɗi huanak be ameg kokoɗ eppe, nuhikkud daup ag gona, Betlehemnu nid naunau, Betlehem talilittak eleppanu nid naunau oh ele, ahilag maɗ aɗit, laa ag maɗ aɗit ii aoppig ele, magau danab ag hoɗoppai digmena anitteg, Herot amegppa aeg doyom bia amu, daup ag amu oh aqaglagnu haknunab a, ⌊ag gona human aqappig⌋.

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Matyu 8:16

Aria, aam no, uudoowo, danab ag ahan, danab kuɗum ouɗi nau ele omaladna, Jesus toppa goppig. Ukkaeg, Jesus Nug laa ouɗi nau ele amu, Nug oɗeppaib anakppa, ouɗi nau lamattatta, oɗe danab oh ele amu bappalattom.

Luk 5:17

Deɗ laa Jesus Nug danab ah nai ippuanattatta dayeye, ɗo gumak danab-Parasia amu ɗo mehuqak danab ele, ag Galilinu aab ohppanu, Judanu, amu Jerusalemnu ele uɗin daaegeg, Jesus Nug nai mehuqom. Naɗinu ɠagattag am Jesus Nug oɗe danab heeb ena daaglagnu ele nuhigppa dayom.

Luk 6:18

Ag nai nuhig dooglagnu, Nug ag oɗe ahilag bappaidkkunu ele uɗippig. Ag uɗin daaegeg, danab laa ag ouɗi nau ele amu, Jesus Nug ouɗi nau amu lamatte ena daappig.

Luk 9:11

Ukkaeg dimppa, danab ah kuɗumnab ag amu doon, ag dim lamidna gona, gumidna waeg, Jesus Nug ag ele laippu dayaknu ooppa eleleib doya, Nug Kayaknu ɗo maɗoɗnu nai amelagppa mehuqaqa, oɗe danab amu he ena daappig.

Jon 14:12

Da genabnab genab ag amelagppa attem. Laa nug dahilnu ooppa genab dootte ele, nug uɗat da hettem imu, nug ele hekku. Nug uɗat da hettem ele amu, nug uɗat dahil amu eɗittak, okkainab ele hekku. Aɗinu? Da geha Mame toppa gokkul.

Aposel 4:30

Laa ele amu na Jesus, nahip maɗi nid oppiaawak ele amu, na Nug onigppa eppen bahin, oɗe danab aɗualadppe, ag eɗun ena daaglagnu unuqidttem. Kayak dabmettaknu kobol danab haknu elele iitta amu, na amu ele Jesus onigppa hekkutnu oɗ medattem,” aon unuqidppig.

Aposel 5:15

Aria, totol danab 12 ag kobol danab hekkunu elele iitta heeg, danab laala ag oɗe danab amu qaɗaqaɗppa akkan uɗin, ib daugppa maatteg niippig. Amunu diig am Pita oiyebeb amu, nuhig itotog oɗe danab qaɗelagppa ukkeb ena daaglagnu oolag dayom.

Aposel 5:17

Ag anam heeg ukke amu, mana mettak ikki danab, nuhikkud ehanittak danab oh, ag am ɗo gumak danab-Sadyusi oolagppanu amu, ag ele, ag totol dilagnu, ihinigppa anam daalon dabmak aɗan daappig.

1 Korint 12:9

Am Kayak Ouɗi laippu amu, Nugib Nug laa ooppa genab doyak okkai medatta, amu Kayak Ouɗi laippu amu, Nugib laa nug oɗe danab heeb, ena daaglagnu ehah medatte.

Jems 5:16

Amunu ag oɗe aon, eɗun ena daaglagnu amu, aun laa nug layagppa hipunin heum ele, nug layag amu amegppa nug hipunin heum miag atiak ab, ag oh anen anen ag lailkad dilagnu Kayak unuqitteg! Amu genab tutukku hak danab, nuhig unuqittak am ebehi ele amunu, danab ehanitteb ena daakkunu elele.