Aposel 20:20 - Nobonob Baibel

²⁰ Amu da nai oh ig ehanadkkunu mehuqkkulnu dayom amu da madikkulnu ii bodoettami. Iitta. Da qagmak abenalkadppa, ag laulkadppa ele da amu ippunadmi. Amu ag amu ele dootteb.

Aposel 20:20 ပူးပေါင်းရင်းမြစ်များ

Jeremaia 26:2

Nug da amelppa inam aum. “Jeremaia, na ahan, da, Yawe, da laulppa Israel danab dilag haɗap-ppa daanna, na danab ah Juda aab anen anennu uɗin, ag da Yawe, ag da laulppa da noolppa dup nona binal mekkulagnu uɗitteb ele amelagppa da na aɗi nai na amenppa akkutnunab attem amu, na amu madippe doyeg! Na nai da ippunidkkul amu, na nai amu huppu nakok laa aibnab tippalme.

Jeremaia 42:4

Ag Jeremaia anam oɗ mettaeg, propet Jeremaia nug nob ma aum. “Am ena. Da ahilag nai aakku doomi. Da genab Yawe, ahilag Kayak, ag da oɗ meɗappig bia da Nug unuqidppi, Nug aɗi ab dookkul amu, da nai amu oh appi dooglag. Da nuhig nai ooppanu keeke nakok laa ii lokkumpa,” awa aum.

Mak 4:34

Nug keeke danab ag dootteb ii dootteb ele ouaqata ippuanittak nai aakkuib mattiom, amu Nug nuhikkud ippunittak awak danab ele haen laala ag akkaib daanna, Nug nuhig nai oh amu diig mehuqttom.

Aposel 2:46

Ag anam henan, ag oh oolag laippu daanna, deɗ oh Kayaknu mettid lakka gonana, Kayaknu nai dooppig. Amge ag laulkad anen anen oh oina, ag oo gamag ahak doonna, ag Kayak amegppa, “Ena hen mekkame,” anana, ee lappig.

Aposel 20:27

Aɗinu? Da Kayaknu dabmak oh ag amelagppa mehuqkkulnu dayom amu da ii bodoettami. Iitta. Da mattimi.

Aposel 20:31

Amunu ag ⌊nena qemananu⌋ dabmenan dayeg! Ag da maɗ ewam, tuqan, amun ele ag laib laib ag amelagppa hanhan nau aomanu maɗettaknu nai amel leb nak ele matti dooppig amu, ag amu dabmakppa aɗan dayeg!

Aposel 5:2

Nug men doɗo awa, laih amu nuhig piɗe me dayeye, nug men doɗo laih amu awa uɗia, totol danab 12 matta, “Wan dahilnu nob oh iikku,” awa aum. Nug wau nug amu hekkunu dabmeum doya, anam hekkunu elele aum.

Aposel 5:42

Anam amu, deɗ oh ag Kayaknu mettid lakka, amu danab ah laulagppa ele oina, Jesus Nug am Kristus, amu mehuqnana ippunadppig. Ag Nai Ena mehuqkkulagnu ii uuppig.

1 Korint 12:7

Danab ah ag tamaniak ooppa daatteb ele amu, ag nug ehanittak hekkulagnu, Kayak Ouɗi Nug nuhig ɗo hamu mettak digdig oolagppan laa danab anen anen madatte.

1 Korint 14:6

O lailad, nai imu ag tutukku dabmettan aɗeg! Da ag gumatte ukke, nai laalappa nai madakkul amu, da ag attem ehanadkkul? Iitta, amge da ukken, nai ag dootteb ele, da nai amuppa Kayak Nug da nai aɗi ag amelagppa akkulnu ippuniɗom appi dooglag dayeb, o iitta doyak ena laa appi dooglag dayeb, o iitta propet nai laa appi dooglag dayeb, o iitta da ippunittak nai laa appi dooglag dayeb amu, amuppa da ag ehanadppi, ag Kayak tutukku dooglag.

1 Korint 15:3

Da ippunittak aomi amu da nai amu ag amelagppa mehuqi dooppig. Nai amu inam. Kayak naippa nai daatte amubia Kristus Nug ig oh ihinig hipunin uhuqa megakkunu mauhom.

Duteronomi 4:5

Antteg! Ɗo iɗu iɗu imu amu, wan ag nona aon daaglagnu hetteb ele, ag amuppa nona daanna, ag ɗo imu dim lamidkkulagnu, Yawe, dahil Kayak, Nug da nai amu meɗa, ippunadkkulnunab da amelppa aum, amu da amubia aakku hemi.

Pilipai 3:1

O lailad, da nai imu inam mattie malakkul hettem. Ag Naɗinu oolag gamag ahaɗ! Da am nai imu baula ahilagnu yaattem amu, da amunu oolppa uug iitta. Imu amu ag ehanadkkunu yaattem.

Kolosi 1:28

Ig Kristus, nuhignuib danab oh amelagppa attem. Ig danab oh anen anen ag dabmena autna aona, ag Kristusnu bena daanna, ag genab tutukku hak danab elelenab beppeg, ig ag omaladta, Kayak noobppa gokkunignu elele daagnignu, ig doyak dabmak ena ele ohppa danab oh ippunittak nai, amu dabmettak nai ele ippunadttem.

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!