Aposel 22:14 - Nobonob Baibel

¹⁴ Nug anam a da ena neekki, nug da amelppa aum. ‘Ig mamelkad aɗi dilag Kayak, Nug na nuhig dabmaknab awak dookkutnu, na nuhig Genab Tutukku Hak Danab anidkkutnu, nuhig nai ele na dautppa dookkutnu tituanittom.

Aposel 22:14 ပူးပေါင်းရင်းမြစ်များ

2 King 21:22

Nug Yawe, nug mamekkud aɗi dilag Kayak amu, nug Nug uuitta, nug Yawenu ibuppa ii oiyom.

1 Stori 12:17

Dawit nug ban haknu aben ɠagattagppa dayeye, ag uɗieg, Dawit aha dimittim ukka, ag uɗalag ta, ag amelagppa aum. “Ag da ehaniɗkkulagnu maɗoɗ ele uɗippig dayeb amu, ag uɗippeg, da ele daagnignu ool daatte, amge da eheɗ laa ii hemi, ag amu dab-ii-menana, ag hambuppuiɗna aɗailna dahil kekeɗ eppelagppa meiɗkkulagnu uɗippig dayeb amu, Kayak, ig mamenkad aɗi dilag Kayak, Nug amu antta, ag epeɗiatta, bu madakkunu ool daatte,” awa aum.

1 Stori 29:18

O Yawe, ig mamenkad aɗi, Abraham, Aisak, Israel ele dilag Kayak, na heppe, nahipad danab ah ag hanhan, alet ele oolag enappa, oo qak iitta eleppa keeke na mettaglagnu, na heppe, ag nahipib dabmena oo metta ii uuak kobol dim lamidkkulagnu dabmak aɗan oiglagnu oɗ medattem.

2 Stori 28:25

Nug amu ha, nug ele Judanu aab ohppa nug kayak hambuppuak dilag mettid lag nakok laa, danab ag appa doɗ manadna, kayak hambuppuak mattaglagnu babaittom. Ahas nug kobol eheɗ amu he, Yawe, Ahas mamekkud aɗi dilag Kayak, Nug oppoɗi beum.

Esra 7:27

Yawe, ig mamenkad aɗi dilag Kayak, Nug he, king nug Yawe laug Jerusalem appa daatte, nug lag amu binag mekkunu anam dabmeum amunu, ig Kayak binag metu.

Eksodas 15:2

Yawe Nug nukka da ɠagattag iukkunu dootte; Nugib da ehaniɗtte amunu, da gamag ahak doye, ahi edattem. Nugib da ehaniɗe, da padal ii mettem. Nug am dahil Kayak, da Nug onig humakkul. Nug am da mamelnu Kayak, da Nug binag okkai humakkul.

Jeremaia 1:5

“Jeremaia, da na anin ooppa heidmi, amge haen da na ii heidmi, haen amuppa da na tituanidmi. Ao, na anin nug na ii menuittom, haen amuppa da na uɗat laa hekkutnu otidmi. Da na otidmi, na propet daanna, dahil nai wan atu ohppa mehuqkkutnu na oninppa emi,” awa aum.

Daniel 2:23

O Kayak, na da mamelad aɗi dilag Kayak, da na amenppa, ‘Ena heme,’ ainne, da na binan humattem. Na da doyak dabmak ena ele meɗan, na ɠagattag ele meɗame. Ig na keeke laanu oɗ mettaut, na da ippuniɗme. Na hee, ig kingnu tul niiak attem dayom amu, ig aakku amu doomut,” awa aum.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Aposel 13:17

Ig Israel buɗub daattem amu, ihinig Kayak, Nug ig mamenkad aɗi tituanatta he, ag appateg, dimppa Nug nuhig ɠagattagppa Isipnu eɗua diia uɗiom.

Aposel 22:15

Na laa heehe anttomnu mattiak danab nuhig daanna, Nug a doome, amu na keeke oh anidna doome ele na geha nai amu danab amelagppa mehuqppe dooglag.

Aposel 22:18

Tuleglegppa da Naɗi anitti, Nug da amelppa aum. ‘Na paha ahan, Jerusalem uun ukke! Aɗinu? Na dahilnu nai ippa mehuqkkut amu, ag nai amu ii aomna,’ awa aum.

Aposel 24:14

Amge da nai laippu imu ag amunu genab appig amu da appi dookkut. Da huu laa, Juda ag huu amunu, ‘Ena iitta,’ aon atteb, huu amu ib ippunigtte amu, da ib amu dim lamidttem. Da ib amu dim lamitte, ig mamelkad aɗi dilag Kayak amu da Nug noobppa dup noin binag meinne, ɗo nai niitte, amu propet dilag yaak amu oh ele oolppa genab doottem.

