Aposel 4:26 - Nobonob Baibel

²⁶ Wanppan king, amu wanppan okkai ele ag qagmena, maittak nau aon, ban hekkulagnu bappaidtteb. Ao, ag oh ag Yawe, amu laa Yawe king daakkunu goɗen gokkaɗakppa tituanom ele ban hekkulagnu dabmetteb.’

Aposel 4:26 ပူးပေါင်းရင်းမြစ်များ

Sam 2:1

Aɗinu wanppan wan anen anennu danab ah ag dabmak eheɗ aon ahatteb? Ao, aɗinu wanppan huu ag maittak meu ena ii oma ele dim lamidna, ahilag haen aakku kakidtteb?

Sam 2:2

Wanppan king, amu wanppan okkai ele ag qagmena, maittak nau aon, ban hekkulagnu bappaidtteb. Ao, ag oh ag Yawe, amu laa Yawe king daakkunu goɗen gokkaɗakppa tituanom ele ban hekkulagnu dabmetteb.

Aisaia 7:7

⌊Aram danab, Israel ele ag nau anam hekkulagnu dabmenan appig⌋ amunu, Naɗi Yawe Nug inam awa atte. “Aram, Israel ele ag keeke hekkulagnu dabmenan appig amu, keeke amu ii bema. Ag anam ii hemana.

Daniel 9:24

Kayak Nug nahipad danab ah Israel, ag daanna anidkkulagnu, nahip aab okkai Kayaknu tituanak daatte, Jerusalem, amu tonakkunu, Nug haen maha 70 ba gokkunu ɗo laa aakku meum. Haen maha 70 amu bekkunu diig anen anen am inam: Haen maha amuppa Kayak Nug heeb, danab ah ag nai tappe nak kobol uuglag. Nug heeb, ag tuɗidna hipunin ii hemana. Nug eheɗ haknu nob nau nuhig ehanittak okkaippa iitta mekkunu heeb elele medakku. Nug heeb, kobol genab tutukku hanhannu bekku. Nug heeb, nuhikkud danab ag tulegleg genabppa aɗi aɗi keeke anidppig, propet ag dimppa bekkunu nai madippig ele amu, keeke amu oh meu okku. Amu Nug heeb, aben laa tituanaknab daakku.

Luk 4:18

“Naɗi Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi, Nug nuhig Ouɗi dahilppa daatte. Nug da appi, laa ag maniguittakppa daatteb, ag uhuqak aoglagnu, da heppi, laa ag ameg gaɗuak ele daatteb, ag eɗun neegkkulagnu, da appi, laa ag laa aɗalatteg ag eppelagppa daatteb amu, ag uhuqak aoglagnu,

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Hibru 1:9

Na genab tutukku hak kobolnu oot mauhom, gemu ele oot mauhtte, kobol naunu amu, na nau ninig ele doome, gemu ele na anam doottem. Anam amunu, ⌊O king,⌋ Kayak, Nug am nahip Kayak, Nug goɗen gokkaɗakppa tituanitta, maɗoɗppan gamag ahak okkainab, king laa oh eɗattak, na mettom.”

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Revelesen 12:10

Buɗiatteg noeg amu, da hab aab appa baag oqotti okkai laa inam aawo doomi. “Gemu ihinig Kayak Nug he, nuhig Padal ii maknu ehanittak kobol, nuhig ɠagattag, nuhig ɗo maɗoɗ, amu laa Nug tituanom, am Kristus, Nug okkai daakkunu ehah ele miag atieg ippunikkom. Aɗinu? Laa nug ig lainkad amun tuqan ele Kayak noobppa hettoɗiakppa maadttom ele amu, hab daup ag aakku nug maoeg wanppa noum.

Revelesen 17:17

Ag oolag laippu mena, gumaknu ehah, ag amuppa king daatteb ele amu, ag oh gumaknu ehah amu doɗ dakkuɗ mettaglag. Ib amuppa ag Kayak nug dabmak amu ag oolagppa meum, ag Nug keeke anam bekkunu maittak awom am genab heppeg meu okku. Ag anam heppeg ukkeb, Kayak dabma mattiom amu, nai amu oh meu okku.