Aposel 23:9 - Nobonob Baibel

⁹ Amunu qagmeppig ele amu muttub okkai qena, amu ɗo mehuqak danab laala, ag ɗo gumak danab-Parasia huuppanu, ag ahan ɠagattag mena appig. “Ig danab amu anidttem amu, nuhigppa eheɗ hak laa daye ii anidttem. Amu ouɗi laatai, iitta engel laatai ele nai madipiɗ,” aon appig.

Aposel 23:9 ပူးပေါင်းရင်းမြစ်များ

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Jeremaia 26:16

Jeremaia nug ag amelagppa anam a amu, kingnu ehanittak anuqak danab, danab ah oh ele ag mana mettak danab, amu propet danab ele amelagppa appig. “Ig danab imu qepput mauhkkunu keeke laa ii heum. Nug Yawe, ihinig Kayak, nug Nug onigppa ig amenigppa nai mattiom,” aon appig.

Mak 2:16

Aria, ag ee lanan daaegeg, ɗo mehuqak danab amu ɗo gumak danab-Parasia ele ag anadna, Jesusnu ippunittak awak danab oɗ madappig. “Aɗinu Jesus Nug takis awak danab, danab ag ihinig ɗo oh ii dim lamidtteb ele, Nug ag ele oh daanna ee latteb?” aon appig.

Luk 23:22

Aria Pailat nug baula, amuam haen ewam, amelagppa aum. “Aɗinu? Nug ɗo tippalak aɗi heum? Nuhigppa ɗo tippalak laa, ig Nug qepput mauhkkunu da laa ii anidmi. Anam amunu, da heppi, nug bu mettak aweb, da heppi gokku,” awa aum.

Luk 23:4

Aakku Pailat nug mana mettak ikki danab amu danab ah kuɗum ag amelagppa aum. “Da danab imu nuhigppa eheɗ hak laa da ii anidmi,” awa aum.

Luk 5:30

Laegeg amu ɗo gumak danab-Parasia amu ɗo mehuqak danab laala, ag ɗo gumak danab-Parasia huuppa daappig ele amu, ag ele Jesusnu ippunittak awak danab noolagppa nai hena, amelagppa appig. “Aɗinu ag takis awak danab, danab ag ihinig ɗo oh ii dim lamidtteb ele, ag ele oh daanna ee, le ele latteb?” aon appig.

Jon 12:29

A amu, danab ah laala appa daappig amu, ag, “Hakkaɗ qeum,” aon appig. Laa anam aeg, amu laa ag appig, “Engel laa Nug amegppa nai mattiom,” aon appig.

Aposel 11:17

Amu anukka tatam ig Naɗi Jesus Kristusnu oonigppa genab doomut amu, Kayak Nug nuhig Ouɗi ig mekkom, anamib gemu ag ele Kayak Nug ag mattom. Kayak hette amunu, da nuhig ib oo ii nepa.” Pita anam awa aum.

Aposel 22:6

Pol nug nai amu ana, nug nai tuɗitta aum. “Da ukken Damaskus guguitten ukkayi, aam ameg tutukku bia, haen amuppa laippun hab aabppanu amahlak okkainab na, da taliliɗa amahaliɗom.

Aposel 22:7

Amahlele, da nein qein wanppa niieye, nai baag laa na, inam da amelppa a doomi. ‘Saul, Saul, na aɗinu da eheɗ heiɗttem?’ awa aum.

Aposel 23:29

Noin, da oɗ mattai, ag da amelppa ahilag ɗo naippanu nai laala nug beɗuppa yaana madippig, amge ag nug keeke eheɗ heum, ig amunu nug qepput mauhkkunu o maniguittakppa mekkunignu laa mattieg ii doomi.

Aposel 23:8

Ɗo gumak danab-Sadyusi ag, “Danab mauhtteb, ag eɗun ii hippaidmana, amu engel, amu ouɗi ele ii daatteb,” aon adappig. Amge ɗo gumak danab-Parasia ag amu, ag amu ohnu oolagppa genab dooppig.

Aposel 25:25

Amge da nug mauhkkunu keeke laa ii anidmi. Amge nug nukka Sisar nug nuhig nai dookkunu a amu, da nug Sisar toppa meppi gokkunu ai, nug amu ameg ma daatte.

Aposel 26:31

dimittim gona, akka akka inam madippig. “Danab umu nug keeke laa, nug maniguittakppa daakkunu o qepput mauhkkunu laa ii hette.”

Aposel 27:23

Pol nug anam awowa amu nug tuɗitta aum. “Gemu tuqan imuppa, Kayak, da nuhig dayeye, da Nug noobppa dup noin binag mettem ele amu, nuhig engel nug da gukkuiɗa hibaitta dayaya,

Aposel 5:39

Amge genab Kayak Nug keeke amu he bette amu, ag Nug ippu oo nekkulagnu am elele iitta. Ag anam hena amu, ag aakku Kayak ele ban hekkulag,” awa aum.

Aposel 9:4

Anam amu, Saul nug wanppa na qa, wanppa niieye, nai baag laa na, inam nug amegppa a doyom. “Saul, Saul, na aɗinu da eheɗ heiɗttem?” awa aum.

1 Korint 10:22

Ig anam hepput, Naɗi Kristus Nug ihinignu, dahilppa anam daalon dabmak aɗa daakkunu dabmettemte? Ig nuhig ɠagattag eɗidkkunignu elelete?

1 Samuel 12:5

Ag anam aeg, Samuel nug aum. “Yawe, king Nug goɗen gokkaɗakppa tituanom ele amu, aa gemu ahilag nai dahilnu, da ahilagppa eheɗ laa ii hemi, aa gemu nai amu aakku dooya malapiɗ,” awa aum. Nug anam a, danab ah ag appig. “Genab, Yawe Nug aakku doya malom. ⌊Ig nai ihinig baolignignu elele iitta,⌋” aon appig.

1 Samuel 24:17

Nug gayaya aum. “Na amu, na am genab tutukku hak danab, da eɗilak. Aɗinu? Da nahipnu eheɗ hemi, amge na am dahilnu ena heme.