Aposel 24:14 - Nobonob Baibel

¹⁴ Amge da nai laippu imu ag amunu genab appig amu da appi dookkut. Da huu laa, Juda ag huu amunu, ‘Ena iitta,’ aon atteb, huu amu ib ippunigtte amu, da ib amu dim lamidttem. Da ib amu dim lamitte, ig mamelkad aɗi dilag Kayak amu da Nug noobppa dup noin binag meinne, ɗo nai niitte, amu propet dilag yaak amu oh ele oolppa genab doottem.

Aposel 24:14 ပူးပေါင်းရင်းမြစ်များ

1 Stori 29:18

O Yawe, ig mamenkad aɗi, Abraham, Aisak, Israel ele dilag Kayak, na heppe, nahipad danab ah ag hanhan, alet ele oolag enappa, oo qak iitta eleppa keeke na mettaglagnu, na heppe, ag nahipib dabmena oo metta ii uuak kobol dim lamidkkulagnu dabmak aɗan oiglagnu oɗ medattem.

Sam 119:46

Da nahip ɗonu king amelagppa abippi, ag heppeg, da uɗal ii nema.

Eksodas 3:15

Kayak Nug anam anana amu, Nug nai tuɗitta, Moses amegppa nai imu ele aum. “Na nai amu ag amelagppa awona, na Israel danab ah amelagppa inam ele appe doyeg! ‘Yawe, Nug ag mamelkad aɗi dilag Kayak, amuam Nug Abrahamnu Kayak, Nug Aisaknu Kayak, amu Nug Jakopnu Kayak ele amu, Nug he, da ag gumatte uɗimi.’ Da onil am anam aakku, amu da onil amuam hanhan anamib daakku. Amu Israel danab ag gemu daatteb, ag buɗulkad, alalkad aɗi, dimppa ag bekkulag ele amu, ag oh am da onil am anam ag dabmakppa aɗaglagoitte,” awa aum.

Amos 8:14

Danab ah ag kayak hambuppuak Samaria daatteb onilag diin, ahilag nai ɠagattag qedatteb, o ag, ‘Dan danab, ahilag kayak genab bau daatte, genab amubia,’ o ag, ‘Berseba appa kayak laa genab bau daatte, genab amubia,’ atteb amu, danab ah amu ag nena qena, baula eɗun ii ahamna.” Yawe Nug anam awa atte.

Maika 4:2

Danab ah wanppan wan kuɗumppanu ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” Ag anam aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.

Matyu 10:32

Danab laa nug dahilnu daatte danab ah amelagppa akku dayeb amu, geha da, da ele danab amunu, ‘Nug dahilnu daatte,’ hab aabppa da Mamel amegppa akkul.

Matyu 22:40

Ɗo aɗit amu aa propet nai, amu ɗo laa oh dilag tonattak daattep,” awa aum.

Matyu 7:12

Anam amunu, ag dahilad ag danab ag kobol atten ahilagppa hekkulagnu oolag daatte, ag kobol amuib ahilagppa heig! Ɗo nai, amu propet nai ele amuib ippunigkkunu daatte.

Luk 16:16

Ɗo nai, amu Kayaknu propet nai ele, anukka danab ag amu mehuqegeg uɗie uɗie, Layattak Jonnu haen batak; amu Layattak Jonnu haenppa uɗie, gemu ele amu ag Kayaknu ɗo maɗoɗnu Nai Ena mehuqtteb. Amu danab oh ag Kayaknu ɗo maɗoɗ amu ooppa nokkulagnu wagai metteb.

Luk 16:29

Nug anam aum, amge Abraham nug aum. ‘Ag amu Mosesnu nai am Kayaknu propet dilag nai ele; ag am nai amu doyeg!’ awa aum.

Luk 24:27

Nug anam amelahppa awowa, Nug Mosesnu naippa digme ukke, Kayaknu propet oh dilag nai ele nuhignu nai aum niitte amu, Nug amu oh diig mehuqom.

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Jon 1:45

Anam a amu Pilip nug Nataniel mattia antta, amegppa aum. “Danab Moses nug anukka ɗo naippa nuhignu yom, propet ag ele nuhignu yaappig amu, ig aakku anidmut. Nug am Josep bekka Jesus, Nasaret ted,” awa aum.

Aposel 10:43

Nuhignuib propet ag inam yaappig. ‘Aun aɗi ag Jesusnu oolagppa genab dootteb ele amu, Kayak Nug, Nug onigppa, hipunin ahilag uhuqa madakku.’ ” Pita nug anam aum.

