Aposel 28:10 - Nobonob Baibel

¹⁰ Aria, amu beum dimppa amu, nud amuppan danab ah ag kobol enanagppa dabmekkaegeg, dimppa ig gokkunignu heutut, ag keeke kuɗum, ig keeke amunu iitta ele amu, ig aot gokkunignu megappig.

Aposel 28:10 ပူးပေါင်းရင်းမြစ်များ

2 King 8:9

Aakku Hasael nug Damaskusnu keeke ena ena digdig, Elisanu daakkunu hamu medakkunu awom. Keeke amu kamel 40 maoglagnu elele; nug keeke amu kamelppa ma awa, Elisa toppa ukkom. Ukka ta, nug Elisa amegppa inam aum. “Aram dilag king Benhadat, maɗi nid nahip, nug he, da na gumitte, nuhig oɗmak medakkulnu uɗimi. Oɗmak nuhig am, ‘Da dahil oɗe imu iitta meeb, ena daakkulte?’ Da amu na oɗ medakkulnu uɗimi,” awa aum.

Esra 7:27

Yawe, ig mamenkad aɗi dilag Kayak, Nug he, king nug Yawe laug Jerusalem appa daatte, nug lag amu binag mekkunu anam dabmeum amunu, ig Kayak binag metu.

Sam 15:4

ag danab kobol uɗig wak hetteb ele dilagnu ena iinab dootteb, amge ag laa, ag na Yawe, ag nahipnu ebehilag oh bodoetta le mette ele, ag amu dilagnu binalag metteb, ag aɗi keeke hekkulagnu ahilag nai ɠagattag qena appig ele amu, ag nai amu dim lamidkkulagnu guittak doottebtai, amge hetteb,

Aposel 28:11

Am ig nud amuppa amu kalam ewam daamut, dimppa ig Aleksandrianu uub laa, ulah naɗi amu iitta mekkunu ameg ma dayom ele amu, ig amuppa teut, aikka ukkom. Uub amu noobppa kayak hambuppuak gani ele dottolah daapiɗ. Aa onilah Kosta, Paluks ele.

Aposel 28:9

Pol nug anam he amu, nud amuppanu oɗe danab laa oh ele ag uɗin, ehanittak aon, ena daappig.

Pilipai 4:19

Amu Kayak dahil, Nug ag keeke laa nuhig neekkakppa ag aoglagnunab daattenu tutu meppeg antta, Nug keeke ena ena oh Kristus Jesusnu uɗatppa nuhigppa daatte amu, Nug amuppa elelenab madakku.

1 Tesalonaika 2:6

Amu ele, ig danab noolagppa binanig aognignu ii hemut; ag noolagppa iitta, danab ah laa noolagppa ele iitta.