Aposel 27:23 - Nobonob Baibel

²³ Pol nug anam awowa amu nug tuɗitta aum. “Gemu tuqan imuppa, Kayak, da nuhig dayeye, da Nug noobppa dup noin binag mettem ele amu, nuhig engel nug da gukkuiɗa hibaitta dayaya,

Aposel 27:23 ပူးပေါင်းရင်းမြစ်များ

Sam 116:16

O Yawe, imuam genabnab, da am nahip maɗi nid laa. Ao, da am nahip maɗi nid. Da am ah laa nahip uɗat heum ele amu, da nug bekka. Na da keeke nau hippaliɗeg daami, na amuppan uhuqiɗe, ena daattem.

Sam 135:4

Ag Yawe binag mekkulagnu diig am, Nug Jakop buɗub nuhikkud daaglagnu tituanattom. Ao, Nug Israel danab ah ag nuhikkud danab ah, nuhig en okkainab bia daaglagnu tituanattom.

Sam 143:12

Na nahip oo mauhaknab kobol dabmena dim lamidnana, na dahil kekeɗ eɗadppe nauhkkulagnu oɗ medattem. Ao, da am nahip maɗi nid amunu, na heppe, dahilad kekeɗ ag nauhkkulagnu unuqidttem.

Eksodas 19:5

amunu, gemu ag dahil nug tituana nai qakkak ɠagattag aɗan, dahil nai tutukku dim lamidkkulag dayeb amu, ag geha dahiladnab danab ah daaglag. Aɗinu? Wan ohppan danab ah ag ele am dahilad daatteb, ⌊amunu da aun otikkul hein amu, da otikkul⌋.

Solomonnu Ahi 2:16

Laa nug dahilnu oo mauhtte ele, nug am dahil daatte; da amu, da nuhig daattem. Doɗ gasel ag gikkiɗah, bala onig lili gamagppa daatte, gasel ag appa gikkiɗah aon latteb. Laa nug dahilnu oo mauhtte ele amu, nug doɗ gasel bia, da am bala lili bia daattem.

Solomonnu Ahi 6:3

Da laa nug dahilnu oo mauhtte ele, da nuhig daattem. Nug dahil daatte; Nug dadppa bala lili oolagppa hamu oiyaya, keeke anidtte.

Aisaia 44:21

Amu Yawe Nug atte. “O Israel danab ah, ag am dahilad maɗi nid maɗi ah ele amunu, ag Jakop buɗub, ag keeke imu ag daulagppa doaɗ! Da ag huu laippu daaglagnu hemi, ag am dahilad maɗi nid maɗi ah ele; da ahilagnu daul ii atima.

Aisaia 44:5

⌊Amu haen amuppa⌋ laa nug aha, ‘Da Yawenu danab daattem,’ akku. Laa nug aha, nug, ‘Da am Jakop buɗub laa,’ akku. Amu laa nug aha, ‘Da am Yawenu danab,’ eppeg ⌊gomeppa⌋ ya, nug memetalkad anukkanu Israel, nug nug onig amu awa, nug nukka onig oela qedakku,” awa atte.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Jeremaia 32:38

Ag dahilad danab ah daaglag, da ahilag Kayak daakkul.

Esekiel 36:38

Israel danab ah ag ahilag wanppa appa ambaknab daaglag. Anukka danab ah huanaknab ag Jerusalem tena, hobul dayaknu haen epeɗiak bia, ag appa daaegeg, sipsip bodok iitta main, da Yawe meɗaglagnu, sipsip amu ambak daappig, amubia danab ah bodok iitta, aabaab nauhattak daappig, amuppa ambak daaglag. Ag anam daaglag amu, ag dooglag, da am Yawe.” Yawe Nug anam atte.

Daniel 3:17

Na heppe, laa ag buɗigppeg, aab ewak naɗippa tekkunig dayeb amu, Kayak, ig Nug waappa daatta nuhig maɗi nid daattem, Nug ehanikkeb, ena daagnignu elele. Nug elele amunu, ⌊Nug amu hekkunu ena anidkku dayeb,⌋ O king, Nug ehanikkeb, ig na eppenppa ii daamta.

Daniel 3:26

Nebukatnesar nug anam awowa, aab ilappig ele, lag oo am laippu, gilil men o wanppa hak keeke, ag oo amuppa aab ilappig, Nebukatnesar nug oo amunu od guguittak ukka, nug ewa aum. “Satrak, Mesak, Abetnego ele, ag Kayak Attannab Laa Oh Eɗattak waappa daanna nuhig maɗi nid daatteb ele, ag dimittim, dahilppa uɗieg!” awa eum. Nug anam e amu, ag dimittim uɗippig.

Daniel 3:28

Anam daye, Nebukatnesar nug aum. “Ig Satrak, Mesak, Abetnego dilag Kayak binag metu! Nug he, nuhig engel laa uɗia he, nuhikkud maɗi nid ag eheɗ laa ii aoppig. Ag ahilag Kayaknu oolagppa genab doon, da ag eheɗ hekkulagnunab ami amu, ag nai amu ii dim lamidppig. Ag ahilag Kayak, ag Nug noobppa dup nona, Nugib binag mekkulagnu hena, ag kayak laa noobppa dup nona binag mekkulagnu uun autna aona, amu ii hemananu ag mauhkkulagnu dayeb am nai iitta doon, dabmak amuib dim lamidppig.

Daniel 6:16

Ag anam aeg, ɗo anam dayom amunu, king nug haknunab nai anana, ag Daniel aon uɗieg, king Daniel amegppa aum. “Nahip Kayak, na Nug hanhan Nug waappa daan, nuhig maɗi nid daattem amu, Nug heeb, na ena daakkutnu ool daatte,” awa aum. Nug anam awa a, ag nug moɗ naɗi laion daattebppa buɗieg noum.

