Aposel 20:21 - Nobonob Baibel

²¹ Da anam heinne amu, da Juda danab amu Grik danab ele ag oolag eɗueb Kayak dim lamidna, Naɗi Jesusnu ooppa genab dooglagoitte, da nai amu mehuqmi.

Aposel 20:21 ပူးပေါင်းရင်းမြစ်များ

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Matyu 4:17

Haen amuppa Jesus Nug Galili appa digma nai mehuqom. Nug nai inam mehuqaqa aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Mak 1:15

Nug nai inam mehuqa aum. “Haen aakku beum dayeye, Kayaknu ɗo maɗoɗ aakku miag doum daatte amunu, ag ahilag hak nau uuna, oolag eɗueb, Nai Enanu oolagppa genab doyeg!” awa aum.

Mak 6:12

Nug anam aum amunu ag ahan gona, nai mehuqnana, danab ah oh ag hipuninnu oolag eɗukkunu appig.

Luk 13:3

Da tutukku ag amelagppa attem, amu iitta. Amunu ag dabmeig! Ag oolag ii eɗueb amu, ag ele laa mauhppig bia mauhkkulag.

Luk 13:5

Da tutukku ag amelagppa attem, amu iitta. Amunu ag dabmeig! Ag oolag ii eɗueb amu, ag ele laa mauhppig bia mauhkkulag,” awa aum.

Luk 15:10

Amunu da ag amelagppa attem. Amubia am hipunin danab laippu laa nug oo eɗutte dayeb amu, Kayaknu engel ag maɗoɗppan gamag ahak dootte,” awa aum.

Luk 15:7

Amunu da ag amelagppa attem, amubia hab aabppa ag genab tutukku hak danab 99, oo eɗuak maɗi ahilag am heppig, ag amu dilagnu maɗoɗppan gamag ahak dootteb, amge hipunin danab laippu laa nug oo eɗueb, haen amuppa am maɗoɗppan gamag ahak naɗinab hab aabppa daakku.

Luk 16:28

Aɗinu? Da amalad tanig ele, amu ag ele aben guittak naɗi imuppa uɗimnanu, Lasarus nug nau aomnanu dabmettak nai ab ag dooglagnu ool daatte,’ awa aum.

Luk 24:47

Amge laa ele ippunigtte. Amuam Kristus Nug hibaitteb, ⌊nuhikkud danab⌋ ag Kristus onigppa wan atu ohppanu danab ah amelagppa ag Kayak Nug danab ah dilag hipunin uhuqa madakkunu, ag oolag eɗuglagnu mehuqkkulagoitte. Ag uɗat amu Jerusalem digmekkulag. Kayak nai anam ippunigtte.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Jon 3:36

Am laa nug Kayak Bekkanu ooppa genab dootte ele amu, nug bauklel hanhannu awom daatte. Laa nug Bekka geɗitte amu, nug bauklel hanhannu ii awom. Iitta. Kayaknu oppoɗi bak nuhigppa daatte,” awa aum.

Aposel 10:43

Nuhignuib propet ag inam yaappig. ‘Aun aɗi ag Jesusnu oolagppa genab dootteb ele amu, Kayak Nug, Nug onigppa, hipunin ahilag uhuqa madakku.’ ” Pita nug anam aum.

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Aposel 16:31

Anam a amu aa apiɗ. “Na Naɗi Jesusnu ootppa genab dookkutoitte. Haen na anam hekkut amu, Kayak Nug na eɗua awidkku; na amu na baenadppa ele oh eɗua diiadkku,” aoya apiɗ.

Aposel 17:30

Anukka danab ag elele ii doonna, ag keeke eppelagppa hena, binag meppig amunu, ahilagnu Kayak Nug dabmak okkai ii awom. Amge gemu amu, keeke amunu Kayak Nug danab oh wan ohppa daatteb amelagppa haknunab nai inam atte. ‘Ag oolag eɗueg!’ awa atte.

Aposel 19:17

Anam beum, dimppa Juda danab amu Grik danab ele Epesus daappig amu, ag oh nai amu doon, ag oh baɗan, ag Naɗi Jesus binag okkai meppig.

Aposel 2:38

Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

Aposel 2:40

Am Pita nug nau aomnanu dabmettak nai kuɗum laa ele nai mattiaya unuqattatta amelagppa inam aum. “Ag lailkad ag kobol nau hetteb, amubia ag aib heppig. Iitta! Ag oolag eɗueb, Kayaknu ehanittak aweg!” awa aum.

Aposel 20:23

Amge imuib amu da doottem, da aabaab ohppa oittem amu, Kayak Ouɗi Nug nau aomanu dabmettak nai, da amelppa inam maditte. ‘Geha ag na maniguittakppa meidppeg, na uug kuɗum aokkut,’ awa atte.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

Aposel 24:24

Am deɗ laala uue, Peliks nug wau Drusila ele, Drusila nug Juda buɗub, aa uɗiya, Peliks nug Pol nai laala mattieb dookkunu onigppa e, Pol nug Jesus Kristusnu ooppa genab doyaknu ib mattieye, Peliks nug daug huma doyom.

Aposel 26:20

Iitta. Da tatam Damaskus danab amelagppa nai mattie, dimppa Jerusalem danab, Juda danab, amu iitta aɗi ele amelagppa ami. Da ag amelagppa nai inam mattimi. ‘Ag oolag eɗueb, ag eɗun Kayak waappa daanna, danab laala ag genab oolag eɗuom anidkkulagnu, ag kobol tutukkuib dim lamitteg!’ awe ami.