Aposel 13:15

Juda dilag nai doyak lagnu ikki danab ag ɗo nai yaak amu propet dilag yaak ele ebqewona, dimppa ag Pol, Barnabas ele dilah nai meeg ukke oɗ matan appig. “O lainti, nai laa danab ah ɠagattag aqaglahnu dayeb amu, aria mehuqpeɗ dooglag,” aon appig.

Aposel 15:5

Aa amu mattieheh, ɗo gumak danab-Parasia dilag huuppan, ag Jesusnu oolagppa genab dooppig ele ag ahan appig. “Kayak anukka gaɗa otaɗaknu ɗo meum niitte amunu, iitta aɗi danab ag Kristen daaglagnu oolag dayeb, ag ele gaɗalkad otaɗkkulagnab. Ele amu ig apput, ag Mosesnu ɗo oh ele dim lamidkkulag,” aon appig.

Aposel 19:23

Pol nug appa dayeye, haen amuppa danab laala ag Naɗinu ib amu kekeɗ mettan, ahan muttub naɗi qenana heppig.

Aposel 19:9

Nug kalam ewam anam mehuqeqe, laala ag nai amu ii aɗaglagnu ɠagattag daanna, ag oolagppa genab ii dooppig. Ag danab ah kuɗum amelagppa Naɗinu ibnu nai nau madippig. Anam heppig amunu, Pol nug ag uuatta, Kristen diia ukka, deɗ oh Tiranusnu sul lag ooppa noa, nai mehuqttom.

Aposel 22:14

Nug anam a da ena neekki, nug da amelppa aum. ‘Ig mamelkad aɗi dilag Kayak, Nug na nuhig dabmaknab awak dookkutnu, na nuhig Genab Tutukku Hak Danab anidkkutnu, nuhig nai ele na dautppa dookkutnu tituanittom.

Aposel 24:22

Peliks nug Pol nai amu mattie doya, nug am Kristen dilag ooppa genab doyak amu Kristen kobol ele tutukku doyom ele amunu, nug Juda amelagppa, “Ag daappeg, dimppa daup dilag ikki anuqak Lisias nug neeb amu, da nai imu bappaidkkul,” awa aum.

Aposel 24:5

Danab imu ig nug anidmut. Nug eheɗ kuɗum he bette. Nug wan atu ohppa Juda dilagppa nug he, Juda ag ahan nug qak bia hetteb. Aria huu ena iitta laa, ag amunu Nasaret huu aon atteb amu, danab imu nug ahilag anuqak danab laa daatte.

Aposel 25:8

Ag anam heeg amu Pol aha, ahilag nai amu nob ma, inam aum. “Da keeke aɗitai eheɗ laa ii hemi. Da Juda dilag ɗonu, Kayaknu mettid lagnu, amu Sisarnu ele eheɗ laa ii hemi,” awa aum.

Aposel 26:22

Amge Kayak Nug da ehaniɗe uɗie, gemu ele ehaniɗtte amunu, da gemu iikku hibaitten dayeye, danab okkai aɗi amu danab okkai iitta ele amelagppa nai imu madittem. Da nai laa ii madittem. Iitta. Propet aɗi, Moses ele ag aɗi bekkunu appig amu, da amu aakkuib madittem.

Aposel 26:27

Pol nug nai amu Pestus amegppa awowa, nug eɗua Agripa amegppa aum. “King Agripa, na propet nai ootppa genab doottemte?” awa aum. Pol nug anam ana, nug nai tuɗitta, nug nukka oɗmak nuhig nob ma aum. “Yo, da doottem. Na ootppa genab doottem,” awa aum.

Aposel 26:4

Pol nug nai amu ana, nug nai tuɗitta inam aum. “Da nid nakokppan uɗia gemu batak attem attem oimi amu, Juda okkai ag dootteb. Yo, da appal diig domippa amu Jerusalem appa ele, da attem attem oimi amu, ag dootteb.

Aposel 26:6

Amu Kayak Nug anukka ig mamenkad aɗi amelagppa nai laa qakka aum, amu da ana qakkak nai amunu dabmak aɗa ameg ma dayak doottem amunu, Juda ag da hettoɗiakppa meiɗna beɗulppa nai yaatteb.

