Aposel 2:9 - Nobonob Baibel

⁹ Ig amu Partia, Midia, Elam, amu Mesopotemia ele daattem. Ig Juda, Kapadosia, Pontus, amu Asia ele daattem.

Aposel 2:9 ပူးပေါင်းရင်းမြစ်များ

Genesis 10:22

Sem bekkod am Elam, Asur, Arpaksat, Lud, Aram ele.

Genesis 14:1

Haen amuppa Sinar dilag king onig Amrapel, Elasar dilag king onig Ariok, Elam dilag king onig Kedolaomer amu Goim dilag king onig Tidal ele,

Genesis 24:10

Aa anam heya maloya amu, maɗi nid nug Abrahamnu kamel eblaih tanig ele, keeke ena ena kuɗum laa elele diiatta, nug aha ukka ukka, nug Mesopatemia, Nahor appagppa ukkom. Abraham Nahor ele, aa am eamag.

2 King 17:6

Hosia nug Israel dilag king dayaya, nuhig king dayaknu maɗ eblaih waɗeleppa amu, Asiria dilag king nug Samaria eɗatta, aab okkai amu awom. Awa, nug Israel danab ah diia, Asiria ukka, nug Israel laala aab Hala maattowa, laala amu diia, aab Gosan, nuhig wan ele, appa le Habor guguittak ele maattowa, Midia wanppan aab laalappa ele maattom.

1 Stori 19:6

Aria, King Hanun, Amon danab ele ag amu heeg ukke, ag Dawitnu neekkakppa eheɗ nau heppig dooppig. Dawit nug ahilagnu, danab nug uɗig nau noobppa dootte, nug ahilagnu anam doyom dooppig. Ag anam doyona, Hanun ag ele, ag 34,000 kilogram silwa aon, Aram Naharaim danab, Aram Maka danab, Soba danab ele ag ahilkad daup, laa ag bannu karis attan daan, ban hetteb, laa ag hos attan daan, ban hetteb ele amu, ag daup amu maadppeg, ag ehanadkkulagnu silwa amu meeg ukkom.

Esra 6:2

Darius nug anam he, danab ag amu anidkkulagnu heeg ukke ukke, ag prowins laa onig Midia, aab Ekbatana ooppa aben aɗ ɠagattagnab ele, appa ag buk itoɗiak laa anidppig. Buk itoɗiak amuppa yaak inam dayom. “Imuam King Sairusnu nai iikku.

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Aisaia 21:2

Da keeke anidmi am Yawe Nug tulegleg uug okkainab ele laa da meɗe anittitti, amuppa Yawe Nug inam a doomi. “Wan laa, ag nug bubuittak kobol nau hetteb ele amu, ag amuib tuɗidna hetteb. ⌊Amuam Babilon wan.⌋ Ao, wan laa ag ban hena, wan laappan danab aqaeg, amu dilag keeke aotteb ele amu, ag amu tuɗidna hetteb. ⌊Amuam Babilon wan aakku.⌋ Ag anam heegeg, ⌊kobol nau amu ba, naɗi mette amunu,⌋ Elam ban danab ag banelag uɗin, Babilon aqeg! Ao, Midianu ban danab ag uɗin, aab okkai amu talilidna, oo mettan dayeg! Da geha uug oh Babilon ag danab ah huu laa dilagppa madappig amu, da amunu nob elele mekkul,” awa aum.

Daniel 5:28

Peresnu meu am, obatak. Kayak Nug heeb, nahip ɗo maɗoɗ, na ele gamalahppa obatak dayeb, na okkai ii daappe, Midia danab, Persia danab ele ag aon gumaglag,” awa aum.

Daniel 8:2

Tulegleg imuppa amu, da dakka, da Babilon wanppa aab okkai Susa ooppa aben aɗ ɠagattagnab ele, Elam prowinsppa daatte, da appa dayeye anidmi. Da appa dayeye, tuleglegppa da lenag onig Ulai, da lenag amu daugppa daami.

Daniel 8:20

Sipsip dawai qeqeɗi aɗit ele na anidme amu, sipsip amuam Midia, Persia ele dilah ɗo maɗoɗ epponaknu keeke daatte.

