Aposel 26:25 - Nobonob Baibel

²⁵ Pestus nug anam e amu Pol nug aum. “O Naɗi Pestus, da kaaka ii niɗatte! Da madittem imuam genab, nai kaaka iitta.

Aposel 26:25 ပူးပေါင်းရင်းမြစ်များ

Jeremaia 29:26

“Yawe Nug na mana mettak danab Jehoiada abenab aona, na Yawe laug gumakkutnu tituanittom amunu, danab auntai nug kaaka danab dayaya, nug ippu haaha, propet danab bia bette amu, na danab amu aon, maniguittak naunab nau, baeg, eppeg ele adppa qakkak, duug am aenppa qakkak amu, na amuppa mekkutoitte.

Luk 1:3

O danab naɗi Tiopilus, na ele keeke amunu aeg doome. Aeg doome amunu, da ele na nai doome am genabnab dookkutnu nahipnu nai amu baula yaakkulnu ool dayom amunu, da keeke amu digmakppanu ukke batakppa ele ohnu oɗmak tutukku elelenab hei, aeg doyen, iikku eleleppa yaattem.

Jon 8:49

Aeg am Jesus oɗelagppa awa aum. “Da oolppa hahail iitta. Da amu, da Mamel binag humattem, amge ag da binal qeeg nette.

Aposel 23:26

“Da Klodias Lisias, da ad uɗug imu danab naɗi, gawana Peliksnu iikku yaattem. Da na humidttem.

Aposel 24:3

Amuppa ig aabaab ohppa ig oonigppa enanag doota, ig na, danab naɗi Peliks, ig nahipnu hanhan ‘Ena heme’ aot attem,” awa aum.

Taitus 1:9

Nug danab ah ippunittak nai genab ena eleppa oolag ɠagattag qekkunu, nug ɗo tappe nak danab nai amuppa toliadkkunu, nug nai danab aun aɗi ag nai amunu oolagppa genab doon ib ii apiɗidmana, tamaniak dilag ikki danab ag nai amu danab ah ippunatteg uɗie, gemu ele hetteb amu, nug nai amu ɠagattag aɗaɗ!

1 Pita 3:15

Iitta. Ag oolagppa Kristus Nugib am ahilag Naɗi daatte doyeg! Keeke ena ag aoglagnu dabmak aɗan oitteb ele amu, laala ag amunu diignu oɗ madappeg, ag nai nob mekkulagnu bappaidna daaglag,

1 Pita 3:9

Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.