Aposel 28:22

Amge ig na nakka nahip dabmak aɗa ameg ma dayak amunu attem daatte oɗenppa madippe doognignu oonig daatte. Ig doottem, aabaab ohppa danab ah ag Kristen dilag huunu nai eheɗ maditteb.” Ag anam aon Pol amegppa appig.

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Aposel 3:13

Abrahamnu, Aisaknu, Jakop elenu Kayak, Nug am ig mamenkad aɗi dilag Kayak, Nug aakku nuhig uɗat imuppa nuhig maɗi nid Jesus binag amahlak oppiaawak ele mettom. Amge ag amu, ag Nug aon, kekeɗ eppelagppa meppig. Pailat nug uhuqkkunu aum, amge iitta, ag am danab amu, Nug Jesus amu, ag Nug Pailat noobppa dimedappig.

Aposel 5:30

Amu ag Jesus ad emaitakppa atulna qeeg mauhom amu, ig mamelkad aɗi dilag Kayak Nug he, eɗua hibaittom.

Aposel 7:32

‘Da am na mamenad aɗi dilag Kayak. Da Abrahamnu, Aisaknu, Jakopnu ele Kayak,’ awa aum. Awa a, Moses nug ottaiya baɗa, Kayak anidmanu ii neekkom.

Aposel 9:2

amegppa a, nug Juda dilag nai doyak lag Damaskus daatteb, amunu ikki danab anen anen dilag pas Saul mettom. Pas amuppa nug inam yom. “Saul nug danabte, iitta ahte ag Jesusnu oolagppa genab dootteb ele appa anadkku, nug hippalatta diia, Jerusalem uɗikku,” ana yom.

Rom 1:9

Amu Kayak, da meul ohppa Nug waappa dayeye Nug oɗe dim lamittette, Nug Bekkanu Nai Ena mehuqttem amu, Nugnab da nai yaattem imuam genabib yaattem doya malom daatte amunu da iikku yaattem. Am inam.

Rom 3:21

Amge gemu Kayak Nug he, ig Nug noobppa genab tutukku hak danab ah daagnignu ib laa, ɗo nai, amu propet nai ele aa ib amunu mehuqpiɗ amu, ib amu miag atiom. Ib amuam ig ɗo dim lamidta, Kayak noobppa genab tutukku daagnignu, am ib amu iitta.

1 Korint 11:19

Aɗinu? Ag enanag ii hetteb amunu, obatak amubia genab bekku, amge amuppa Kayak Nug heeb, ag oolagppa danab aun aɗi ag tutukku daatteb ele amu, ag miag atiglag.

Galesia 5:20

kayak hambuppuak binag mak kobol, onig awak kobol, laanu nau ninig ele doyak kobol, heqoppa qak kobol, laanu dahilppa anam daalon dabmak aɗa dayak kobol, oppoɗi be ameg kokoɗ eppak kobol, akka akka ahilagnuib dabmak awak kobol, nug qak kobol, huu obatak kobol,

2 Timoti 1:3

Timoti, da nahipnu Kayak amegppa, “Ena heme,” awe attem. Da mamelad aɗi ag Kayak waappa daan Nug oɗe dim lamidppig bia, da Kayak waappa daye Nug oɗe dim lamitten, beɗulppa aab iitta doyen, da tuqan, amun ele da nahipnu ele hanhan unuqidttem.

Taitus 3:10

Laa ele, danab laa nug tamaniak ena loppaɗtte ele, na tolittak uɗat laippu hewona, laa ele heppe amu anam bataɗ! Amu nug baula tippaleb amu, na nug geɗitte!

1 Pita 1:11

Kristus Ouɗi propet, ahilagppa dayom amu, Nug Kristus uug maokkunu, amunu binag amahlak oppiaawak ele dimppa uɗikkunu elenu dabmak mattom amunu, propet ag amunu haen, amu nuhig keeke laa ele hettoɗidttappig.

Revelesen 19:10

Anam a amu da nug noobppa dup noin binag mekkulnu nug baegppa laippun gatel qaun oin gomelen, iɗul wanppa memi, amge nug da amelppa aum. “Na anam ii hemana! Da na, amu na laipad ele, ag oh Jesusnu oolagppa genab doonna, nuhignu mehuqtteb ele, da na ag ele, ig oh am Kayaknu maɗi nid. Na Kayak noobppa dup nona binag me! Aɗinu? Propet ag Kayak Ouɗi ɠagattagppa Jesusnu mehuqak heppig, amubia Jesusnu mehuqak oh am Kayak Ouɗi ɠagattagppa bette,” awa aum.