Aposel 2:45 - Nobonob Baibel

⁴⁵ Am danab laala ag wan ele amu, laala ag keeke ele amu ag heeg, danab laa daden meeg, ag men doɗo amu aona, danab laala elele iitta daaegeg madappig.

Aposel 2:45 ပူးပေါင်းရင်းမြစ်များ

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Matyu 19:21

A amu Jesus Nug amegppa aum. “Na genab tutukku hak danab elelenab bekkutnu amu na gona, na enun oh meppe, danab laala daden meppeg, na men doɗo amu oh aon, daɗek danab mattona amu, na hab attan enun okkai ele daakkut. Anam hewona amu na eɗun dona, da dim lamiɗe!” awa aum.

Luk 16:9

Jesus Nug anam ana, Nug baula aum. “Amunu da ag amelagppa attem. Ag wan imunu enub, men doɗo, ag amuppa ehanittak heig! Am dimppa men doɗo iitta meeb, aria ag lailkad ag ag ele laippu dayaknu oolagppa eleleib doon omaladppeg, ag hanhan dayaknu laulagppa gona daaglag.

Luk 18:22

Nug anam a, Jesus Nug nai amu doya, amegppa aum. “Keeke laippu amuppaib na elele iitta. Na gona, na enun oh meppe, danab laala ag daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona, na eɗun dona, da dim lamiɗe!” awa aum.

Luk 19:8

Aria Sakius aha hibaitta, Jesus amegppa aum. “Naɗi, gemu da dahil keeke oh gamagppanab oppaten, laih awe, daɗek danab madakkul. Amu da danab laa hambuppuitten, nuhig keeke yab aomi dayeb amu, da yab awak amu qaɗeppa ewam amubia laa ele nug medakkul,” awa aum.

Aposel 11:29

Amu be, Kristen ag nai laippu anana, ag men doɗo ag lailkad Juda ehanadkkulagnu meppeg gokkunu dabmeppig. Kristen oh ag beɗulagppa men doɗo gane daatte amu doona, ag laih uɗat amunu otippig.

Aposel 4:34

Anam dayeye, ag oolagppa danab laa nug keekenu, eenu ele tutu mak hamu ii dayom. Iitta. Danab laala ag wan, o lag ele, ag maatteg, danab laa daden maatteg, ag men doɗo amu aon uɗin,

Aposel 4:35

totol danab 12 mattaegeg, ag otin, danab laala elele iitta daaegeg madappig.

2 Korint 9:1

Da Kayaknu danab ah oppiaawak ele ⌊Juda daatteb⌋ ehanattaknu tuɗitten yaakkulnu ii daatte.

2 Korint 9:9

Kayak naippa nai laa kobol amunu am inam daatte. “Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte.”

1 Jon 3:17

Amge danab laa nug wanppanu enub ele amu, nug layag keekenu daɗek daatte anitta, nug oo bodoetta le mak ii dootte ele dayeb amu, Kayaknu oo mauhak nug ooppa daattete? Iitta.