Aposel 27:1 - Nobonob Baibel

¹ Ag nai mattin, ig Itali wannu aab okkai Rom gokkunignu dabmak awona, ag Pol nug, amu maniguittak danab laala ele, ag ban daup 100 dilag ikki onig Julius, nug gumadkkunu nug eppegppa meppig. Nug am ban daup dilag huu laa onig Sisarnu huu, nug am amunu laa.

Aposel 27:1 ပူးပေါင်းရင်းမြစ်များ

Genesis 50:20

Anukka ag da eheɗ aokkulnu heppig, amge Kayak Nug ig ena, bau daagnig, gemu ig daattem, amubia, Nug amu dabma he, eheɗ hak amu eɗue, amuppa keeke ena beum.

Sam 33:11

Amge Yawe Nug aɗi keekenu maittak aotte amu, keeke amuam ɠagattag hanhan daatte. Yo, Nug aɗi keekenu oo unuqagnab, amuppa maittak aotte ele amu, keeke amuam ɠagattag hanhan dayaya bette.

Sam 76:10

Danab ah ag nahip oppoɗi bak eheɗ haknu anidtteb amu, ag na onin humidtteb. Ao, laa ag nahip oppoɗi bak anidna dootteb ele amu, ag nau haknu uutteb.

Prowerb 19:21

Danab ag keeke laala haknu maittak digdig kuɗum aotteb; amge Yawe Nug aɗi bekkunu oo daatte ele amu, gog takppa amuib aakku bette.

Gayak Nai 3:27

danab nug nid bau dayaya, wan imuppa uug maokku am ena.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Matyu 27:54

Amu ban daup 100 dilag ikki nug, amu daup laa ag nug ele daanna Jesus guman daappig, ag mim ne, keeke laala oh ele beeg anidna, baɗak eheɗ nau doon appig. “Genab, danab imu Nug Kayak Bekka!” aon appig.

Luk 23:47

Jesus mauhe, ban daup 100 dilag ikki nug amu antta, nug Kayak binag ma aum. “Genabnab danab imu Nug genab tutukku hak danab,” awa aum.

Luk 7:2

Amu Rom danab laa, nug ban daup 100 dilag ikki amu, nuhig maɗi nid laa, nuhignu oo huan hette ele, nug oɗe ma mauhkkunu heum.

Aposel 10:1

Aria, iitta aɗi danab laa Sisaria dayom, onig Kornilius. Nug ban daup 100, onig Itali daup, nug amu dilag ikki dayom.

Aposel 10:22

ag nug amegppa appig. “Kornilius, nug ban daup 100 dilag ikki daatte, nug he ig uɗimut! Nug am genab tutukku hak danab. Nug Kayaknu ebehi oh bodoetta le mette. Juda danab ah oh ag nuhignu ena elele dootteb. Amu Kayaknu engel oppiaawak laa na, Kornilius amegppa nahipnu, na Kornilius laugppa gona, na nai laala appe nug dookkunu aum amunu nug he, ig uɗimut,” aon appig.

Aposel 16:10

Pol nug keeke amu anam antte, aria wagɗe ig ahat paha Makedonia gokkunignu ib mattimut. Ig amut. “Ig doottem, Kayak Nug ig oninigppa eum, ig gota Nai Ena ag amelagppa mehuqpput dooglagnu aum,” aot amut.

Aposel 18:2

Nug ukka, Korint ta, Juda danab laa onig Akwila anttom. Nug appag diig amu Pontus. Nakok matu bia, nug amu wau Prisila ele aa Itali wannu aab okkai Rom, aa appanu ahai uɗipiɗ. Aɗinu? Rom dilag king Klodias, nug Juda danab ah amelagppa, “Ag Rom ii daamna; ag Rom uun, aab laalappa gona dayeg!” awa aum amunu, Akwila, Prisila ele aa Korint appa daapiɗ. Aria Pol nug ukka, aa anate,

Aposel 19:21

Keeke amu oh ba ukka malom, dimppa Kayak Ouɗi Nug Pol dabmak mette, Pol nug aha, Makedonia Akaia ele ukkowa, dimppa nug Jerusalem gokkunu dabmeum. Dabma amu nug aum. “Da Jerusalem appa ukkoya, dimppa amu da ukken aab okkai onig Rom ele gokkuloitte,” awa aum.

Aposel 21:32

Nug doya, paha aha, ban daup 100 dilag ikki laala amu daup laala ele diie, ag qaiqaɗ Pol Juda ele gumadna noeg, haen Juda ag ban daup dilag ikki anuqak, daup ele noppig anadna, ag Pol baula ii makkuɗppig, uuppig.

Aposel 22:26

Ban daup 100 dilag ikki amu nug nai amu doya, nug ukka ban daup ikki anuqak amegppa aum. “Na attem hettem? Danab imu nug Rom danab,” awa aum.

Aposel 23:11

Ag anam heeg, deɗ amu tuqan amuppa Naɗi Nug Pol guguitta hibaitta dayaya nug aum. “Na hippaidna ɠagattag daye! Na aib baɗame! Na dahil nai Jerusalem mehuqme, amubia na dahil nai Rom appa mehuqkkut.” Naɗi Nug anam awa aum.

Aposel 23:17

Pol nug nai amu doya amu, nug ban daup 100 dilag ikki laa onigppa e do, nug aum. “Na nid bau imu omalna, ban daup ikki anuqak toppa goppe, nug nai laa ab dookkunu atte,” awa aum.

Aposel 24:23

Nug anam awowa, nug ban daup 100 dilag ikki nug Pol aon maniguittakppa mekkunu aum, amge maniguittak ɠagattagnab iitta, amu ban daup 100 dilag ikki nug ele Pol laikkud uuatteb, ag nug ehanidna, keeke aon gona mettaglagnu amu aib ii aum.

Aposel 25:12

Pol nug anam a amu Pestus nug nuhikkud kaunsil danab ele tatam nai mattiona, nug Pol amegppa aum. “Na Sisar nug nahip hettoɗiak dookkunu onigppa ettem amunu, aria na Sisar gumidna gokkut,” awa aum.

Aposel 25:25

Amge da nug mauhkkunu keeke laa ii anidmi. Amge nug nukka Sisar nug nuhig nai dookkunu a amu, da nug Sisar toppa meppi gokkunu ai, nug amu ameg ma daatte.

Aposel 27:11

Pol nug amelagppa aum, amge ban daup 100 dilag ikki nug uub gumak ikki amu ulum aɗak danab ele, nug amu dilah nai ooppa genab doya, Pol nai aum amu ooppa genab ii doyom.

Aposel 27:43

Ag anam heppig, amge ban daup 100 dilag ikki nug Pol ehanidkkunu oo ha, ag anam ii hemananu ana, nug danab oh laa ilog mak doodppig ele ag tatam uubppanu oolna, yuppa ilog men gona, yu ihippa gokkulagnu aum.

Aposel 27:6

Aab amuppa teta amu ban daup 100 dilag ikki nug Aleksandrianu uub laa Itali wanppa gokkunu dayeye antta, nug he, ig uub amuppa temut.

Aposel 28:1

Ig oh enaib gota, yu ihippa teut amu ag nud amu onig Malta aeg doomut.

Aposel 28:16

Ɠagattag awe, ig Rom ooppa nout am gabman nug a, Pol nug nukka lag laappa dayeye, ban daup danab laippu gumeme daapiɗ.

Hibru 13:24

Amu ag ihinig humittak nai ahilkad ikki danab oh mattanna, Kayaknu danab ah oh ele matteg! Amu Kayak baekkudppan danab Italinu ag humittak nai ahilagppa meeg gotte.