Daniel 6:20

King nug ukka, moɗ naɗi laion daatteb guguittak ukka, nug baag oo doyak eleppa Daniel onigppa ewa aum. “O Daniel, na Kayak bau daatte elenu maɗi nid, nahip Kayak, na hanhan Nug waappa daan, nuhig maɗi nid daattem, Nug ehanitte, na qagaiettakppa ii daanna, laion eheɗ laa ii heidmananu elele daamete, o iittate?” ewa oɗ mettom.

Daniel 6:22

Dahil Kayak Nug da eheɗ laa Nug noobppa ii hemi aniɗa, O king, da nahipnu ele eheɗ laa ii hemi ele anttom amunu, Nug he, nuhig engel laa uɗia he, laion ag oɗelag aahekkulagnu elele iitta daan, ag da laiɗkkulagnu elele iitta. Ag da guittak laa ii meɗappig,” awa aum.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Malakai 3:17

Amu Yawe Nukka Ɠagattag Oh ele Nug atte. “Deɗ adekkuppa da dahil keeke enanag oh qagmaadkkul amu, deɗ amuppa danab ah amu ag dahiladnab daaglag. Nid mameg nug nid nuhig dabmetta ehanidtte amu, uug beebeb, mameg nug nid amunu oo bodoetta le mak doyaya, uug bette ele amu, mameg nug nid amuppa bemanu wagai mette, amubia da danab ah amu dilagnu oo bodoetta le mak doyeye, uug ahilagppa bemanu aib akkul.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Aposel 16:17

Nug Pol ig ele dim lamikkakka amu, nug inam ewa aum. “Danab imu amu, ag am Kayak Attannab Laa Oh Eɗattaknu maɗi nid! Kayak Nug attem ha, ig eɗua awikkaknu ib babaittom ippunigtteb,” awa aum.

Aposel 18:9

Amu deɗ laa tuqan Pol nug tulegleg laa antte, tulegleg amuppa Naɗi nug amegppa aum. “Da na ele daattep amunu, na aib baɗame! Na dahil nai appe doyeg! Oɗen aib qamutme! Danab laa nug ii nitteb guittak aokkut. Aɗinu? Dahilad danab ah kuɗum ag aab okkai imuppa daatteb,” awa aum.

Aposel 23:11

Ag anam heeg, deɗ amu tuqan amuppa Naɗi Nug Pol guguitta hibaitta dayaya nug aum. “Na hippaidna ɠagattag daye! Na aib baɗame! Na dahil nai Jerusalem mehuqme, amubia na dahil nai Rom appa mehuqkkut.” Naɗi Nug anam awa aum.

Aposel 5:19

amge tuqan amuppa Naɗinu engel nug maniguittak lag od matula he dimittim doeg, nug amelagppa aum.

Aposel 8:26

Aria Naɗinu engel laa nug Pilip amegppa aum. “Na ahan, laih yau uɗitteppanu gona, ib laa Jerusalemnu Gasa ukkakppa daatte amu appa ukke! Ib amuam atu taɗakppanu ib,” awa aum.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Rom 1:9

Amu Kayak, da meul ohppa Nug waappa dayeye Nug oɗe dim lamittette, Nug Bekkanu Nai Ena mehuqttem amu, Nugnab da nai yaattem imuam genabib yaattem doya malom daatte amunu da iikku yaattem. Am inam.

Rom 6:22

Amge Kayak Nug ag hipuninnu kobolppanu uhuqatta, Nug ag nuhig begbeg maɗi nid maattom amunu, ag nuhig keeke ena aonna, oppiaawak danab betteb. Ag anam bettebnu gogtak amu ag bauklel hanhannu aoglag.

1 Korint 6:20

Aɗinu? Kayak Nug ag hipuninnu qagaiettakppanu eɗua uhuqadkkunu daden maattom amunu, ag Kayak binag mekkulagnu, ag beɗulkadppa ele Kayak binag meig!

Duteronomi 32:9

Aɗinu? Israel danab ah, ag am Yawenu. Yo, Jakop buɗub, ag am nuhikkudnab daaglagnu epeɗiattom.

2 Timoti 1:3

Timoti, da nahipnu Kayak amegppa, “Ena heme,” awe attem. Da mamelad aɗi ag Kayak waappa daan Nug oɗe dim lamidppig bia, da Kayak waappa daye Nug oɗe dim lamitten, beɗulppa aab iitta doyen, da tuqan, amun ele da nahipnu ele hanhan unuqidttem.

2 Timoti 2:24

Naɗinu maɗi nid nug am nug mehqak kobol ii hema. Iitta. Nug danab ah oh noolagppa oo bodoettak ele daakkuoitte. Nug ippunittak danab ena daakkuoitte, amu nug dagom ele dayaɗ!

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Taitus 1:1

Da Pol, da Kayaknu maɗi nid, amu Jesus Kristusnu totol danab ele daattem. Kayak Nug da laa Nug ag tituanattom ele, da ahilag ooppa genab doyak ehanidkkulnu, da ele doyak diig genabib, doyak amuam ag Kayaknu neekkakppa genab tutukku hak danab daaglagnu ippunadtte amu, da ag doyak amu ele ippunadkkulnu meiɗe uɗimi.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Revelesen 22:16

Da Jesus, da dahil engel laa mei, ahilagppa ukka, nai dahil imu tamaniak ohppa ag amelagppa mehuqkkulagnu madakkunu ukkom. Dawit nug dahilppan be, da nug buɗubppan bemi. Da hoɗopai boitinannu amahlak bia daattem,” awa aum.