Aposel 3:14 - Nobonob Baibel

¹⁴ Ag danab amu, Nug am genab tutukku hak danab, Nug oppiaawak ele, ag Nug dimettan, ag Pailat amegppa, nug danab laa, danab aqe mauhppig ele, ag nug danab amu uhuqa awa, ag matta, heeb gokkunu eppig.

Aposel 3:14 ပူးပေါင်းရင်းမြစ်များ

Sam 16:10

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na nug ii uuidmana amunu, Nug beɗu ii nauhma.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Matyu 27:20

Aria, Pailat nug nai amu doyeye, mana mettak danab okkai, amu Juda dilag ikki danab ele ag Pailat nug Barabas uhuqa madatta, Jesus qeeb mauhkkunu danab ah oolag yaan heppig.

Mak 1:24

“Jesus, Nasaret ted, na ig attem heigkkutnu uɗime? Na heppe, ig nauhkkunignu uɗimete? Da na dooidttem; Laa Kayaknu Oppiaawak Ele, amuam na aakkuib,” awa aum.

Mak 15:11

Pailat nug anam oɗ mattom, amge mana mettak danab okkai ag ahan, wagai mena, danab ah kuɗum daappig ele gaɗa gaɗa mattaeg, ag Jesus ii uhuqma, nug Barabas uhuqkkunu appig.

Mak 15:7

Amu danab laa ag gabman ele ban henana, ag danab aqaeg mauhppig amunu ag maniguittakppa daappig amu, ag oolagppanu danab laa onig Barabas, nug ag ele oh haen amuppa maniguittakppa daappig.

Luk 1:35

Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Luk 23:25

nug danab gabman kekeɗ metta ban ha, danab laa aqe mauhppig amunu maniguittakppa dayom, ag nug aoglagnu eppig ele amu, Pailat nug danab amu awa matta, nug Jesus, ag nuhigppa aɗi hekkulagnu oolag heum hekkulagnu ag eppelagppa meum.

Jon 16:10

Nug genab tutukku hak kobolnu ippuanatteb, ag dooglag, ag kobol ena hekkulagnu elele daaglag. Aɗinu? Da Mame toppa gottem; danab ah ag da baula ii aniɗmana.

Jon 18:40

Nug anam aum, amge ag qalan appig. “Nug iitta! Barabas uhuqna mekke!” aon appig. Barabas nug am ban haaha, keeke yab awak danab.

Aposel 13:28

Ag eheɗ hak laappa Nug qeppeg mauhkkunu laa ii anidppig, amge ag Pailat nug hamu qeeb mauhkkunu eppig.

Aposel 2:27

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na Nug ii uuidmana amunu, Nug beɗu ii nauhma.

Aposel 22:14

Nug anam a da ena neekki, nug da amelppa aum. ‘Ig mamelkad aɗi dilag Kayak, Nug na nuhig dabmaknab awak dookkutnu, na nuhig Genab Tutukku Hak Danab anidkkutnu, nuhig nai ele na dautppa dookkutnu tituanittom.

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.

Aposel 5:28

“Amu ig ag amelagppa ag Jesus onigppa nai baula danab ah iinab ippunadmananu amut. Aɗinu ag anam heegeg, danab ah oh Jerusalem daatteb ele aakku dooppig. Amu ag danab ag ihinignu, ‘Jesus Nug danab ena, ag qeeg mauhom,’ aon akkulagnu dabmak aoeg ɠagattag eppom daatte,” awa aum.

Aposel 7:52

Amu propet aun laa dayom, ag mamelkad aɗi ag nug eheɗ iite hedappig? Laa iitta. Anukka propet ag Genab Tutukku Hak Danab uɗikkunu nai amu mehuqegeg, ag mamelkad aɗi ag ag aqatteg mauhppig. Aria, Genab Tutukku Hak Danab Nug uɗie, ag gemu daatteb amu, ag Nug aon, kekeɗ eppelagppa mena heeg, Nug mauhom.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Jems 5:6

Danab laa ag beɗulagppa aab iitta, ag ahilagppa eheɗ laa ii heppig, amge ag danab amu hettoɗiakppa maadna heeg, epeɗiak danab nug ag eheɗ heppig a, ag aqaeg mauhppig.

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.

1 Jon 2:1

O nid naunau dahilad, ag hipunin ii hemananu da nai imu ye madattem. Amge laa nug hipunin hekku amu, ihinig ehanittak, Nug am gamag danab, Nug Mame toppa daatte. Nug Jesus Kristus; Nug am genab tutukku hak danab.

Revelesen 3:7

Nug anam ana, Nug nai tuɗitta aum. “Na nai da attem imu Piladelpia Kristen tamaniaknu ikki danab, nuhignu inam ye! Nai imu, laa Nug oppiaawak ele, Nug kobol genabnu diig, Nug Dawitnu ki aɗa, Nug od matultte amu, laa nug manakkunu elele iitta, od Nug maitte amu, laa nug matulkkunu elele iitta, nuhigppan uɗitte.