Aposel 22:3 - Nobonob Baibel

³ Ag anam daaegeg, Pol nug nai tuɗitta aum. “Da am Juda danab. Da anil amu nug da aab okkai Tarsus, Silisia prowinsppa daatte, nug appa da menuiɗom, amge da aab okkai imuppa ena mein, Gamalielnu sulppa sul hei, nug ig alankad dilag ɗo amu oh nug da tutukku ippuniɗom. Ippuniɗe amu, da Kayak dim lamidkkulnu wagainab memi, gemu ag ɗo amu dim lamidna, wagai mena hetteb amubia.

Aposel 22:3 ပူးပေါင်းရင်းမြစ်များ

2 Samuel 21:2

Gibeon danab ag am Israel danab iitta. Ag Amo danab, Israel ag ii aqadmananu nai ɠagattag qena appig, amu Saul nug Israel, Juda ele dilagnu, agib daaglagnu yag-nab-bak doya, nug Gibeon danab ah aqom. Aqom, amge ohnab ii aqom. Amu daye, Yawe Nug Dawit amegppa amunu a, King Dawit Gibeon danab laa ag uɗippeg, nai mattiglagnu onilagppa eum.

2 King 4:38

Amu deɗ laa enug haen Israel wanppa uɗie, Israel danab ah oh ag eenu tutu daappig. Haen amuppa Elisa nug eɗua ukka, Gilgal aabppa, appa dayeye, amu deɗ laa propet huu ameg laa ag nug gumidna uɗin, ag nuhigppa sul nai aonna daaegeg, nug nuhig maɗi nid amegppa aum. “Na waa okkai aon mena, danab imu lewa lakkulagnu keh gehie,” awa aum.

Luk 10:39

Marta nug makkeg amu onig Maria. Jesus Nug lakka te, Maria nug Naɗi gumitta doa, baegppa heɗep na dayaya, Jesus nai mattiom ele amu, nug doyom.

Luk 2:46

Goya, aa Nug mattieheh, deɗ aɗit ukke, dimppa deɗ ewamppa aa Nug Kayaknu mettid lag ooppa dayeye anidpiɗ. Nug Juda dilag ippunittak danab oolagppa dayeye, ag nai mattiegeg doya, Nug eɗua oɗ madette daappig.

Luk 8:35

Mattieg doona amu, danab ah ag keeke amu anidkkulagnu Jesus gumidna gona, ag danab ouɗi nau uuidppig amu anidppig. Nug lamen takka, dabmak ena ele Jesus baegppa heɗep na dayeye anidppig. Danab ah ag anam anidna, ag baɗappig.

Aposel 11:25

Aria, Barnabas nug Saul anidkkunu Tarsus ukka

Aposel 15:23

ag uɗug yaak ele aoya gokkulahnu eppelahppa meppig. Uɗugppa yaappig am inam. “O iitta aɗi lainkad Antiok, Siria amu Silisia ele daatteb, ig Kristen tamaniaknu totol danab, ikki danab ele, ig ag lailkad daattem amu, ig pas imu ag ebqena dooglagnu iikku yaattem. O lainkad ig ag humadttem.

Aposel 15:41

Anam aeg amu, aa goya, Siria, Silisia ele tikkui goya, Kristen tamaniak ɠagattag aqapiɗ.

Aposel 21:20

Pol nug kaya amu mattie doona, ag Kayak binag mewona, ag Pol amegppa appig. “O lainig, na doottem, Juda tausen kuɗumnab ag Jesusnu oolagppa genab doon, Kristen beppig, amge Kristen amu oh ag ɗo ihinig ele dim lamidkkulagnu wagai huana metteb.

Aposel 21:39

Oɗ mette am Pol nug aum. “Da amu Juda danab; da aab okkai onig Tarsus, Silisia wanppa daatte, amuppan danab. Aab okkai dahil amu onig okkai ele. Amu na appe, da danab ah amelagppa nai madikkulnu ool daatte,” awa aum.

Aposel 23:34

Pol nug dayeye, Peliks nug ad uɗug amu ebqewowa, nug Pol oɗ mettom. “Na apan diig am prowins attenppa daatte?” oɗ mettom. Oɗ mette amu Pol nug aum. “Da am Silisia danab,” awa aum.

