Aposel 20:3 - Nobonob Baibel

³ Grik wanppa ta, appa nug kalam ewam dayowa, amu dimppa nug aha, uub awa Siria gokkunu haaha, Juda ag nug qeppeg mauhkkunu nai qagappig doyom amunu, nug eɗua Makedonia gokkunu dabmeum.

Aposel 20:3 ပူးပေါင်းရင်းမြစ်များ

Esra 8:31

Ig ahamut amu, ig maɗ amuppa kalam digmak, kalam amunu deɗ 12ppa ahamut. Ig le ippu buueg, Ahawa gotte daugppanu ahat, Jerusalem gokkunignu ahamut. Ig ahat ukkautut, ihinig Kayak Nug atognoikkekke, kekeɗ, danab nau ele eheɗ heigkkulagnu oippig amu, ag keeke laa ihinigppa ii heppig

Prowerb 1:11

Ag inam akkulagtai. “Na doppe, ig ele, ig laa meidta daatta, qepput mauhaɗ! Ao, ig danab nug beɗuppa aab iitta, ig nug hamu qepput mauhaɗ!” akkulag.

Jeremaia 5:26

Amu Yawe Nug inam awa atte. “Dahilad danab ah oolagppa nau hak danab daatteb. Ag ib giginppa keeke danab ah maadna daatteb. Danab amu ag danab ah aɗuadkkulagnu ag danab laa nug ai aokkunu uhui mette, ag amubia hetteb. Ao, ag danab ah aɗualadkkulagnu, danab doɗ aoglagnu pelem metteb bia hetteb.

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Aposel 16:12

Neapolis appanu amu, ig ahat ⌊baenigppa⌋ gota, Pilipai temut. Aab okkai amunu amu, Romnu gabman nukka tutukku dabmettom; Makedonia wanppa anuqak dayom. Ig deɗ laala aab okkai amuppa daamut.

Aposel 16:9

Aria, Troas appa tena, tuqanppa Pol nug tuleglegppa Makedonia danab laa hibaitta dayaya, Pol onigppa ewa, “Na ahan, yu mataɗna uɗin, ig ehanikke!” ii daye daye ana onigppa eewo anttom.

Aposel 18:18

Juda danab ag Pol aɗan anam heppig, amge Pol nug paha aab laappa ii ukkom. Iitta. Nug deɗ nakok kuɗum appa dayowa, dimppa nug Kristen tamaniak appanu uuatta, nug Siria gokkunu ukkom. Nug Prisila Akwila ele oh goppig. Amu Pol nug matu Kayak amegppa keeke laa genabnab hekkunu nai ana qakkom amunu, nug Juda dilag kobol dim lamitta, Senkria appa nug he, danab laa nug nug ikki uɗug hoiye ukkom.

Aposel 19:21

Keeke amu oh ba ukka malom, dimppa Kayak Ouɗi Nug Pol dabmak mette, Pol nug aha, Makedonia Akaia ele ukkowa, dimppa nug Jerusalem gokkunu dabmeum. Dabma amu nug aum. “Da Jerusalem appa ukkoya, dimppa amu da ukken aab okkai onig Rom ele gokkuloitte,” awa aum.

Aposel 20:1

Oqottilag ahom amu iitta me, Pol nug Kristen onilagppa e gumidna uɗieg, nug nai laala ɠagattag aqakkunu amelagppa awowa, uuatta gokkunu dayaya, “Ena dayeg!” awowa, nug aha Makedonia ukkom.

Aposel 20:19

Ag dootteb, haen kuɗum Juda ag da tappiɗppeg nokkulnu heppig, amuppa amu da uug kuɗum aomi, amge da onil qei, honap noono, da Naɗinu uɗat hemi. Da haen kuɗum amel leb neum.

Aposel 20:2

Nug ukka, Makedonia tikkua ugakka, Kristen laih appanu amelagppa nug nai kuɗum ag ɠagattag aqeb daaglagnu mattiom. Dimppa amu nug ukka, Grik wanppa teum.

Aposel 21:3

Aria, gotata ig nud Saiprus anidta, nanehppa eɗidta gota, Siria nota amu Tair eeɗmut. Uubppan keeke appa hipaglagnu dayom.

Aposel 25:3

Ag yona, ag inam ele appig. “Na ig ehanigna, danab amu aon meppe, ippa Jerusalem uɗikkunu oɗ medattem,” ii daye daye oɗ medappig. Ag anam appig, amge diigppanab ag ib aɗan lokkumna daanna, Pol qeppeg mauhkku dabmeppig.

2 Korint 1:15

Da ag ahilag dabmak dahilnu am enaib oolppa genab doye, ag ehanittak aɗit aoglagnu amu da ahilagppa haen aɗit gokkulnu maittak aomi.

2 Korint 11:26

Da haen kuɗum ib uma amu gomi. Da leppa padal mekkulnu hemi. Danab nau ibppa daanna, danab ukkaegeg, makkuɗadna keeke ahilag aɗuadtteb ele amu, ag eppelagppa heeg nauhkkulnu hemi. Da lailad ag eheɗ heiɗkkulagnu heegeg, iitta aɗi danab ele, ag da eheɗ heiɗkkulagnu heppig. Aab okkaippa ag da eheɗ heiɗkkulagnu heppig, atu taɗakppa danab iittappa, ag eheɗ heiɗkkulagnu heppig. Yuppa da padal mak abenppa daami amu, Kristen tamaniak ooppanu hambuppuak danab, ag ele da eheɗ heiɗkkulagnu heppig.

2 Korint 7:5

Aɗinu? Ig uɗit Makedonia beta, ig beɗunigppa maɗoɗ laa ii dayom. Iitta. Ig daatta, adeppa adeppa neegmut amu, danab eheɗ heikkulagnu daappig anadmut. Ig beɗunig dimittim am nug qak dayeye, oonigppa baɗak digdig dayom.

Galesia 1:21

Amu dimppa amu da Siria prowins, am Silisia prowins, amu dilagppa ele gomi,