Aposel 27:41 - Nobonob Baibel

⁴¹ Ukkom, amge yu gamagppa ihi duttune bak, nud amu guguittak daatte ele amu, uub nug ukka, amuppa ta, aola ɠagattag eppom. Uub noob amu aola, ɠagattag eppa dayeye, aakku duban uub bitobppa o, uub aakku aoɗom.

Aposel 27:41 ပူးပေါင်းရင်းမြစ်များ

1 King 22:48

Haen amu King Jehosapat nug a, danab ag uub okkai okkai, ag gona Opir wanppa gol aoglagnu itadppig. Ag itadppig, amge ag ii goppig. Aɗinu? Uub amu oh amu aab okkai Esiongeber guguittak appa nauhppig.

2 Stori 20:37

Aa heeh, uub itak danab ag uub amu aakku itadppig, amge ag heegeg, Maresa danab Dodawahu bekka Elieser, nug propet, amu nug Jehosapat dimppa aɗi bekkunu nai imu mattie doyom. Nug aum, “Na Ahasia, ⌊Nug Yawenu neekkakppa nau hak danab amu,⌋ na nug ele nai qagapiɗ, diig amunu Yawe Nug heeb, keeke na heme ele am nauhkku,” awa aum. Amu nug aum, amubia uub amu ii oippig haenppa aakku nauheg, danab ag uub amu aon gona, en aon uɗiglagnu elele iitta.

Esekiel 27:26

Na amubia daattem, amu uub laan elqak danab ag uub elqeegeg, uub aakku yu gamagppanab ukke, amge ulah kaɗag nau uɗia eheɗnab heehe, uub yu gamagppa nauhtte, amubia na nauhkkut.

Esekiel 27:34

Anam, amge nauhak haen nahip-ppa amu, na uub laa nauha, yu gamagppa noa ukka batakppanab noa daye, uubppan keeke oh, danab ah ele aakku oh padal metteb, nahip-ppa anam beum.

Aposel 27:17

Anam amu, aria uubppan uɗat danab ag muɗi laala akkan, uub okkai amu ɠagattag daakkunu gamagppa itappig, amge ag baɗappig. Aɗinu? Ag, “Ig eheɗ gota, Aprika gukkuidtata, maalppa temata,” dabmenan dooppig amunu ag ahan, uubnu lamen ɠagattag ulah duttuntte ele uhuqeg ne, ig hamu maya memut.

Aposel 27:30

Anam hena, uubppan uɗat nid ag ahan, uub uun gokkulagnu ib mattin, ag oolaknu uub nakok amu uhuqeg noono, ag hambuppuna, “Uub okkai noobppa anka epput nokkulagnu hettem,” anana heppig,

Aposel 27:40

Ag anam ana, ag ankanu muɗi otaɗeg anka aakku yuppa daappig. Ag amu heegeg, ag muɗi uub ulum mettaknu ad aɗit ɠagattag daakkunu itappig am ele uhuqna, ulah lamen heeg te, uub ihi amuppa tekkunu ukkom.

Aposel 27:42

Uub aoɗe, daup ag ahan maniguittak danab ilog mena oolna gomananu aqaglagnu heppig.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.