Aposel 23:7 - Nobonob Baibel

⁷ Pol nug nai amu a amu, ɗo gumak danab-Parasia amu ɗo gumak danab-Sadyusi ele gamagppa oo aeg bak be, aeg ona aeg do, aakku qagmak amu loppaɗeg, huu aɗit daapiɗ.

Aposel 23:7 ပူးပေါင်းရင်းမြစ်များ

Sam 55:9

Naɗi, da kobol laa, laa guittak nau mauhnoak mettak, amu nug mehqak ele, da amu aab okkaippa daye anidttem. Anam amunu, na nau hak danab amu hadappe nauhkkulagnu oɗ medattem. Ao, na heppe, nau hak danab amu ag ahilag nai laippu ii daamanu unuqidttem.

Matyu 10:34

Da uɗimi amunu, wanppa maɗoɗib daakkunu aib dabmeppig. Da uɗimi amunu, maɗoɗib ii daama. Iitta. Qep aeg ele keeke oppate, laih laih daattep, amubia da uɗimi amunu, danab bekka nug mameg ele dabmak laippu iitta, bekka nug mameg ele aa oolah laippu iitta daaglah. Anig nug aɗeg ele aa dabmak laippu iitta, aɗeg nug anig ele aa oolah laippu iitta daaglah. Ahipa bau nug ahipa kaino ele dabmak laippu iitta, ahipa bau, ahipa kaino ele aa oolah laippu iitta daaglah.

Aposel 14:4

Ippuanattom amge danab ah aab okkai amuppan ag oppatna, ameg aɗit daan, ameg laa ag Juda dilag nai amu doon, ag ele oolag laippu daappig amge laa ag Pol, Barnabas ele nai mehuqpiɗ amunu oolagppa genab doon, ag aa ele oolag laippu daappig.

Aposel 23:6

Aria, Pol nug anam a daaegeg, nug doyom, hettoɗiak okkai danab laala ag am ɗo gumak danab-Sadyusi, amu laala ag ɗo gumak danab-Parasia amunu, nug hettoɗiak okkaippa ewa aum. “O lailad, da am ɗo gumak danab-Parasia laa. Da mamel ele am ɗo gumak danab-Parasia. Danab mauhppig, dimppa ag eɗun hippaidkkulagnu amu, da dabmak amu aɗe ameg mein daattem amunu, diig amunu, gemu da iikku hettoɗiakppa daattem,” awa aum.

Aposel 23:8

Ɗo gumak danab-Sadyusi ag, “Danab mauhtteb, ag eɗun ii hippaidmana, amu engel, amu ouɗi ele ii daatteb,” aon adappig. Amge ɗo gumak danab-Parasia ag amu, ag amu ohnu oolagppa genab dooppig.