Aposel 4:34 - Nobonob Baibel

³⁴ Anam dayeye, ag oolagppa danab laa nug keekenu, eenu ele tutu mak hamu ii dayom. Iitta. Danab laala ag wan, o lag ele, ag maatteg, danab laa daden maatteg, ag men doɗo amu aon uɗin,

Aposel 4:34 ပူးပေါင်းရင်းမြစ်များ

Matyu 19:21

A amu Jesus Nug amegppa aum. “Na genab tutukku hak danab elelenab bekkutnu amu na gona, na enun oh meppe, danab laala daden meppeg, na men doɗo amu oh aon, daɗek danab mattona amu, na hab attan enun okkai ele daakkut. Anam hewona amu na eɗun dona, da dim lamiɗe!” awa aum.

Mak 10:21

Awa a amu Jesus Nug danab amunu dabmak awa, nuhignu oo mauhe amu nug amegppa aum. “Keeke laippunu amuppaib na elele iitta. Na gona, na enun oh meppe, danab laala daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona amu, na eɗun dona, da dim lamiɗe!” awa aum.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Luk 16:9

Jesus Nug anam ana, Nug baula aum. “Amunu da ag amelagppa attem. Ag wan imunu enub, men doɗo, ag amuppa ehanittak heig! Am dimppa men doɗo iitta meeb, aria ag lailkad ag ag ele laippu dayaknu oolagppa eleleib doon omaladppeg, ag hanhan dayaknu laulagppa gona daaglag.

Luk 22:35

Jesus Nug Pita amegppa nai amu awowa, Nug nai baula tuɗitta ippunittak awak danab 12 amelagppa aum. “Anukka da hei ag gonana amu, men doɗo inaknu hogot, oiyaknu battam, baelag gaɗa ele ii akkan goppig, haen amuppa amu ag keeke laanu tutu mak dooppigte o iitta?” oɗ mattom. Oɗ matte amu ag, “Iitta,” appig.

Aposel 2:45

Am danab laala ag wan ele amu, laala ag keeke ele amu ag heeg, danab laa daden meeg, ag men doɗo amu aona, danab laala elele iitta daaegeg madappig.

Aposel 4:37

Aria danab amu nug wan laih nuhig he, danab laa awe, nug men doɗo amu awa uɗia, totol danab mattom.

2 Korint 8:14

Am gemu haen imuppa ag Korint ag keeke okkai ele daatteb amunu, ahilag keeke amuppanu amu ag heppeg, danab ag gemu keekenu tutu daatteb ele ag aoglag. Aria, anam daappeg amu, dimppa ag Korint ag tutu meppeg, aria danab ag Juda daatteb ele, ag keeke kuɗum aona, aria ag eɗun ag ehanadkkulag. Kobol amuppa geha ag oh keekenu laippu eleleib daaglag.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

1 Tesalonaika 4:12

Ag anam hekkulag amu, geha aun laa, ag tamaniakppa ii daatteb ele, ag ag noolagppa hak ena amu ippunadppeg, ag ahilagnu ena dooglag. Amu keeke laalanu ele, ag Kristen daatteb amu, ag laa gumadna gona ii unuqadmana.

1 Timoti 6:19

Ag anam hekkulag amu ag keeke kuɗum dimppa ehanadkkunu, ag bau dayak genab aoglagnu qagmekkulag.

Jems 1:27

Danab nug Kayak, ig Mamenig, Nug binag tutukku mekkunu amu, Kayak Nug kobol imunu elele anidtte. Danab amu nug nid naunau laa ag mamelkad anilkad mauhppig, o iitta danab nug mauhe, wau qab ma daatte ele amu, nug amu ehanatta, uug ahilag maokku. Keeke laa ele, nug nuhig oiyak, dayak elenu dabmak awa, nug wanppan kobol, nug oo dubuttid mettamanu, amu ele nug dabma auta aokku.