Aposel 26:7 - Nobonob Baibel

⁷ Israel dilag huu okkai 12nu danab ah, da ele ag oolagppanu laa aakku, ag oolag unuqagppanu Kayak noobppa dup nona binag amun tuqan ele menana, ag Kayaknu nai qakkak amu gogppa tekkunu dabmak aɗan ameg mena daatteb. O king, dabmak aɗa ameg ma dayak amunu, Juda ag da eheɗ heminu atteb.

Aposel 26:7 ပူးပေါင်းရင်းမြစ်များ

Esra 6:17

Ag Kayak laug qeapinna Kayaknu tituanna mettaglagnu amu, ag makau dawai 100, sipsip dawai 200, sipsip gaiɗ 400 manadna, Kayak mettan, ag meeme dawai 12 ele, ag anen anen am Israel dilag huu okkai anen anen dilagnu, ag Israel oh dilag ib etta hipunin haknu ofa daaglagnu ele manadna Kayak medappig.

Esra 8:35

Keeke skelppa mak uɗat ha malak amu, diia ukka laih me dayak danab ah Babilonnu ahan, eɗun uɗippig ele, ag Kayaknu manaknu ofa heppig; amuam Israel oh dilagnu makau dawai 12, aria sipsip dawai 96, sipsip gaiɗ 77 ele. Amu oh am manaknu ofa daappig. Amu ag ele ib etta hipunin haknu ofa haknu, ag meeme dawai 12 ele manadna, Yawe medappig.

Sam 135:2

Ag aun aɗi ag Yawe laugppa nuhig ɗo maɗoɗnu uɗat hetteb ele, ag Nug binag meig! Ao, ag aun aɗi ag Kayak laugnu haɗap-ppa uɗat hetteb ele, ag Nug binag meig!

Matyu 19:28

Nug anam a amu Jesus Nug eɗua, ag oh amelagppa aum. “Da genab ag amelagppa attem, keeke oh bau bak haenppa, Danab Bekkalag da, da sia king binag amahlak oppiaawak ele dahilppa daabppi, ag da dim lamiɗtteb ele ag sia king 12ppa daanna, Israel dilag huu okkai 12 amu gumadkkulag.

Luk 2:25

Haen amuppa danab laa Jerusalem dayom, nug onig Simeon. Nug Kayak noobppa tutukku oiyaya, Kayak binag ena maama, Israel dilag ehanattak danab ameg meum. Kayak Ouɗi nuhigppa dayom.

Aposel 20:31

Amunu ag ⌊nena qemananu⌋ dabmenan dayeg! Ag da maɗ ewam, tuqan, amun ele ag laib laib ag amelagppa hanhan nau aomanu maɗettaknu nai amel leb nak ele matti dooppig amu, ag amu dabmakppa aɗan dayeg!

Aposel 24:15

Da amu oolppa genab doottem, amu da keeke laa elenu dabmak aɗa ameg ma dayak doottem, danab imu hetteb, amubia. Amuam Kayak Nug geha heeb, genab tutukku hak danab, amu danab nau ele oh ag eɗun hippaidkkulag.

Aposel 26:2

“O King Agripa, da na noomppa dayeye, Juda danab ag da aɗi aɗi heminu yaaiɗtteb, amu da keeke aɗi aɗi hemi ele, da amu ohnu na, laa noobppa iitta, na noomppa dayeye madikkulnu daatte amu, da kobol amunu ena, eleleib doottem.

Aposel 26:3

Aɗinu? Na Juda dilag kobol amu ahilag dabmak piɗe piɗe ele oh elelenab doottem amunu da uug ii doottem. Na amu oh doottem amunu, da na nai dahil imu ootppa maɗoɗ ele dookkutnu unuqttem,” awa aum.

Aposel 28:20

Diig amunu da ag gemu daatteb, da ag ele mattit, appi anidna dooglagnu am da ag anadkkulnu ele ool daye onilagppa emi. Da Israel dilag dabmak aɗa ameg ma dayak, ⌊amuam Kristus uɗikkunu dabmak⌋ da amunu gemu sen imuppa da eppel qakkak daattem,” awa aum.

Pilipai 3:11

Amunu diig am, da anam heinne, da mauhe, eɗue hippaidkkulnu doottem.

1 Tesalonaika 3:10

Amun tuqan ele Kayak Nug heeb, ig baula ag iɗulag anidta, ahilag ooppa genab doyaknu nai laala ii dooppig ele ippunadta apput dooglagnu oonig unuqagppanu unuqidttem.

1 Timoti 5:5

Ah qab nug genab nukka baeg laippu daatte, nug Kayak ehanidkkunu dabmak aɗa dayaya, tuqanppa amunppa ele unuqidtte.

Jems 1:1

Da Jems, da Kayak, Naɗi Jesus Kristus ele dilah maɗi nid. Da Juda danab ag Juda wanppa ii daatteb, ag wan atu laappa daanna oitteb ele amu, da ahilagnu ehanattak nai iikku yaattem. Da ag humadttem.