Aposel 16:6

Aria Pol, Silas amu Timoti ele ag oiyegeg, Kayak Ouɗi Nug ag Nai Ena Asia appa mehuqmananu ib oo neum amunu, Pol nug aɗit laa ele ag ahan wan atu aɗit onilah Prigia, Galesia ele tikkuna gonana amu,

Aposel 18:2

Nug ukka, Korint ta, Juda danab laa onig Akwila anttom. Nug appag diig amu Pontus. Nakok matu bia, nug amu wau Prisila ele aa Itali wannu aab okkai Rom, aa appanu ahai uɗipiɗ. Aɗinu? Rom dilag king Klodias, nug Juda danab ah amelagppa, “Ag Rom ii daamna; ag Rom uun, aab laalappa gona dayeg!” awa aum amunu, Akwila, Prisila ele aa Korint appa daapiɗ. Aria Pol nug ukka, aa anate,

Aposel 19:10

Maɗ aɗit Pol nug anam heum amunu, danab ah Asia prowinsppa daappig, Juda amu Grik ele, ag oh Naɗinu nai dooppig.

Aposel 19:27

Pol nai atte, amuam ihinig men doɗo aognignu uɗat imu onig aakku heeb nauhkkutai. Amuib iitta, nug nai atte amuam geha danab ah ag genab dooppeg amu, kayak ah Artemis, nuhig mettid lag amunu geha danab ah ag, ‘Umu am keeke genab iitta, keeke hambuppuak,’ aon akkulagtai. Gemu Asia prowins ooppanu oh amu danab ah wan ohppanu ele ag kayak ah onig Artemis noobppa dup nona binag metteb, amge Polnu nai heeb, Artemis onig naɗi aakku iitta mekkutai,” awa aum.

Aposel 19:31

Amu Asia prowinsnu ehanittak anuqak danab laala, ag Pol ele layam batappig amu, ag ele nai meeg ukke, ag Pol nug qagmak abenppa ii gomanu unuqppig.

Aposel 2:8

Anam amunu attemun ig oh danab wan laalappanu amu, ig nainkadppa nai doottem? Ig aninkad mamenkad mattiegeg doottem, ig amubia doottem.

Aposel 20:16

Pol nug Pentikosnu deɗ ii nak haenppa Jerusalem tekkunu dabmak awom amunu, Asia prowinsppa haen amu eɗidmanu ig Epesus qe-eɗidkkunignu aum.

Aposel 20:18

Onilagppa e, ag uɗin nug gumidna beeg, nug amelagppa aum. “Ag da Asia prowinsppa ippa ag oolagppa digmein uɗat hei ukke ukke, da ag uuadmi batak, haen gamag amu ag da kobol aɗi hemi amu, ag aakku dootteb.

Aposel 20:4

Dabmeum amunu, Beria danab Sopater, nug am Pirus bekka, amu Tesalonaika danab aɗit Aristarkus, Sekundus ele, amu Derbe danab Gaius amu Timoti amu Asia danab aɗit, Tikikus, Tropimus ele, ag oh Pol ele goppig.

Aposel 21:27

Nug anam he, dimppa deɗ eblaih aɗit amu malakkunu heehe, Juda Asianu ag Pol Kayaknu mettid lag ooppa anidna, ag ahan heeg, danab ah kuɗum daappig ag ottaina ahaeg, Asia danab ag Pol aɗan huana inam eppig.

Aposel 24:18

Am da uɗat anam heinne, da Juda dilag kobolppa oppiak dayaknu kobol hein, Kayaknu mettid lag ooppa daaiyi amu ag da aniɗppig. Danab ah kuɗum da ele laa ii daamut, appa ele da hei, danab laala oqottilag laa ele ii heppig. Iitta.

Aposel 27:2

Ig gokkunignu ahat oolta, uub laa aab Adramitiumnu laappa temut. Uub amuam Asia dilag aab okkainu aben ilon daattebppa oiyaya eeɗkkunu gokkunu daye, ig teta gomut. Aristarkus, nug am Makedonianu aab Tesalonaika ted, nug ig ele oh gomut.

