Aposel 3:19 - Nobonob Baibel

^19-20 Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Aposel 3:19 ပူးပေါင်းရင်းမြစ်များ

Sam 103:12

Laih aam bedeppanu, amu laih aam nodeppanu ukkak am umanab daatte, amubia Kayak Nug hipunin ihinig uhuqa mekke, hipunin ihinigppanu ukkanna, umanab daatteb.

Sam 51:13

Am na anam hekkut dayeb amu, da geha nahip haknu hipunin danab ah ippunadppi, ag nahip-ppa eɗun uɗiglag.

Sam 51:9

Na dahil hipunin oh uhuqna meɗan, na amunu baula ii dabmemanu oɗ medattem. Ao, na heppe, eheɗ hak dahil oh iitta mekkunu unuqidttem.

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.

Aisaia 44:22

Ag hipunin heppig, amge da hei, ulah lombig ye ukka ii daatte, amubia da ahilag hipunin oppii ii daatteb. Ao, ag hipunin heppig, amge aam he, buttuanu buttuɗai iitta mette, amubia da uhuqen mattai, hipunin ahilag ii daatteb. Da ag hipuninnu qagaiettakppanu eɗua uhuqak hein mattami amunu, ag dahilppa eɗun uɗieg!” Yawe Nug anam atte.

Aisaia 51:11

Anam amu, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Aisaia 6:10

Naɗi Nug anam ana, Nug da amelppa nai tuɗitta aum. “Heppe, danab ah imu ag oolag ɠagattag eppaɗ! Heppe, ag daulag nai dookkunu elele iitta dayaɗ! Heppe, ag amelag amuhak dayaɗ! Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag,” awa aum.

Aisaia 61:9

Wan atu ohnu danab ah ag dahilad danab ah buɗulkad dooglag. Ge, wan atu ohnu danab ah ag dahilad danab ah dilag menuattak dooglag. Ag amu dooppeg, aun aɗi ag dahilad danab ah buɗulkad anadna amu, ag inam dooglag. ‘Danab amu ag Yawenu danab ah. Yawe ag itittak ena mattom.’ ” Yawe Nug anam atte.

Jeremaia 36:3

Na anam buk amuppa yaappe, Juda danab ah ag uug naunab digdig da heppi, ahilagppa bekkunu da maittak aomi doon, ag anen anen ag nau hak ahilag uuglagtai. Ag anam nau hak ahilag uuglag dayeb amu, da ahilag nau hak, ahilag hipunin ele uhuqen madakkul.” Yawe Nug Jeremaia amegppa anam aum.

Jeremaia 50:20

Yawe Nug atte. “Haen amuppa laa ag Israel danab ah ag hipunin atten atten heppig ele, ag hipunin amu eɗun anidna dabmekkulagnu mattiglag, amge ag ii anidmana. Ao, laa ag Juda danab ah ag hipunin atten atten heppig ele, ag hipunin amu eɗun anidna dabmekkulagnu mattiglag, amge ag ii anidmana. Aɗinu? Da Yawe, da heppi, Israel danab ah oɗo yaak daaglag. Ag anam daappeg, da amu dilag hipunin uhuqadkkul,” awa atte.

Gayak Nai 3:40

Yawe Nug bu mekkeb, ig nai aib hemut. Iitta. Ig ihinig hak, ihinig oiyak dabmetata, epeɗidtata, ma anttak meta; ig eɗut, Yawe waappa daagnignu hetu!

Gayak Nai 5:21

O Yawe, na heppe, ig eɗut, na gumidta wata, anukka ig na gumidta wata, ena daamut bia daagnignu oɗ medattem.

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Daniel 9:13

Moses ɗoppa yom bianab uug naunab amu oh ihinigppa beum, amge ig na ihinignu oot gai-iitta doon oot mekkan ehanigkkutnu ig ihinig hipunin ii dimettat, ig na Yawe, na ihinig Kayak, ig nahip doyak diig genabib ii dabmetat dim lamidmut.

Hosea 14:2

Ag eɗun, Yawe waappa daaglagnu wana, ag nai inam aig! “Mana mettak ou daakkunu, ig oɗenigppa na binan mekkunignu, ig na ihinig hipunin oh uhuqna megakkutnu oɗ medattem. Ao, na oo bodoette enanag maɗoɗ ele hak kobol dim lamidna awigkkutnu unuqidttem.

Joel 2:13

Amu ag lamen dimittimnu pattiɗna meɗaglagnu aib heppig. Iitta. Ag oolag unuqagppa, ‘Ig eheɗ nau hemut,’ doon, diig amunu ag oolag unuqag guittak doyeg!” Yawe Nug anam atte. Yawe Nug anam atte amunu, ag Yawe, ahilag Kayak, ag eɗun, Nug waappa daaglagnu waig! Aɗinu ag anam hekkulag? Yawe Nug oo bodoette enanag maɗoɗ ele hak kobol, Nug oo bodoetta le mak kobol ele dim lamidtte. Nug oo paha ii nauhtte, nuhig oo mauhaknab kobol am amba, leta nette. Amu ⌊danab ah ag oolag genab eɗutteb dayeb,⌋ deɗ kuɗum ag hipunin heppignu Nug uug naunab madakkunu daatte amu, Nug ii madatte; iitta.