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Aposel 8:25

Amu Pita, Jon ele aa danab ah amelagppa Naɗinu nai mehuqeh doyeg, aria dimppa aa eɗuya Jerusalem gopiɗ. Aa ibppa goyaya, Samarianu aab kuɗumppa aa Nai Ena mehuqpiɗ.

Rom 1:14

Amu Kayak Nug da Grik danab amu danab laala ele, danab doyak dabmak ena ele, danab dabmak iitta bia ele, ag oh ehanadkkulnu uɗat meɗe daattem

Rom 1:16

Da Jesusnu Nai Enanu amu, da uɗa nak ii doottem. Aɗinu? Nai amuam Kayaknu ɠagattag, amu Kayak Nug amuppa danab aun aɗi ag oolagppa genab dootteb ele, Nug ag eɗua diitte; Juda ag tatam ⌊nai amu⌋ doyegeg, iitta aɗi ag aakku geha dootteb.

Rom 10:9

Amu nai amuam inam. Na oɗenppa, “Jesus am Naɗi,” genab akkut, Kayak Nug Jesus mauhakppanu he eɗua hibaittom ele ootppa genab dookkut amu, Kayak na eɗua awidkku.

Rom 2:4

Kayak Nug nahipnu ena ha auta awawa, oo bodoettak kobol dim lamittatta, amen mak haen elab dayaya, Nug oo maɗoɗ kobol dim lamidtte amu, na amunu keeke hamu biate doottem? Amu na Kayak Nug na oot eɗukkunu oo daatte amunu, Nug nahipnu kobol enanag hette iite doottem?

Rom 4:24

Iitta. Ihinignu ele aakku atte. Ig Kayak Nug he, Jesus, ihinig Naɗi, Nug eɗua hibaittom amu, ig nuhignu oonigppa genab doottem, amu Kayak Nug ihinig ooppa genab doyaknu amu ele antta, ihinignu, “Ag am genab tutukku hak danab,” atte. Amunu nai amuam ig oh, ihinignu nai.

Rom 5:1

Aria, ig oonigppa genab doout, Kayak Nug ihinignu, “Genab tutukku hak danab,” awa aum amunu, ihinig Naɗi Jesus Kristus, nuhigppa amu ig Kayak ele maɗoɗ daattem.

1 Korint 1:22

Am Juda danab ag laa heeb, Kayak dabmettaknu kobol danab haknu elele iitta anidkkulagnu dabmak aoegeg, Grik danab ag laa ippuanatteb, ag doyak dabmak ena ele aoglagnu oolag hette,

2 Korint 7:10

Ooppa guittak doyak, Kayak Nug he bette amu, oo guittak doyak amuam he, ig danab aakku oonig eɗutte. Kobol amuppa Kayak Nug ig eɗua awigtte. Danab amunu am eheɗ laa ii dooma, amge ooppa guittak doyak, wannu kobolppa bette ele amu, ooppa guittak doyak amuam he, mauhak bette.

Galesia 2:16

Amge ig doottem, Kayak Nug danab ɗo dim lamidtte ele, Nug diig amunu danab amunu, ‘Genab tutukku hak danab,’ ii atte. Iitta. Danab nug Jesus Kristusnu ooppa genab dootte amu, danab amunu aakkuib Kayak Nug nuhignu, ‘Genab tutukku hak danab,’ awa atte. Am ig ele, ig Kayak noobppa, Kristus Jesusnu ooppa genab doyakppa, ig ɗo dim lamittakppa iitta, ig genab tutukku hak danab daagnignu Kristusnu oonigppa genab doomut. Aɗinu? Danab laa nug ɗo dim lamidtte, diig amunu Kayak Nug danab amunu, ‘Genab tutukku hak danab,’ atte laa iinab daatte. Iitta.

Galesia 2:20

Da Kristus ele oh ad emaitakppa aihlop bia mauhmi amunu da gemu bau ii daattem. Iitta. Kristus Nug da oolppa bau daatte. Anam daatte amunu, dahil oiyak wan imuppa oh amu da Kayak Bekkanu oolppa genab doyeye oittem. Nug dahilnu oo mauhe amu dahilnu ele mauhom.

Galesia 3:22

Amge Kayak nai danab oh hipunin waappa daatteb ippunigtte amunu danab oh, ag Jesus Kristusnu oolagppa genab dootteb ele, Kayak Nug keeke madakkunu Abraham amegppa nai qakka aum ele amu, ag aoglagnu elele daatteb.

Epesus 1:15

Kayak Nug anam tituanikkom amunu, da ag Naɗi Jesusnu oolagppa genab dooppignu nai, ag Kayaknu danab ah oppiaawak ele oh dilagnu oolag mauhttenu nai ele doyoya,

Kolosi 2:5

Da ag ele oh ii daattem, amge da dahil dabmakppa amu da ag ele oh daattem bia doyeye, da ag uɗat ena tutukku hena, ag Kristusnu oolagppa genab ɠagattag dootteb ele amu, da amu oh anidttem amunu da enanagnab doottem.

Pilemon 1:5

Aɗinu? Na Naɗi Jesusnu oot mauhe, nuhignu ootppa genab doon, na Kayaknu danab ah oppiaawak ele dilagnu oot mauhtte, da nai amu doyeye daattem.

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.

1 Jon 5:5

Aun nug wanppanu kobol nau eɗidtte? Danab nug Jesus Nug am Kayak Bekka, nug amunu ooppa genab dootte ele, nug aakkuib wanppanu kobol nau eɗidtte.