Aposel 2:4 - Nobonob Baibel

⁴ Anam he amu, danab oolagppa genab dooppig ele, danab amu ag oh Kayak Ouɗi ag oolagppa ambe, ag ahan, nai digdigppa nai madippig. Amu Kayak Ouɗi Nug he, ag oɗelagppa anam nai madippig.

Aposel 2:4 ပူးပေါင်းရင်းမြစ်များ

2 Samuel 23:2

“Yawenu Ouɗi Nug he, da oɗelppa nai mattimi. Ao, nuhig nai am, da oɗelppa iikku daatte.

Aisaia 28:11

Anam amunu, ag da oɗel dab-ii-mekkulag dayeb, aria, Kayak nug laihnu danab, ag nailag laa, Israel ag ii dootteb ele amu, Nug danab amu maatteb, ag Israel gumadna uɗina, ag ag oɗelagppa nai madappeg dooglag.

Aisaia 59:21

Amu Yawe Nug atte. “⌊Danab ah ag oolag eɗuom ele⌋, da, ge da, da ag ele imu hekkunignu nug tituana nai qakkak hettem. Da dahil Ouɗi, Nug ahilagppa daatte, amu da heppi, Nug ag, ag bekkalkad aɗelkad ele, amu ag bekkalkad aɗelkad ele amu, Nug ag oh ele gemu, hanhan ele anam daaglag. Laa, dahil nai, ag oɗelagppa daatte amu, da heppi, nai amuam ag oɗelagppa, ag bekkalkad aɗelkad ele oɗelagppa, amu ag bekkalkad aɗelkad buɗulkad oɗelagppa ele gemu, hanhan ele anam daakku.” Yawe Nug anam atte.

Jeremaia 6:11

Juda danab ah ag hipunin huan heegeg, Yawe Nug amunu oppoɗi bak dootte, da oppoɗi bak amu ele doyeye, tuɗitten ii ippunadkkulnu ib laa ii anidttem,” awe ami. Da anam ai, Yawe Nug aum. “Na oppoɗi bak Juda dilagppa bekku amu, na amunu ag amelagppa appe doyeg! Na nid naunau ibppa qiɗ henan daatteb, nid danab bau qagmen daatteb, ewau daatteb, kaino ele amelagppa appe doyeg! Oppoɗi bak amuam ag ohnab tonadkku.

Esekiel 3:11

Na gona, na laipad, Israel danab ah ag Babilon wan imuppa diia ukka laih me dayak danab ah daatteb amu, na ag amelagppa dahil nai appe doyeg! Na, ‘Naɗi Yawe Nug inam atte,’ awona, na dahil nai da ippunidkkul ag amelagppa appe dooglag. Ag dooglagtai, o iittatai am nahip keeke iitta, ahilagppa daatte, amge na gona, dahil nai ag amelagppa a!” awa aum.

Maika 3:8

Amge ⌊da Maika⌋ dahilnu amu, da Jakop buɗub, ag hipunin hetteb ele amelagppa akkulnu, ao, da Israel danab ag hipunin hetteb akkulnu, Yawe Nug he, nuhig Ouɗi, ɠagattag, nai doya mala hettoɗia epeɗia elele mettak kobol, aria ooppa ɠagattag doyak ele dahilppa ambe, da oittem.

Matyu 10:19

Geha wan imuppan danab ag ag aɗualadna hettoɗiakppa maadppeg amu, ag haen amuppa aɗi akkulagnu, ib attenppa mattiglagnu ele dabmak huan aib aoppig. Iitta. Haen amuppaib Kayak Nug ag nai akkulagnu ippunadkku.

Mak 16:17

Danab ag dahilnu oolagppa genab dootteb ele, ag da onilppa Kayak dabmettaknu kobol danab haknu elele iitta laala imubia hekkulag. Ag ouɗi nau lamadkkulag, ag nailag piɗe piɗe mattiglag.

Luk 1:15

Nug Naɗi noobppa onig am binag ele daakku. Nug wain amu kaaka qaknu le laa oh ele ii lama. Nug anig ooppa dayebeb amu Kayak Ouɗi am nug ooppa ambekku.

Luk 1:41

Anam he amu Elisabet nug Marianu nai amu doyeye, nid ooppa niiom amu nug ottaia, oola te, Kayak Ouɗi Nug Elisabet ooppa ambeum.

Luk 1:67

Amu Kayak Ouɗi Nug Jon mameg Sekaraia nug ooppa ambe, Sekaraia nug propet nai imu mehuqa aum.