Aposel 23:6

Aria, Pol nug anam a daaegeg, nug doyom, hettoɗiak okkai danab laala ag am ɗo gumak danab-Sadyusi, amu laala ag ɗo gumak danab-Parasia amunu, nug hettoɗiak okkaippa ewa aum. “O lailad, da am ɗo gumak danab-Parasia laa. Da mamel ele am ɗo gumak danab-Parasia. Danab mauhppig, dimppa ag eɗun hippaidkkulagnu amu, da dabmak amu aɗe ameg mein daattem amunu, diig amunu, gemu da iikku hettoɗiakppa daattem,” awa aum.

Aposel 26:5

Ag haen elabnab da aakku dooiɗtteb amunu, ag oolag dayeb, ag da ihinig mettid haknu huu laa, huu amuam gun kuɗumnab, laa oh eɗattak, amuam ɗo gumak danab-Parasia, da huu amunu laa daami akkulagnu elele daatteb.

Aposel 26:9

Aria, Nasaret ted Jesusnu amu, da anukka da heppi, Nug onig honapnab nekkununab dabmak ɠagattag aomi.

Aposel 5:34

Ag anam hekkulagnu appig, amge Juda dilag hettoɗiak okkai onig Sanhidren, amunu danab laa aha hibaittom. Nug am ɗo gumak danab-Parasia onig Gamaliel, amu nug ele am ɗo mehuqak danab. Danab ah oh ag nug binag humappig. Nug aha, ag laa amelagppa ag totol danab 12 appeg, dimittim haen tutunu gokkulagnu haknunab aum.

Aposel 6:9

amge danab laala ag Stiven ele oolag laippu iitta, ag heeg, ag nug ele nai aeg ona aeg doum. Danab amu ag Juda dilag nai doyak lakka, ag lag amunu, Danab Begbeg Maɗi Nid Iitta atteb ele amu, ag lag amuppa godappig. Danab amu ag am Sairini, Aleksandria, Silisia, Asia elenu uɗiak.

Aposel 9:1

Amu haen gamag amuppa ele Saul nug danab ah Jesusnu oolagppa genab dooppig ele, nug ag aqeb mauhkkulagnu, nug ɠagattag anana, wagai ma haaha, nug mana mettak ikki danab gumitta ukka

Aposel 9:11

A amu Naɗi Nug amegppa aum. “Na ahan, ib onig Tutukku, amuppa gona, Judas laugppa tena, na Tarsus danab laa anidkkut, nug onig Saul. Nug unuqidtte. Amu da hei, nug tuleglegppa, nug eɗua neegkkunu elele daakkunu amu nug danab onig Ananias nug ukka, nug eppeg qaɗeppa me anttom,” awa aum.

Aposel 9:30

Anam heegeg, Kristen tamaniakppanu nug laikkud ag amu doona, ag Saul omalna Sisaria nona meeg, Tarsus ukkom.

Rom 11:1

Amunu da oɗ mettem. Kayak Nug danab nuhikkud geɗattomte? Iittanab iitta! Da ele am Israel ted. Da amu Abraham buɗub, Israel dilag huu okkai Benyamin, amuppanu danab laa.

2 Korint 11:22

Totol danab hambuppuak amu ag am Hibru danabte? Aria, da ele am Hibru danab. Ag Israel danabte? Aria, da ele am Israel danab. Ag am Abraham buɗubte? Aria, da ele am Abraham buɗub.

Galesia 1:14

Da lailad oolagppa, danab bau kuɗum da ele huu laippu amu da ag eɗatte, da Juda dilag kobolnab dim lamidmi. Da alalad aɗi dilag kobol amu, da amu oh ɠagattagnab dim lamidkkulnu hemi.

Galesia 1:21

Amu dimppa amu da Siria prowins, am Silisia prowins, amu dilagppa ele gomi,

Duteronomi 33:3

Amu genabnab, Yawe Nug nuhikkud danab ah dilagnu oo mauhak dootte. Yo, nuhikkud tituanak daatteb oh ag Nug eppegppa aakku daatteb. Ag nuhig hak amu dim lamidnan, nuhig ib ippunittak nai ele dim lamidtteb.