Aposel 28:22 - Nobonob Baibel

²² Amge ig na nakka nahip dabmak aɗa ameg ma dayak amunu attem daatte oɗenppa madippe doognignu oonig daatte. Ig doottem, aabaab ohppa danab ah ag Kristen dilag huunu nai eheɗ maditteb.” Ag anam aon Pol amegppa appig.

Aposel 28:22 ပူးပေါင်းရင်းမြစ်များ

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

1 Pita 3:16

amge na oo bodoettak kobol, na laanu ena elele doyak kobol ele dim lamidna, anam he! Danab laa ag na Kristusnu daanna, hak ena hettem anidna, ag baeg qak nai nahipnu maditteb amu, ag amunu uɗalag nekkunu na beɗunppa aab iitta eleppa henan oikkut.

Aposel 24:14

Amge da nai laippu imu ag amunu genab appig amu da appi dookkut. Da huu laa, Juda ag huu amunu, ‘Ena iitta,’ aon atteb, huu amu ib ippunigtte amu, da ib amu dim lamidttem. Da ib amu dim lamitte, ig mamelkad aɗi dilag Kayak amu da Nug noobppa dup noin binag meinne, ɗo nai niitte, amu propet dilag yaak amu oh ele oolppa genab doottem.

Luk 2:34

Simeon anam ana, nug itittak ena matowa, nid anig Maria amegppa aum. “Doye, nid imu heeb, Israel danab ah kuɗum ag nena qekkulag, amge Nug heeb, kuɗum ag eɗun ahaglag. Nug am Kayak anidkkunignu epponak keeke daakku, amge danab kuɗum nuhignu nai nau akkulag.

1 Korint 11:19

Aɗinu? Ag enanag ii hetteb amunu, obatak amubia genab bekku, amge amuppa Kayak Nug heeb, ag oolagppa danab aun aɗi ag tutukku daatteb ele amu, ag miag atiglag.

Aposel 26:5

Ag haen elabnab da aakku dooiɗtteb amunu, ag oolag dayeb, ag da ihinig mettid haknu huu laa, huu amuam gun kuɗumnab, laa oh eɗattak, amuam ɗo gumak danab-Parasia, da huu amunu laa daami akkulagnu elele daatteb.

Aposel 15:5

Aa amu mattieheh, ɗo gumak danab-Parasia dilag huuppan, ag Jesusnu oolagppa genab dooppig ele ag ahan appig. “Kayak anukka gaɗa otaɗaknu ɗo meum niitte amunu, iitta aɗi danab ag Kristen daaglagnu oolag dayeb, ag ele gaɗalkad otaɗkkulagnab. Ele amu ig apput, ag Mosesnu ɗo oh ele dim lamidkkulag,” aon appig.

Aposel 5:17

Ag anam heeg ukke amu, mana mettak ikki danab, nuhikkud ehanittak danab oh, ag am ɗo gumak danab-Sadyusi oolagppanu amu, ag ele, ag totol dilagnu, ihinigppa anam daalon dabmak aɗan daappig.

Rom 1:8

Aria, tatam da ahilag ohnu Jesus Kristus onigppa Kayak dahil amegppa, “Ena heme,” awe attem. Aɗinu? Ahilag ooppa genab doyaknu amu danab wan atu ohppa ag aegeg dootteb.

Aisaia 42:20

O Israel danab ah, ag keeke kuɗum dooppig, amge ag dooppig ele, ag amunu ii dabmeppig. Yo, ag dooglagnu daulag ele, amge ag da aɗi attem amu, ag dooglagnu uuppig,” awa aum.