Aposel 24:5 - Nobonob Baibel

⁵ Danab imu ig nug anidmut. Nug eheɗ kuɗum he bette. Nug wan atu ohppa Juda dilagppa nug he, Juda ag ahan nug qak bia hetteb. Aria huu ena iitta laa, ag amunu Nasaret huu aon atteb amu, danab imu nug ahilag anuqak danab laa daatte.

Aposel 24:5 ပူးပေါင်းရင်းမြစ်များ

Esta 3:8

Anam daye amu, Haman nug King Ekserksis gumitta ukka aum. “Danab ah diig laa ag nahip ɗo waappa prowins ohppa daatteb. Ag ahilag ɗo am aabaab laa ele laippu iitta. Ag king nug ɗo mette, amge ag dim lamittaknu uutteb amunu, king nug ag uuatteb daaglagnu am ena iitta.

Jeremaia 37:13

Nug anam heum, amge haen nug aabnu aɗ od laa onig Benyamin od, nug appa ta, aab dimittim gokkunu ukke, daup od amu gumappig ele dilag okkai Iriya, nug Jeremaia aɗom. Iriya mameg am Selemia, nug alag am Hanania. Iriya nug Jeremaia aɗa, nug aum. “Na ahan, Babilon daup gumadna goppe, ag ele daaglagnu hettem,” awa aum.

Jeremaia 38:4

Kingnu ehanittak anuqak danab waɗele amu ag amu doon, ag gona, King Sedekaia amegppa appig. “Ig Jeremaia qepput mauhkku am ena. Aɗinu? Nug nuhig naippa nug he, ihinkad daup danab aab okkai imuppa daatteb ele, ag oolagppa gai-iitta daatteb, danab ah ele anamib. Nug mauhkkunu diig laa ele amu, danab amu nug Juda danab ah ag ena daaglagnu ib ii maditte. Iitta. Nug ag nauhkkulagnu hette,” aon appig.

Amos 7:10

Amos nug nai amu mattie, Amasaia, Betelnu mana mettak danab, nug nai imu Israel dilag king Jeroboam toppa me ukkom. “Amos nug Israel danab ah oolagppa noa he, ag na kekeɗ mettaglagnu daatteb. Nug nai huan huan maditte, amu na nug uuidppe daakku, nuhig nai heeb, wan imu nauhkku.

Matyu 10:25

Amu danab ag ippunittak danab, nuhigppa aɗi hekkulag amu, ag nuhikkud ippunittak awak danab, ag amu dilagppa ele anamib hekkulag. Aria, danab ag gumak danab, nuhigppa aɗi hekkulag amu, ag nuhikkud maɗi nid, amu dilagppa ele anamib hekkulag. Danab ag lag mamegnu, ‘Nug am ouɗi nau ikkilag,’ appig dayeb amu, geha nuhikkud lag laippu amu, ag ahilagnu onig amunu nau eɗittak, onilkad naunab akkulag.

Matyu 2:23

Nug ukka, aab laa Nasaret appa ta dayom. Amuppa propet ag nai madippig amu, nai amu elele mettom. Nai amuam inam. “Ag nuhignu, Nug am Nasaret danab,” akkulag.

Mak 1:24

“Jesus, Nasaret ted, na ig attem heigkkutnu uɗime? Na heppe, ig nauhkkunignu uɗimete? Da na dooidttem; Laa Kayaknu Oppiaawak Ele, amuam na aakkuib,” awa aum.

Luk 23:19

Barabas nug am aab okkai amuppa gabman kekeɗ metta ban ha, danab laa aqe mauheg, maniguittakppa dayom.

Luk 23:2

Ag gona, appa ahan, nug beɗuppa nai huanak yaan appig. “Ig danab imu anittutut, Nug ihinkad danab hambuppualadtte. Nug ig Sisarnu takis mematanu gun ma, Nug nugakka hume attan te, Nug atte. ‘Da Kristus, da king laa,’ awa aum,” aon appig.

Luk 23:25

nug danab gabman kekeɗ metta ban ha, danab laa aqe mauhppig amunu maniguittakppa dayom, ag nug aoglagnu eppig ele amu, Pailat nug danab amu awa matta, nug Jesus, ag nuhigppa aɗi hekkulagnu oolag heum hekkulagnu ag eppelagppa meum.

Luk 23:5

Nug anam aum amge ag tuɗidna ɠagattag appig. “Nug Juda laih ohppa danab ah amelagppa biig yaak nai mattie, ag ahilag dabmak manin ii daatte. Nug kobol amu Galilinu digme uɗia, ippa ele he beum,” aon appig.