Aposel 6:9

amge danab laala ag Stiven ele oolag laippu iitta, ag heeg, ag nug ele nai aeg ona aeg doum. Danab amu ag Juda dilag nai doyak lakka, ag lag amunu, Danab Begbeg Maɗi Nid Iitta atteb ele amu, ag lag amuppa godappig. Danab amu ag am Sairini, Aleksandria, Silisia, Asia elenu uɗiak.

Aposel 7:2

A amu, Stiven nug mehuqa amelagppa aum. “O da lailad, da mamelad ele ag doyeg! Anukka ig alanig Abraham nug Mesopotemia dayaya, nug Haran ii ukkom, haen amuppa Kayak, nug binag amahlak oppiaawak ele, nug Abraham gumitta noa, amegppa aum.

Rom 16:5

Amu humittak dahil Kristen tamaniak aa laulahppa qagmetteb ele matteg! Amu ag humittak dahil Epainetus, da layalnab, nug ele metteg! Nug Asia prowinsppanu danab oh ag Jesusnu oolagppa dooppig amu, nug amunu danab tatam ooppa genab doyom.

1 Korint 16:19

Kristen tamaniak Asia prowinsppa daatteb, ag ag Korint daatteb humadtteb. Akwila, Prisila amu Kristen tamaniak aa laulahppa qagmetteb ele, ag ele ag Naɗi onigppa ag humadtteb.

2 Korint 1:8

O lailad, ag imu dooglagnu oonig daatte. Asia taliliakppa ihinigppa uug beppig amu, uug amu okkainab, ig tonikka, ɠagattag ihinig oh eɗittom. Ig anam anidta, dabmak ihinigppa amu ig, “Geha ig mauhkkunig,” anam doomut.

Duteronomi 23:4

Danab amu ag, ag haen ag Israel ag Isipnu ahan ukkaeg, ag ena hena, ee, le ele ii madappig. Iitta. Ag Beor bekka Balam, Peto ted Aram Naharaim uppanu amu, ag nug uɗia, ag eheɗ laa awaknu anak waappa daaglagnu akkunu, nug uɗat medappig.

2 Timoti 1:15

Na doome, Asia danab ag oh da uuiɗna goppig; danab amunu oolagppa am Pigelus, Hermogenes ele.

1 Pita 1:1

Da Pita, da am Jesus Kristusnu totol danab. Da nai imu ag Kayaknu danab, Nug tituanattom ele, ag prowins onilkad Pontus, Galesia, Kapadosia, Asia, amu Bitinia ele, ag aab diig danab iitta goppig daatteb amu, da ahilagnu yaattem.

Revelesen 1:11

Baag amu nug inam aum. “Na keeke oh anidna amu, na buk itoɗiakppa yona meppe, Kristen tamaniak eblaih aɗit ele onilag Epesus, Smerna, Pergamum, Taiataira, Sardis, Piladelpia amu Laodisia ele, ahilagppa ukkaɗ!” awa aum.

Revelesen 1:4

Da Jon, da Kristen tamaniak eblaih aɗit ele Asia wanppa daatteb ele, da ahilagnu iikku yaattem. Kayak Nug gemu daatte, anukka dayom, dimppa uɗikkunu ele daatte, Nug, amu nuhig Ouɗi, kobol ena oh nuhigppa ambak daatte, Nug Kayaknu sia king noobppa daatte, amu Jesus Kristus, Nug keeke imu ohnu aɗi anttomnu mattiak danab dayaya, oo metta ii uuak kobol dim lamitta ippunikke anidttem, Nug danab mauhppig ele dilag eɗua hibaittak danab anuqak, wanppanu king oh dilag okkai ele daatte amu, ewam amu oh ag ahilag ehanittak okkai hamu mettak, ahilag maɗoɗ ele amu, ag danab ag tamaniak eblaih aɗit ele ooppa daatteb, ahilagppa daaglahnu ool daatte. Kristus, Nug ihinignu oo mauhe, Nug tiigppa ihinig hipunin oh uhuqom,

Ikki Danab 3:8

Ag anam heeg, Yawe Nug Israel danab ah dilagnu oo huana nauhe, Nug ag diia, King Kusan Risataim eppegppa meum. Kusan Risataim nug am Aram Naharaim dilag king. Israel ag Kusan Risataim waappa maɗ eblaih ewam ele daappig.