Aposel 26:16

Amge na ahan, hippaidna daye! Da na dahil maɗi nid daakkutnu, na dahilnu aɗi anidme, amu dimppa da na aɗi ippunidkkul, na amunu aɗi heehe anttomnu mattiak danab daanna, laala amelagppa madikkutnu aakku tituanidttem amunu da gumitten uɗimi.

Aposel 5:30

Amu ag Jesus ad emaitakppa atulna qeeg mauhom amu, ig mamelkad aɗi dilag Kayak Nug he, eɗua hibaittom.

Aposel 7:52

Amu propet aun laa dayom, ag mamelkad aɗi ag nug eheɗ iite hedappig? Laa iitta. Anukka propet ag Genab Tutukku Hak Danab uɗikkunu nai amu mehuqegeg, ag mamelkad aɗi ag ag aqatteg mauhppig. Aria, Genab Tutukku Hak Danab Nug uɗie, ag gemu daatteb amu, ag Nug aon, kekeɗ eppelagppa mena heeg, Nug mauhom.

Aposel 9:15

Nug anam aum, amge Naɗi Nug amegppa aum. “Na ukke! Aɗinu? Nug da onil awa ukka, iitta aɗi, amu king aɗi, am Israel ele amelagppa ab dooglagnu da danab amu tituanmi; nug am dahil maɗi nid.

Aposel 9:17

Amunu Ananias nug ukka, Saul dayom ele, lag amu ooppa noa, eppeg qaɗeppa ma, nug amegppa aum. “Lai Saul, Naɗi Jesus Nug na ibppa gumitta neum ele amu, Nug na eɗun bau neegkkutnu, Kayak Ouɗi na ootppa ambekku Nug aakku he, da na gumitten uɗimi,” awa aum.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

1 Korint 11:23

Da nai imu Naɗi Jesus Nug oɗeppan nai awen, da ag amelagppa tatam ami amu da gemu eɗuen baula attem. Nai amuam inam. Judas Nug tuqan Naɗi Jesus awa kekeɗ eppelagppa meum, tuqan amuppa Naɗi Jesus Nug bret awa,

1 Korint 15:3

Da ippunittak aomi amu da nai amu ag amelagppa mehuqi dooppig. Nai amu inam. Kayak naippa nai daatte amubia Kristus Nug ig oh ihinig hipunin uhuqa megakkunu mauhom.

1 Korint 15:8

Aria, da am nid yuɗ anig dimnab menuom bia daaiyi, Kristus da gumiɗa uɗie anidmi.

1 Korint 9:1

Da heppi danab laa eheɗppa gomanu dabmettem amunu, ag da ɗo waappa dayeye hettem bia doottebte? Anam iitta, da ɗonu maɗi nid ii daattem. Da am totol danab. Da am ihinig Naɗi Jesus Kristus anidmi. Da Naɗinu uɗat laa hei, ag da uɗat hemippa ag iite Kristen beppig daatteb.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Galesia 1:12

Da danab laa nuhigppanu ii aomi. Laa ele amu, danab laa nug da amu ii ippuniɗom. Iitta. Jesus Kristus Nug nukka da ippuniɗom.

Galesia 1:15

Amge Kayak, Nug anai da ii menuiɗom haenppa da tituaniɗa, nuhig ehanittak okkai hamu megatte, amuppa Nug da onilppa eum amu, haen amuppa Nug nukka dahilnu dabma,

2 Timoti 1:1

Da Pol, da nai imu yaattem. Kayak Nug Kristus Jesusnu uɗatppa ig bauklel megakkunu nai qakka aum amunu, Nug dabmaknab awa tituaniɗa, da Kristus Jesusnu totol danab daattem,

Taitus 1:1

Da Pol, da Kayaknu maɗi nid, amu Jesus Kristusnu totol danab ele daattem. Kayak Nug da laa Nug ag tituanattom ele, da ahilag ooppa genab doyak ehanidkkulnu, da ele doyak diig genabib, doyak amuam ag Kayaknu neekkakppa genab tutukku hak danab daaglagnu ippunadtte amu, da ag doyak amu ele ippunadkkulnu meiɗe uɗimi.

1 Pita 2:22

Nug hipunin laa ii heum, oɗeppa nai hambuppuak ele ii dayom.

1 Jon 2:1

O nid naunau dahilad, ag hipunin ii hemananu da nai imu ye madattem. Amge laa nug hipunin hekku amu, ihinig ehanittak, Nug am gamag danab, Nug Mame toppa daatte. Nug Jesus Kristus; Nug am genab tutukku hak danab.