Aposel 4:13 - Nobonob Baibel

¹³ Haen Juda dilag danab okkai amu ag Pita, Jon ele aa ii baɗapiɗ anidna, amu aa sul okkai ii hepiɗ ele doona, ag ottaina dabmak kuɗum aona, ag Pita, Jon ele aa Jesus ele oippig amu dabmeppig.

Aposel 4:13 ပူးပေါင်းရင်းမြစ်များ

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Matyu 26:71

Nug awona amu aha wana, lagnu haɗap odppa ukka dayeye, maɗi nid ahin laa na, nug danab appa daappig ele amelagppa aum. “Danab imu nug anukka Jesus, Nasaret ted ele oipiɗ,” awa aum.

Matyu 26:73

Nakok laa ele amu danab appa hippaidna daappig ele Pita gumidna dona appig. “Na genab danab umu layag laa aakku. Aɗinu? Nahip nai mattiak amu he, na miag atime,” aon appig.

Luk 22:8

Amu deɗ amu be, Jesus Nug Pita, Jon ele amelahppa aum. “Aa goya, Pasowanu ee ihinig bappaidpeɗ, ig lakkunig,” awa aum.

Jon 19:26

Ag anam daaegeg, haen Jesus Nug anig amu ippunittak awak danab laa, Jesus Nug nuhignu oo huanak mauhttom ele, nug ele anata amu, Nug anig amegppa aum. “Anai, nid imuam na bekkat,” awa aum.

Jon 7:15

Nug anam nai mattieye amu, Juda ag dabmak kuɗum aonna, akka akka nug oɗ mettan appig. “Danab imuam Nug sul laa ii heum, amu Nug attem ha doyak okkainab awom?” aon appig.

Jon 7:49

Amge danab ah amu ag ɗo ii dootteb amu, ag eheɗ laa awaknu anak waappa daatteb, ag nuhignu oolagppa genab dootteb,” aon appig.

Aposel 4:14

Anam amge danab beɗu ena dayom amu nug Pita, Jon ele ag oh hippaidna daaegeg anadppig amunu, ag aa nai apiɗ amu eɗun nob mekkulagnu ib laa ii anidppig.

Aposel 4:19

Ag amelahppa anam appig, amge Pita, Jon ele aa apiɗ. “I Kayak nai imu uuɗa, ahilag nai dim lamidkkunih dayeb amu, Kayak Nug keeke amunu ena awa akkute? Ag tutukku anidna dabmak aweg!” aoya apiɗ.

Aposel 4:29

Naɗi, danab amu, ahilag nai mattiak ena iitta amu antte! Anidna amu na ig, nahipad maɗi nid amu, ig baɗak ele iittappa nahip nai mehuqkkunignu, na ig ehanigkkutnu oɗ medattem.

Aposel 4:31

Ag unuqidna bagqeeg, lag ag daappig ele amu uɗalele, Kayak Ouɗi ag oolagppa ambe, ag ii baɗana, Kayak nai mehuqppig.

Aposel 9:27

Ag nug baɗidppig, amge Barnabas nug Saul omala, totol danab 12 gumatta ukka, ibppa Saul nug Naɗi Jesus antte, amegppa nai aum amu Barnabas nug amunu amelagppa mattia, nug Saul Damaskus dayaya nug baɗak iitta ele, Jesus onigppa nai mehuqom.

Aposel 9:28

Barnabas anam heum amunu, Saul, nug ag ele daappig. Ag oh daanna, Saul nug Jerusalem appa aben ohppa oiyaya, nug baɗak iitta ele Naɗi Jesus onigppa nai mehuqom.

1 Korint 1:27

Amge ag amunu aib ottaippig. Kayak Nug kobol laala, wan danab ag amunu, “Dabmak tutukku iittappan kobol,” aon atteb ele amu, Nug wanppan doyak dabmak ena ele danab uɗalag nekkunu, kobol amu tituanattom. Amu keeke wan danab ag amunu, “Keeke ɠagattag iitta,” atteb ele amu, Kayak Nug wanppan danab ɠagattag ele amu, ag uɗalag nekkunu keeke amu tituanattom.

1 Korint 14:25

Nai oh amu nug ooppa noa, aɗi lokkumom daatte ele amu oh heeb, miag atieb amu geha nug laippun gateg qaun o, gomela, iɗu wanppa ma, Kayak binag ma, nug oɗeppa, “Genabnab, Kayak Nug ag oolagppa daatte,” awa akku.

2 Korint 3:12

Ig tituanak bauppa ehanittak aognignu dabmak aɗat oittem amunu, ig ii baɗat, nai miagib madittem.