Aposel 3:16 - Nobonob Baibel

¹⁶ Amu i Jesusnu oonihppa genab doomuɗ, amuppa Jesus Nug he, danab imu, ag nug anidna dootteb ele, nug enanagib daatte. Yo, i Jesusnu oonihppa genab doottep, ib amuppa Nug he, danab imu nug ag anidtteb bia eɗua ena daatte,” awa aum.

Aposel 3:16 ပူးပေါင်းရင်းမြစ်များ

Matyu 14:29

Pita anam a amu, Jesus aum. “Na do!” awa aum. Nug anam a, Pita nug uub uua noa, le qaɗeppa tappa ukka, Jesus nakok gumitta gokkunu waum.

Matyu 9:22

Lauɗitte amu, Jesus Nug eɗua neekka antta, amegppa aum. “O aɗel, na ootppa ɠagattag doye! Na ootppa genab doome amunu, na ena daattem,” awa aum. Awa a, haen amuppaib ah nug ena dayom.

Jon 14:12

Da genabnab genab ag amelagppa attem. Laa nug dahilnu ooppa genab dootte ele, nug uɗat da hettem imu, nug ele hekku. Nug uɗat da hettem ele amu, nug uɗat dahil amu eɗittak, okkainab ele hekku. Aɗinu? Da geha Mame toppa gokkul.

Jon 7:23

Ag Mosesnu ɗo amu tippalmananu, ag Sabat deɗppa uɗat hemananu ɗo, ag ɗo amu tippalna, Sabat deɗppa uɗat henan, nid naunau gaɗalag otaɗtteb. Aria, ag anam hetteb amunu, da danab laa Sabat deɗppa beɗu babaitti, amu ag amunu aɗinu dahilnu oolag nauhtte?

Aposel 14:9

Nug Pol nai mattie doyeye, Pol nug tutukku danab amu neekkitta, nug nuhig ooppa genab doyakppa eɗua ena daakkunu elele anttom

Aposel 16:18

Nug kobol amu deɗ kuɗum he ukke ukke, Pol nug ooppa guittak doya, nug eɗua ouɗi nau amegppa aum. “Jesus Kristus onigppa na nug uuidkkutnu haknunab attem!” awa aum. Anam a amu ouɗi nau geha aakku nid ahin amu uuitta ukkom.

Aposel 3:6

Nug ooppa anam aum, amge Pita nug aum. “Da men doɗo iitta, amge da dahil keeke daatte amu, da na medakkul. Jesus Kristus, Nasaret ted, Nug onigppa da na amenppa attem. Na ahan tappan oiye!” awa aum.

Aposel 3:8

Nug baekuɗ ɠagattag eppaeh, nug paha aha hibaitta tappa oiyeye, nug Pita, Jon ele oh Kayaknu mettid lag ooppa nonana, nug oola ta oola naana oiyaya, Kayak binag meum.

Aposel 4:10

Anam dayeb amu, aria gemu ag oh tutukku dooppeg, am Israel buɗub oh ag ele, ag inamib dooglag. Jesus Kristus, Nasaret ted, ag gemu daatteb imu, ag Nug ad emaitakppa atulppig, amge Kayak Nug he, Nug eɗua hibaittom, amu Nug he, danab imu eɗua ena daya oiyeye ag anidtteb.

Aposel 4:30

Laa ele amu na Jesus, nahip maɗi nid oppiaawak ele amu, na Nug onigppa eppen bahin, oɗe danab aɗualadppe, ag eɗun ena daaglagnu unuqidttem. Kayak dabmettaknu kobol danab haknu elele iitta amu, na amu ele Jesus onigppa hekkutnu oɗ medattem,” aon unuqidppig.

Aposel 4:7

ag totol danab aɗit amu diiatna, ag hettoɗiakppa maatna oɗ matappig. “Aa ɠagattag aɗippa, o aa aun onigppa uɗat amu hepiɗ?” aon oɗ matappig.

Rom 3:22

Da ib laanu attem amuam inam. Danab nug Jesus Kristusnu ooppa genab dootte amu, Kayak nuhignu, “Genab tutukku hak danab,” awa atte. Ib amuppa amu aun aɗi oh ag oolagppa genab dootteb ele, Kayak Nug ahilagnu, “Genab tutukku hak danab,” awa atte. Danab laippu laa nug ib laappa genab tutukku hak danab bekkunu ib laa ii daatte.

1 Korint 13:2

Amu da propet nai madikkulnu, Kayaknu dabmak lokkumak oh amu doyak oh ele dookkulnu elele daattem dayeb, dahil ooppa genab doyak ɠagattag daakku dayeb, amuppa da qauko heppi, laih wakkunu ele hekkulnu elele daattem dayeb, amge da laa dilagnu oo mauhak ii doottem dayeb amu, da keeke hamu bia daattem.

Duteronomi 32:4

Nug am hanhan ɠagattag daatte; nuhig uɗat am qa oppiaawak ele. Keeke oh Nug hette amu, Nug nai doya mala hettoɗia epeɗia elele mettak kobol dim lamitta hette. Kayak Nug diig nuhignu oo metta ii uuak kobol dim lamittatta, Nug eheɗ laa ii hette. Nug tutukkuib daatte, Nug nai doya mala hettoɗia epeɗia elele mettak ibuppa hanhan daatte.