Aposel 4:19 - Nobonob Baibel

¹⁹ Ag amelahppa anam appig, amge Pita, Jon ele aa apiɗ. “I Kayak nai imu uuɗa, ahilag nai dim lamidkkunih dayeb amu, Kayak Nug keeke amunu ena awa akkute? Ag tutukku anidna dabmak aweg!” aoya apiɗ.

Aposel 4:19 ပူးပေါင်းရင်းမြစ်များ

1 King 12:30

Danab ah laala ag Betel gona, laala ag nakok uma Dan gona, ag kayak aɗit amu noolahppa dup nona binalah menana, amu kobol amuppa ag hipunin heppig.

1 King 13:19

Aakku Kayaknu propet Judanu, nug nai amu doya, nug ahe, propet kaino ele eɗuya, nug laugppa goya, ee, le ele mette laum.

1 King 14:16

Jeroboam nug hipunin hatta he, Israel danab ah ag ele hipunin amu hadappig amunu, Yawe Nug uuatteb, ahilag kekeɗ ag eɗadkkulag,” awa aum.

1 King 21:11

Jesebel nug uɗug anam ya panie, Jesrilnu ikki danab, anuqak danab ele ag uɗug amu aon, ebqena anidna, ag Jesebel nai aum, amu oh ag dim lamidna heppig.

1 King 22:14

Nug anam aum, amge Mikaia nug ehanittak anuqak danab amegppa aum. “Yawe genab bau daatte, genab amubia da Yawe aɗi da amelppa atte amu, da amu aakkuib da madikkulnu elele,” awa aum. “Da keeke laanu madikkulnu elele iitta,” awa aum.

2 King 16:15

King Ahas nug hewowa, nug qaɗab bau amuppa mana mettak haknu mana mettak danab Uraia amegppa aum. “Haen oh na mana mettak hekkutnu amu, na qaɗab bau amuppaib gona hekkut! Na deɗ ohnu buttua manaknu ofa, deɗ ohnu tueb ee aegnu ofa, kingnu manaknu ofa, ee aegnu ofa nuhig ele, amu danab ah dilag manaknu ofa, ahilag ee aegnu ofa, aria ahilag wain gokkaɗaknu ofa ele qaɗab amuppa hekkut! Na amu hena, na manaknu ofa, amu mana mettak laala ele, na amu henana, na amunu doɗ tiilag aon, qaɗab bau amuppa tauɗkkut. Amge bras qaɗabnu amu, amuppa da geha, qaɗab amuppa doɗ mane Kayak medette, ulum aokkul,” awa aum.

2 King 16:16

Ahas nug anam haknunab a, mana mettak danab Uraia nug haen oh king nai aum oɗe dim lamitta, anamib hettom.

Sam 58:1

Gumak danab ag, ag nai doya mala hettoɗia epeɗia elele mettak kobol genab hettebte? Ao, ag danab okkai ag epeɗiak maɗi ahilag henana, ag uɗat amu tutukku, kaliak laa iittappa genab hettebte?

Eksodas 1:17

Isip dilag king nug anam aum, amge ah aɗit amu, aa hanhan Kayaknu ebehilti oh bodoetta le mettom amunu, aa Isip dilag king aum bia ii heya, aa nid danab ii aqadpiɗ. Iitta. Aa uuatteh, bau daappig.

Jeremaia 26:12

Ag anam mattieg amu, Jeremaia nug kingnu ehanittak anuqak danab, danab ah oh ele amelagppa aum. “Yawe Nug da uug ahilagppa beeb anidkkulagnu propet nai da mattiyi dooppig ele amu, da madikkulnu meiɗe uɗimi. Nug da ag amelagppa, aɗi keeke Nug laug imunu, amu aab okkai imu ele dilahppa bekkunu daatte appi dooglagnu meiɗe uɗimi.

Daniel 3:18

⌊Ihinig Kayak Nug amu hekkunu elele⌋ amge, O king, Nug amu ii hekku dayeb, amuam ihinig dabmak heeb, ii eɗuma. Ig na imu dookkutnu oonig daatte. Ig nahipad kayak noolagppa dup nota binalag ii memata; dottog golppa hak, na qappame amu, ig amu ele noobppa dup nota binag ii memata,” aon appig.

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Hosea 5:11

Israel danab ah ag kayak hambuppuak dottolkad noolagppa dup nona binalag menan daan, uuglagnu uuppig oitteb, amunu geha kekeɗ ag eheɗ hattaglag. Ge, ag dahil bu mettak mattaglag.

