Aposel 21:13 - Nobonob Baibel

¹³ Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.

Aposel 21:13 ပူးပေါင်းရင်းမြစ်များ

1 Stori 11:18

Dawit nug anam aum, amu daup nuhig ewam amu ag doon, ag gona, wagainab mena, Pilistia eɗadna, Betlehemnu le moɗppanu le aon, ag eɗun Dawit gumidna goppig. Ag nug gumidna gona, le mettaeg, Dawit nug antta, nug lakkunu elele ii doya, nug, “O Yawe, danab ewam imu ag mauhkkulagnu henana, ag le imu aon uɗippig amunu, le imuam ag tiilag bia. Da lakkulnu elele iittanab iitta,” awa aum. Nug anam ana, nug lanak uua, nug danab wain mana mettak qaɗeppa gokkaɗa, Kayak medatte, nug amubia wanppa gokkaɗom. Ban danab ɠagattagnab ewam amu, ag anam anam heppig.

Aisaia 3:15

Aun nug ag amelagppa a, ag dahilad danab ah eheɗ hattegeg, ag nauhna autna aotteb? Aun aum amunu ag daɗek danab tappalattegeg, ag iɗulag wanppa oɗoɗe nauhtteb?” Naɗi, Nug Yawe Nukka Ɠagattag Oh Ele, Nug anam awa atte.

Jeremaia 40:1

Nebusaradan, nug daup Nebukatnesar gumappig dilag okkai amu, nug Rama dayaya, nug Jeremaia Jerusalem appa Jerusalem danab ah, amu Juda danab ah laa ele nug ag Babilon diia ukka maatteb, ag appa diia ukka laih me dayak danab ah daaglagnu daappig oolagppa maniguittakppa, senppa qakkak dayomnu uhuqak daakkunu a, dimppa Yawe Nug Jeremaia nai laa mette doyom.

Esekiel 18:2

“Israel danab laa ag oiyak ehanittaknu nai tutu imu mattiegeg doottem. ‘Nid mamelkad ag grep meu ninig ele laegeg, ahilkad nid aelkad nette,’ aon atteb, amge ag amu aib appig.”

Jona 1:6

Nug anam niieye, uubnu danab okkai nug noa, Jona amegppa aum. “Aɗinu na niittem? Ig mauhmatanu, na nahip Kayak onigppa eppe, Nug ihinignu oo doyeb ehanigkkutai,” awa aum.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

Aposel 20:37

Unuqitte amu, ikki danab ag oh huana gaanna, ag Pol oɗokkidna ootuqidppig.

Aposel 5:41

Ag anam heeg, totol danab 12 ag Juda dilag hettoɗiak okkai onig Sanhidren, amuppanu dimittim gona, ag maɗoɗppan gamag ahak doona, inam dabmeppig. “Kayak nug ig Jesus onignu uɗa nak, guittak ele aognignu elele anikkom amu, amuam ena.” Ag anam dabmeppig.

Aposel 9:16

Geha nug da onil ag ippuanattatta, amuppa nug uug nau digdig maokkunu daatte amu da nug ippunidkkul,” awa aum.

1 Korint 15:31

O lailad, deɗ deɗ ohppa da mauhak ib oɗeppa oittem. Nai laa imu, ig oh ihinig Naɗi Jesus Kristusnu daattem amunu, da ahilagnu maɗoɗppan gamag ahak doottem, nai amuam genab, amubia da deɗ deɗ ohppa mauhak ib oɗeppa oittem am ele genab.

Pilipai 2:17

Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.

Pilipai 2:26

Aɗinu? Nug ag anadkkunu oo okkainab daatte. Ele amu, ag nug am oɗe elenu dooppig amunu nug amunu oo uug ele daatte.

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

2 Timoti 1:4

Da ⌊na uuittitti⌋ na amen leb neum amu amelppa doodo, da maɗoɗppan gamag ahak ambak ele dookkulnu na gumitten gokkulnunab dabmettem.

2 Timoti 4:6

Dahilnu amu, da mauhkkulnu haen miag do, da gokkulnu aakku haen malom; danab ag wain gokkaɗaknu ofa Kayak medatteb, da amubia daattem.

2 Pita 1:14

Aɗinu? Da ihinig Naɗi Jesus Kristus, Nug da ippuniɗom bia, haen elab iitta amu da beɗul imu uuidkkulnu doottem.

Revelesen 12:11

Ig lainkad ag Sipsip Nag tiigppa, amu doyak diig genabib mehuqttebppa ele ɠagattag aon, ban eɗidna, kekeɗ amu eɗidppig. Ag wanppa enaib, bau daaglagnu amu ii dabmeppig. Iitta. Ag beɗulag maoeg ukke, bau daaglagnu anuqak ii doon, Jesus onignu mauhmananu dabmak ii aon oippig.

Revelesen 3:10

Na dahil haknunab nai dim lamidna, uug oh oo bodoettak ele maon oime amunu, da danab ah wan atu oh dilagppa uug naɗi, ma anttak madakkunu bekku amu, da na atognoidkkul; uug amu nahip-ppa ii bema.

1 Samuel 1:8

Hana nug anam heehe, nug gamu Elkana nug amegppa inam madittom. “Hana, diig aɗinu na gaattem? Diig aɗinu na ee ii lattem? Diig aɗinu na oot uug ele daattem? Na nid danab 10 menuadppe ehanidlob amu, da ehanittak amu eɗittak iite eɗidttem?” awa aum.

1 Samuel 15:14

Saul nug anam a, Samuel nug aum. “Anam daatte dayeb amu, aɗinu da sipsipnu gayak doottem? Aɗinu da makau gaaegeg doottem?” awa aum.