Aposel 28:8 - Nobonob Baibel

⁸ Ig appa daautut, Pablius mameg nug beɗu gakkaɗak oɗe amu hioɗak oɗe naunab ele niieye, Pol nug gumitta wana, Kayak unuqittowa, eppeg qaɗeppa me, ena dayom.

Aposel 28:8 ပူးပေါင်းရင်းမြစ်များ

Matyu 10:1

Deɗ laa Jesus Nug nuhikkud ippunittak awak danab 12 onilagppa e, ag Nug gumidna uɗippig. Ag uɗieg, Nug ag ouɗi nau lamadkkulagnu, Nug oɗe oh, aria keeke nau danab ah beɗulag heeg nauhom ele bappaladkkulagnu ɠagattag mattom.

Matyu 10:8

Ag gona, oɗe danab bappaladnana, danab mauhppig maɗattanna, danab gaɗalag oɗe nau ele bappaladppeg, ena daappeg, amu ag ouɗi nau ele lamatteg! Keeke ag aoppig amu, ag daden mena ii aoppig, ag hamu aoppig amunu, ag hamu, daden iitta, ag matteg!

Matyu 12:13

Jesus Nug anam awowa amu, Nug danab eppeg mauhak ele amegppa aum. “Eppen taiette!” awa aum. A amu danab nug eppeg taiette, eppeg eɗua, laih bia, ena dayom.

Matyu 9:18

Jesus Nug anam nai mattieye, ikki danab laa Jesus gumitta uɗia, Nug noobppa gateg qaun o aum. “Nid ahin dahil nug geha iikku mauhom, amge na gona, eppenppa aɗappe, nug eɗua bau daakku,” awa aum.

Mak 16:18

Ag mat nau aɗaglag, o le nau danab qe mauhtte ele, ag amu lakkulag, amge ag amuppa ii mauhmana. Ag oɗe danab beɗulag aɗappeg, ag oɗe uuadkku,” awa aum.

Mak 5:23

nug oo unuqagppanu Jesus unuqa aum. “Nid ahin dahil nug mauhkkun hette amunu na gona, eppenppa aɗappe, ena dayaya, bau daakkunu oɗ medattem,” awa aum.

Mak 6:5

Ag nuhignu oolagppa genab ii dooppig amunu, appa Nug kobol danab haknu elele iitta laala helo bia ii heum. Iitta. Nug oɗe danab laippu laippu aakkuib Nug eppeg qaɗelagppa ma bappalattom.

Mak 7:32

Nug no amu danab laala ag danab daug ituak, nai elele ii maditte ele Jesus toppa omalna gona, Jesus eppeg danab amu qaɗeppa ma ehanidkkunu unuqppig.

Luk 13:13

Nug anam awowa, Nug eppeg ah amu qaɗeppa me, pahanab nug tutukku hibaitta, Kayak binag meum.

Luk 4:40

Babaitte, aria deɗ amu aam noono, appan danab ag ahan, oɗe danab, oɗe digdig ele omaladna, Jesus toppa ukkaeg, Nug danab amu eppegppa aɗalatte, ena daappig.

Aposel 28:7

Aria, aben amu guguittak amu, nud amunu gumak danab okkainu wan laa dayom. Danab amu nug onig Pablius. Danab amu nug ig ele laippu dayaknu ooppa eleleib doya, ig omaikke nug laugppa gota, deɗ ewam appa daautut, nug dabmekka auta awom.

Aposel 28:9

Pol nug anam he amu, nud amuppanu oɗe danab laa oh ele ag uɗin, ehanittak aon, ena daappig.

Aposel 9:40

Ag anam heeg amu Pita nug he, danab ah oh dimittim ukkaeg amu nug gateg qaun o, unuqittowa eɗua ah gaɗa amu neekkitta, nug aum. “Tabita na ahe!” awa aum. Awa a, aakku ah ameg oppate nug neekka, Pita antta, aha heɗep na dayom.

1 Korint 12:28

Am Kayak Nug Kristen tamaniak ooppa nuhig uɗat hak danab ele anam aakku meum. Anuqak am totol danab daatteb. Amu dimulagppa am propet danab daaeg, ag dimulagppa am ippunittak danab daatteb. Aria, laa amu kobol danab hekkunu elele iitta hak danab daaeg, laa ag oɗe babaittak danab dilag ehah ele daaeg, amu laa ag ehanattak danab daaeg, laa ag uɗat digdig gumak danab dilag ehah ele daaeg, laa amu aabaab naippa nai mattiaknu danab daatteb.

1 Korint 12:9

Am Kayak Ouɗi laippu amu, Nugib Nug laa ooppa genab doyak okkai medatta, amu Kayak Ouɗi laippu amu, Nugib laa nug oɗe danab heeb, ena daaglagnu ehah medatte.