Amos 7:16

Yawe Nug da meiɗe uɗimi amunu, Amasaia, na Yawenu nai doye! Na dahilnu attem, ‘Na uug naunab Israel dilagppa beeb anidkkulagnu propet nai baula aib mattime! Ao, na baula Aisak buɗub dilagppa uug naunab aqakkunu, na nai amu baula aib mattime!’ aon attem.

Maika 6:16

Uug amu bekkunu diig am, ag Juda, ag Israel dilag king nau, Omri, ag nuhig ɗo dim lamidna, hipunin hetteb. Ao, ag Israel dilag king nau, Ahap, nug baekkudppa ele kobol ag aɗi aɗi heppig bia henana, Ahap aɗi ag kobol atten atten heppig amu, ag amu dim lamidna oitteb. Ag ahilag nai dim lamidtteb amunu, da laa ag heppeg nauhkkulagnu ippulag ii oo nepa. Da amu ii hepa amunu, wan laappan danab ah ag eheɗnab imadkkulag. Ao, wanppan wan oh dilag danab ah ag ahilagnu, ‘Keeke hamunab,’ dooglag,” awa atte.

Matyu 22:21

Jesus anam oɗ matte amu, ag “Sisarnu,” aon appig. Ag anam aeg, Jesus ag amelagppa aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum.

Luk 22:8

Amu deɗ amu be, Jesus Nug Pita, Jon ele amelahppa aum. “Aa goya, Pasowanu ee ihinig bappaidpeɗ, ig lakkunig,” awa aum.

Jon 7:24

Ag amelagppaib keeke aib epeɗippig. Dabmak tutukku aona, kobol tutukkuppa, dahil uɗat imu epeɗin antteg!” awa aum.

Aposel 4:13

Haen Juda dilag danab okkai amu ag Pita, Jon ele aa ii baɗapiɗ anidna, amu aa sul okkai ii hepiɗ ele doona, ag ottaina dabmak kuɗum aona, ag Pita, Jon ele aa Jesus ele oippig amu dabmeppig.

Aposel 5:28

“Amu ig ag amelagppa ag Jesus onigppa nai baula danab ah iinab ippunadmananu amut. Aɗinu ag anam heegeg, danab ah oh Jerusalem daatteb ele aakku dooppig. Amu ag danab ag ihinignu, ‘Jesus Nug danab ena, ag qeeg mauhom,’ aon akkulagnu dabmak aoeg ɠagattag eppom daatte,” awa aum.

Aposel 5:29

Nug anam a amu Pita nug totol danab 12 ele ag oh eɗun appig. “Kayaknu nai, amu danab dilag nai ele aa laippu iitta daattep dayeb amu, ig Kayak nai dim lamidkkunigoitte.

1 Korint 10:15

Ag doyak ele amunu, da ag amelagppa attem; dahil nai amu ahilag dabmakppa ag akka epeɗin antteg!

2 Korint 4:2

Iitta. Ig kobol uɗa nak ele, laa lokkumakppa hetteb amu, ig kobol amu dimettota, hambuppuak kobolppa ele ig ii oittem. Am ig Kayak nainu ele amu ig baolita ii hettem. Iitta. Ig Nai Ena tutukku miag mehuqttem, amu amuppa ig danab oh ig am aun ippuanadttem. Ig amu heut, ag ig Kayaknu neekkakppa attem daattem oolagppa dooglagnu elele.

Epesus 6:1

Nid naunau, ag Naɗinu nai dabmenana, ag anilkad mamelkad oɗelag dim lamitteg! Kobol amuam tutukku.

1 Timoti 2:3

Unuqittak amunu amu Kayak, Nug ihinig eɗua awikkaknu diig daatte, Nug danab ah oh eɗua diikkunu, ag doyak diig genabib ele dooglagnu oo daatte ele amu, Nug unuqittak amunu ena dootte.

Hibru 11:23

Moses anig mameg ele aa ele Kayaknu oolahppa genab doopiɗ amunu, anig nug Moses menue, nid enanag anidya, kalam ewam lokkumeh niittom. Aa Paronu oolah ii baɗeɗe hepiɗ.

Jems 2:4

kobol amuppa amu ag eheɗ iite hetteb? Yo, ag eheɗ hetteb. Ag lailkad dilag enubppa aun am danab ena, aun am danab ena iitta epeɗiadtteb amu, ag am epeɗiak danab, dabmak nau ele, danab epeɗiadtteb bianab aakku hetteb.