Aposel 24:17 - Nobonob Baibel

¹⁷ Amu da anam hein, maɗ laala da ukken, aab laalappa dayeye oiyeye, amu dimppa amu da eɗuen, da men doɗo Judanu daɗek madakkulnu amu doɗ manen Kayak medakkulnu Jerusalem temi.

Aposel 24:17 ပူးပေါင်းရင်းမြစ်များ

Aposel 20:16

Pol nug Pentikosnu deɗ ii nak haenppa Jerusalem tekkunu dabmak awom amunu, Asia prowinsppa haen amu eɗidmanu ig Epesus qe-eɗidkkunignu aum.

Aposel 20:31

Amunu ag ⌊nena qemananu⌋ dabmenan dayeg! Ag da maɗ ewam, tuqan, amun ele ag laib laib ag amelagppa hanhan nau aomanu maɗettaknu nai amel leb nak ele matti dooppig amu, ag amu dabmakppa aɗan dayeg!

Aposel 21:26

Anam amu, wagɗe deɗ amuppa Pol nug danab waɗele amu diie, ag gona, nug kobol oh nug ag ele oppiak daaglagnu heum. Nug amu hewowa, nug Kayaknu mettid lag ooppa noa, mana mettak danab amelagppa deɗ attenppa ag aakku aɗi aɗi kobol hena, oppiak bena malaglagnu deɗ, ag anen anen deɗ amuppa ahilag mana mettaknu doɗ aon dokkulagnu ele aum.

Aposel 24:26

Nug oo baɗom, amge nug ele inam dabmeum. “Pol nug men doɗo laala meɗeb uhuqkkul.” Anam dabmaama, nug haen kuɗum Pol onigppa e uɗie, nug ele nai madipiɗ.

Rom 15:31

Amu ag Kayak da ehaniɗa, Juda laala ag oolagppa genab ii dootteb ele, Nug da ag eppelagppanu eɗua awiɗkkunu unuqitteg! Ag Kayak Nug heeb, nuhikkud danab ah oppiaawak ele Jerusalem daatteb ele, da uɗat ag ehanadkkunu hekkulnu hettem imu amu, ag amunu oolag hekkunu unuqitteg!

2 Korint 8:6

Anam daatte amunu ig Taitus, nug ag Korint danab ag oolagppa uɗat heehe, ag ehanittak amu bappaidkkulagnu digmeppig ele amu, nug heeb, ag uɗat amu paha malaglagnu ig nug amegppa amut.

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

2 Korint 9:12

Ag uɗat anam henana, ag Kayaknu danab ah oppiaawak ele ehanadppeg, laala ag keekenu tutu daatteb amu ag elele daaglag. Amge amunuib iitta. Ag Korint aɗi ag kobol amu anam heppeg, Juda laa, ag daɗek daatteb ele amu, ag Kayak amegppa, “Ena heme,” okkainab akkulag.

Galesia 2:10

Ig anam atata, ag i daɗek danab dilag tuɗidɗa dabmekkunihnu aakkuib appig. Keeke amunu amu, da ool huana hette, da amu hekkulnu da uɗat ɠagattag heinne daattem.