Matyu 13:15

Aɗinu? Danab ah imu ag oolag ɠagattag eppom. Ag daulagppa dooglagnu nakokib elele. Ag amelag heeg amuhak daatte. Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.” Aisaia nug anam yom.

Matyu 18:3

Nug aum. “Da genab ag amelagppa attem, ag oolag ii eɗueb, ag nid naunau ag ⌊mamelkad waalagppa⌋ daatteb bia ⌊Kayak waappa⌋ ii daaglag amu, ag Kayaknu ɗo maɗoɗ ooppa iinab nomana.

Luk 1:16

Dimppa nug heeb, Israel danab kuɗum ag Naɗi, ahilag Kayak, ag nuhig kobol dim lamidkkulagnu dabmebeppeg, ag oolag eɗukku.

Luk 22:57

Ah nug aum, amge Pita nug amegppa aum. “Ah, am iitta! Da Nug ii doottem,” awa aum,

Aposel 1:6

Anam amunu, haen laa ag oh qagmena, ag Nug oɗ medappig. “Naɗi, haen imuppanab na heppe, Rom ag ahappeg, ig Israel ig eɗut wan ihinig gumagnigte?” aon appig.

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Aposel 11:21

Ag anam heegeg, Naɗinu ɠagattag ag ehanattette, danab ah kuɗum ag oolagppa genab doon, oolag eɗue, ag Naɗi oolag medappig.

Aposel 15:3

Amu Kristen tamaniak ag heeg, ag ahan Ponisia, Samaria ele tikkun gonana, ag appan Kristen amelagppa, Kayak Nug he, iitta aɗi ag oolag eɗuom amunu amelagppa appig. Ag anam heegeg, Kristen amu ag maɗoɗppan gamag ahak okkai dooppig.

Aposel 17:26

Amu danab ah buɗub oh amu, Nug ag alalag laippu heum, amu nuhigppanuib ag bena appatppig. Appateg, Nug he, ag gona wan ohppa daaegeg, Nug nukka haen ahilag matta, appalkad anen anen ele mattom.

Aposel 2:38

Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

Aposel 28:27

Aɗinu? Danab ah imu ag am oolag ɠagattag eppom. Ag daulagppa nai meu dooglagnu nakokib elele, amu ele ag heeg, ag amelag amuhak daatte. Amu iitta daalo, ag amelagppa keeke anidna, daulagppa nai doona, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.’ Aisaia nug anam yom.

Aposel 3:21

Amu gemu Nug hab aabppa daatte. Nug appa dayebeb ukkeb, Kayak keeke oh eɗua bau hekkunu anukka nai nuhig ana qakke, nuhikkud propet ag oɗelagppa mehuqppig amu, Nug haen amu uɗikkunu ameg mekkuoitte.

Rom 11:25

O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

2 Tesalonaika 1:10

Deɗ amuppa amu, Naɗi Nug uɗieb, nuhikkud danab ah oppiaawak ele ag Nug binag amahalak oppiaawak ele mettaglag. Ge, danab ag oolagppa genab dootteb ele, ag nuhignu enanagnab dooglag. Ag Tesalonaika daatteb, ag ele huu amuppa daaglag. Aɗinu? Ag ihinig nai Jesusnu mattimut amu, ag amu oolagppa genab dooppig.

2 Tesalonaika 1:7

Nug ag uug dootteb ele amu, haen ena matta, Nug ig ele haen ena megakku. Naɗi Jesus eɗua, aab aɗu amu engel ɠagattag nuhikkud ele ag hab attannu miag atiak nekkulag, haen amuppa Kayak Nug kobol amu hekku.

2 Timoti 2:25

Nug laa ag nai nuhig tappaeg nette ele oo bodoettak kobolppa ag ib tutukku ippuanattaɗ! Kayak Nug ag oo eɗuak madakkunu, ⌊ag oolag eɗueb,⌋ ag doyak diig genabib tutukku dooglagnu nug anam hekku.

Hibru 4:1

Aria, Kayaknu hik awaknu nai, nug amunu nai qakka aum amu, nai amu gemu ele daatte amunu, danab laa ag oolagppanu nug hik awak amu etta ii aomanu amu, ig dabmeta autta aotu!

1 Pita 2:25

Anukka ag am sipsip hetteb, amubia ag ib ettan goppig, amge gemu ag eɗun ahilag gumak danab, sipsip gumak danab bia daatte, ahilag okkai, Nug ag atognoadtte ele amu, ag Nug gumidna uɗippig.

2 Pita 3:8

Amge keeke laippu imu amu, ag aib daulag atiom. O lailad, Naɗinu neekkakppa amu deɗ laippu amu maɗ 1,000 ele otiak laala ii daatte. Iitta. Nuhig neekkakppa Nug haen aɗit amu laippuib bia dootte. Maɗ 1,000 amu deɗ laippu bia daatte, amu deɗ laippu amu maɗ 1,000 bia daatte.

Revelesen 21:4

Kayak Nug heeb, amelag leb am iitta mekku. Danab ah ag baula ii mauhmana, ag baula ii mahimna, ag baula ii gaamna, amu ag guittak ele baula ii doomna. Aɗinu? Anukkan keeke amu oh iitta meum.”