Aposel 26:29 - Nobonob Baibel

²⁹ Nug anam a amu Pol nug aum. “Da haen elab madikkul o da haen tutu madikkul, amuam keeke okkai iitta. Keeke okkai amu na da daattem bia daakkut, amu da amunu Kayak unuqidttem. Na nakka iitta. Gemu danab laa imu oh ag dahil nai dootteb, ag ele anam daaglagnu unuqidttem. Sen imu aakkuib am ag aoglagnu da ool ii daatte,” awa aum.

Aposel 26:29 ပူးပေါင်းရင်းမြစ်များ

2 Samuel 18:33

King Dawit nug nai amu doya, nug eheɗ ottaiom. Nug ottaia, nug aha, nug aben amu uua, oo laa od attan dayom amu, nug amuppa ukka ta, gayom. Nug aguppa tekkunu taata, nug inam mahittom. “O da bekkal Apsalom! O da bekkal Apsalom! Da na abenam awen mauhlom am ena. O Apsalom, da bekkal, da bekkal,” awa mahittom.

2 King 5:3

Nug anam dayaya, dimppa nid ahin amu nug nuhig okkai Naman wau amegppa aum. “Da oolppa amu, danab nahip nug propet Samaria daatte gumitta ukkeb, propet nug oɗe nuhig heeb, nug geha ena daakku doottem,” awa aum.

Eksodas 16:3

ag aa amelahppa inam appig. “Ig Isip daapput, Yawe heeb mauhlom am ena. Aɗinu? Aa ig awigya, omaigya atu taɗak ee iitta ele imuppa enug iqeeb, ig ohnab mauhkkunignu uɗipiɗ. Isip appa amu, ig daatta, ig doɗ teppu, ee iɗu iɗu laa ele elelenab lakkunignu amu, ig aot lamut,” aon appig.

Jeremaia 13:17

Amge ag nuhig nai dooglagnu uun, ii dim lamidkkulag dayeb amu, ahilag dada hak, diig amunu, da dakka piɗe dayeye gaakkul. Ge, ag Yawenu danab ah, ag nai dooglagnu uun, ii dim lamidkkulag dayeb amu, ahilag hak nau, diig amunu kekeɗ ag uɗin, eɗadna, aɗualadna diin goppeg, ag wan laappa diia ukka laih me dayak danab ah daaglag amunu, da eheɗ gaappi, da amel leb huanak nekku.

Jeremaia 38:20

Sedekaia anam a, Jeremaia nob ma aum. “Iitta! Babilon ag Juda laa eppelagppa ii meidmana. Yawe Nug da oɗelppa na aɗi aɗi hekkutnu ippunidtte amu, na amu hekkut dayeb, na ena daakkut. Babilon ag heppeg, na ii mauhmana. Iitta.

Namba 11:29

Josua anam aum, amge Moses nug nai nob ma aum. “Na aa da abenal aomyanu baɗattemte? Yawenu danab ah oh ag propet daaglagnu, Yawe Nug nuhig Ouɗi nuhikkud danab ah oh madakkunu ool daatte,” awa aum.

Jon 5:34

amge danab ag dahilnu maditteb, da amunu dabmak okkai ii aottem. Iitta. Amge ag Jonnu nai dabmena, dahilnu oolagppa genab dooppeg, Kayak Nug ag eɗua diikkunu amu, da amunu Jonnu nai amu mattimi.

Aposel 12:6

Unuqittegeg, deɗ Herot nug Pita danab noolagppa mekkunu heum, deɗ amu ii wagkkaɗom, tuqan amuppa maniguittaknu gumak danab aɗit, laa laih, laa laih laappa daaeheh, Pita nug gamagppa niiom. Ag sen aɗitppa nug hippalppig. Nug anam niieye, gumak danab aɗit laa aa odppa daayya, od gumapiɗ.

Aposel 21:33

Uueg, ban daup dilag ikki anuqak nug gumatta wana, Pol aɗa, daup amelagppa, “Ag nug sen aɗitppa qakkeg!” ana, nug Juda danab oɗ mattom. “Imu danab aun, nug aɗi heum?” awa oɗ mattom.

Aposel 25:14

Aa uɗiya, deɗ nakok kuɗum Sisaria daaeheh amu Pestus nug king amu amegppa Polnu nai imu mattia aum. “Peliks nug danab laa nug anukka maniguittakppa meum ina daatte.

Rom 10:1

O lailad, Kayak Nug danab dahilad, Israel, ag eɗua diikkunu ool unuqag ele doyeye, da amunu Kayak unuqidttem.

1 Korint 4:8

Ag Kayak nai elelenab aoppig daatteb bia dootteb, amge amuam genab iitta. Ag keeke laanu daɗek ii daatteb bia dootteb, amge amuam genab iitta. Ehanittak ihinig iittappa ag king bena daatteb dootteb, amge amuam genab iitta. Ag genab king daalob amu, ig ag ele oh king daalom amunu, da ag king daaglagnu ool daatte.

1 Korint 7:7

Am danab oh ag da bia daaglagnu ool daatte. Amge danab oh ag anam daaglagnu elele iitta. Aɗinu? Kayak Nug nuhig oo mettakppa, nuhig keeke ena ena ahilag daakkunu hamu mettakppa amu, ag aɗi hekkulagnu anen anen mattom; Nug laa keeke ena ena laa hamu metta, laa amu, nug keeke ena ena laa nug hamu mettom.

2 Korint 11:1

Ag da dabmeɗappeppeg, da nai hamu madikkulnu hettem imu amu, ag amu doobppeg, ag oolag ii nauhmanu ool daatte. Ag dooglagnuib dabmekkulag.

Epesus 6:20

Ao, da Nai Ena imu madittem amunu da maniguittakppa daattem. Ge, da amu madikkulnu uɗat ele amunu amu, ag Kayak Nug heeb, da helom bia da baɗak iitta dayen, nuhig nai madikkulnu unuqitteg!

Kolosi 1:28

Ig Kristus, nuhignuib danab oh amelagppa attem. Ig danab oh anen anen ag dabmena autna aona, ag Kristusnu bena daanna, ag genab tutukku hak danab elelenab beppeg, ig ag omaladta, Kayak noobppa gokkunignu elele daagnignu, ig doyak dabmak ena ele ohppa danab oh ippunittak nai, amu dabmettak nai ele ippunadttem.