Aposel 15:5

Aa amu mattieheh, ɗo gumak danab-Parasia dilag huuppan, ag Jesusnu oolagppa genab dooppig ele ag ahan appig. “Kayak anukka gaɗa otaɗaknu ɗo meum niitte amunu, iitta aɗi danab ag Kristen daaglagnu oolag dayeb, ag ele gaɗalkad otaɗkkulagnab. Ele amu ig apput, ag Mosesnu ɗo oh ele dim lamidkkulag,” aon appig.

Aposel 21:28

“Israel danab, ag ig ehanikkeg! Danab imu nug wan atu ohppan danab ihinig huunu, ihinig ɗonu, amu Kayaknu lag imunu ele am ena iitta ippunadtte. Amuib iitta. Nug Grik danab laala ele diie uɗin, Kayaknu mettid lag nuhig tomppan keeke oh ele imu ooppa nona, ag aben imu oppiaawak ele dubuttid medatteb!” Ag anam anana eppig.

Aposel 22:22

Pol nug nai amu mattie, Juda danab ag Pol nai mattiom amu doyeg ukke ukke, nug iitta aɗi gumatta gokkunu aum, haen amuppa ag ahan, huana qattiɗna, baalag okkaippa eppig. “Qeppeg mauhaɗ! Danab anam amu nug wanppa bau daakkunu elele iitta,” aon eppig.

Aposel 24:14

Amge da nai laippu imu ag amunu genab appig amu da appi dookkut. Da huu laa, Juda ag huu amunu, ‘Ena iitta,’ aon atteb, huu amu ib ippunigtte amu, da ib amu dim lamidttem. Da ib amu dim lamitte, ig mamelkad aɗi dilag Kayak amu da Nug noobppa dup noin binag meinne, ɗo nai niitte, amu propet dilag yaak amu oh ele oolppa genab doottem.

Aposel 24:4

Tertulus nug anam awowa, nug tuɗitta aum. “Anam aakku, amge da nai elab mattien, nahip haen kakidpanu, da na ihinig nai tutu imu appi, na dahilnu oo bodoettak doon nai dookkutnu unuqidttem.

Aposel 25:7

Ag Pol omalna doeg amu, aria Juda Jerusalemnu noppig ag dona daanna, ag nai kuɗum eheɗ hak naunu Pol beɗuppa yaan madippig, amge ag ahilag nai am genab laa ippuanadkkunu elele iitta.

Aposel 26:5

Ag haen elabnab da aakku dooiɗtteb amunu, ag oolag dayeb, ag da ihinig mettid haknu huu laa, huu amuam gun kuɗumnab, laa oh eɗattak, amuam ɗo gumak danab-Parasia, da huu amunu laa daami akkulagnu elele daatteb.

Aposel 28:22

Amge ig na nakka nahip dabmak aɗa ameg ma dayak amunu attem daatte oɗenppa madippe doognignu oonig daatte. Ig doottem, aabaab ohppa danab ah ag Kristen dilag huunu nai eheɗ maditteb.” Ag anam aon Pol amegppa appig.

Aposel 5:17

Ag anam heeg ukke amu, mana mettak ikki danab, nuhikkud ehanittak danab oh, ag am ɗo gumak danab-Sadyusi oolagppanu amu, ag ele, ag totol dilagnu, ihinigppa anam daalon dabmak aɗan daappig.

Aposel 6:13

ag qagmak amuppa heeg, aɗi heehe anttomnu mattiak danab hambuppuak laala ag ahan, Stivennu nai hambuppuak inam aon appig. “Danab imu nug hanhan Kayaknu lag imu, ɗo nai elenu nai eheɗ maditte.

1 Korint 11:19

Aɗinu? Ag enanag ii hetteb amunu, obatak amubia genab bekku, amge amuppa Kayak Nug heeb, ag oolagppa danab aun aɗi ag tutukku daatteb ele amu, ag miag atiglag.

1 Korint 4:13

Ag ihinignu baeg qak nai aeg, ig nai bodoettakppa ag amelagppa attem. Ig am wan ohppanu kinipan daatte, amubia daattem. Ao, ig danab oh dilag kinipan, amubia daattem. Ig anamib daaut uɗie, gemu ele daattem.

1 Pita 2:19

Ag anam daanna, Kayaknu dabmenana oippeg, gumak danab nau ag guittak diig iittappa madappeg, Kayak Nug ag begbeg maɗi nid ag haen amuppa gumak danab amu, ag ahilagnu ena elele doyaya dayak kobol dim lamidna hetteb antta, Nug amunu oo ena daakku.