Aposel 25:16 - Nobonob Baibel

¹⁶ Amge da eɗuen ag amelagppa inam ami. ‘Ig Rom, ihinig kobolppa, ig danab laa, laa ag nug beɗuppa nai yaatteb ele, ig nug paha eheɗ heum ii attem. Iitta. Tatam danab nug eheɗ heumtai o iittatai doyaknu nug hettoɗiakppa danab nai nug beɗuppa yaatteb noolagppa daya, nug nukka nuhignu nug aɗi heum ab doot, ig nai amu oh dabmettem. Ig amu hewota, ig nug eheɗ heum anidta amu, ig nug nob mettagnig. Iitta am iitta,’ awe ami.

Aposel 25:16 ပူးပေါင်းရင်းမြစ်များ

Genesis 39:19

Potipar wau nug, “Hibru begbeg maɗi nid nahip nug anam heum,” a amu, Potipar doya, nug oo huan nauhom.

Prowerb 18:13

Danab nug dab-ii-mettowa, nai nob mette amu; danab amu nug Kayak dab-ii-maama hak hette, nug uɗa nak kobol hette.

Prowerb 18:17

Danab nug tatam aɗi aɗi anttomnu maditte amu, laala ag doon, “Nug tutukku maditte,” atteb; amge ukke ukke, laa doa, nug danab amu oɗmak mette, ag, “Imu genabtai, o iittatai mattiom?” atteb.

Luk 12:11

Amu laa ag ag diiadna, Juda dilag nai doyak lakka, o gabman noolagppa, o laa ag gumaknu ehah ele noolagppa keeke goppeg, ag haen amuppa ag ena daaglagnu aɗi akkulagnu, ag nai aɗinab mattiglagnu ele dabmak huan aib aoppig.

Jon 7:51

“Ig ihinig ɗoppa danab laa hettoɗiakppa ii dayom haenppa, nug eheɗ heumnu akkunignu am elelete? Iitta. Nug keeke heum amu ig tatam doota, ig nug epeɗignig,” awa aum.

Aposel 23:30

Ag anam heeg, da nug aoi dayeye amu, aria laa nug Juda ag akka danab imu qeppeg mauhkkunu lokkumakppa nai qagappignu doya, da amelppa aum amunu, da danab imu iikku paha awe mei, nahip-ppa ukkom. Amu da danab ag nuhignu nai ele amu ag gona, na amenppanab nug aɗi eheɗ heum madippeg dookkut.” Nug anam yom.

Aposel 23:35

Amu Peliks nug aum. “Laa ag na beɗunppa nai yaappig ele amu, ag uɗippeg aria, geha da nai nahip dookkul,” awa aum. Awowa nug Pol Herotnu lag enanagnab, appanu maniguittakppa inak dayebeb, daup ag guman daaglagnu haknunab nai aum.

Aposel 26:1

Pestus nug anam a, Agripa nug eɗua Pol amegppa aum. “Aria na aɗi heme, na hettoɗiakppa daattem amu, na amunu madikkutnu elele,” awa aum. Nug anam a amu Pol nug eppeg huma, nug aɗi aɗi heum, nai amu inam digma mattiom.

Duteronomi 17:4

am laa ag nug amu heum appeg dooglag dayeb, ag nug anam heumte, o iittate, ag amu hettoɗin autnanab aweg! Am nug genab, ooppa uuaknab doyaknu kobol amu laa, Israel oolagppa heum dayeb amu,