Luk 12:12

Aɗinu? Am aua amuppaib geha Kayak Ouɗi Nug ag aɗi akkulagnu ag ippuanatteb, ag amelagppa mattiglag,” awa aum.

Luk 21:15

Aɗinu? Da geha da dakka ag nai akkulagnu oɗelagppa mein, dabmak ena ele madakkul. Geha kekeɗ ahilkad ag da nai madakkul amu otaɗna tabappeg nokkunu ele iitta.

Luk 4:1

Aria, Kayak Ouɗi Nug Jesus ooppa noa am be, Jesus Nug Jodan leppanu ahe, Kayak Ouɗi Nug Jesus omala, atu taɗakppa ukkom.

Jon 14:26

Amge ahilag Ehanittak, Kayak Ouɗi, da Mamel Nug da onilppa meeb uɗikku amu, Nug uɗia, keeke oh ippuanatta, da ag amelagppa aɗi ami amu Nug heeb, ag daulagppa dokku.

Jon 20:22

Anam awowa, Nug ouɗi ahilagppa iwala, Nug aum. “Ag Kayak Ouɗi aweg! awa aum.

Aposel 1:5

Am genab Jon nug danab ah leppa layattom, amge haen elab iitta Kayak Nug nuhig Ouɗippa ag layadkku,” awa aum.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Aposel 10:46

Anam amu, Juda ag iitta aɗi amu ag nailag digdigppa nai mattinna, ag Kayak binag meegeg anidppig. Keeke amu beum, amu Pita nug aum.

Aposel 10:47

“Amu laa nug danab imu ag layattak aoglagnu gun mekkunu elelete? Ag Kayak Ouɗi ig aomut amubiaib aoppig,” awa aum.

Aposel 11:15

Nug anam mattie, aria da ahen, nai digmein mattiyi, Kayak Ouɗi ahilagppa neum; Nug tatam digmakppa ihinigppa ne, ig aomut amubia aakku.

Aposel 11:24

Barnabas nug danab ena, Kayak Ouɗi nug ooppa ambak daye, nuhig ooppa genab doyak am ele ɠagattag amunu nug danab ah ehanattette, danab ah kuɗumnab ag Naɗinu oolagppa genab dooppig.

Aposel 13:52

Amu laa ag Jesusnu oolagppa genab dooppig amu, ag maɗoɗppan gamag ahak okkai dooppig. Kayak Ouɗi Nug ag oolagppa ele ambak dayom.

Aposel 13:9

Nug anam heum amu Kayak Ouɗi Nug Saul, nug onig laa Pol, Nug nuhigppa ambe, Saul nug Elimas ɠagattag neekkittatta, amegppa aum.

Aposel 15:8

Amu Kayak, Nug danab ah oh oolag diig dootte ele, Nug iitta aɗi nuhig Ouɗi ig mekkom bia ag mattom, amuppa Nug eɗua diiadkkunu oo dayom ig ippunikkom.

Aposel 19:6

Pol nug eppeg qaɗelagppa me, Kayak Ouɗi ne aona, ag aabaab nailagppa nai mattinna, ag propet nai mehuqppig.

Aposel 2:11

Ig laa am Juda, amu laa ag Juda dilag mettid dim lamidtteb. Amu ig Krit, amu Arebia appanu ele uɗimut. Uɗit, ig oh ig nainkad aben abenppa Kayak uɗat enanag haattomnu mehuqegeg doottem,” aon appig.

Aposel 2:3

Anam be amu, ag aab dittiak bia anitteg, aab amu oppateb, aab dittia tak kuɗum daanna, anen anen ag gona, danab ah daappig ele anen anenppa daappig.

Aposel 4:31

Ag unuqidna bagqeeg, lag ag daappig ele amu uɗalele, Kayak Ouɗi ag oolagppa ambe, ag ii baɗana, Kayak nai mehuqppig.

Aposel 4:8

Danab amu ag anam aon oɗ mataeg, Kayak Ouɗi Nug Pita ooppa ambe, nug aha ag amelagppa aum. “O ag Israel danab okkai, amu ag ikki danab ele,

Aposel 6:3

amunu, O lainkad, ig inam hekkunig. Ag oh oolagppanu ag danab eblaih aɗit laa, danab ah ag danab amunu ena elele dootteb, ag Kayak Ouɗi aoppig, ag doyak dabmak ena ele amu, ag danab eblaih aɗit amubia anatteg! Danab amu ig uɗat amu madapput, ag hekkulag.

Aposel 6:5

Ag anam aeg, danab ah oh ag nai amunu ena doon, ag danab otiadppig. Ag otiadppig ele amu, ag onilag am Stiven, nug ooppa genab doyak nuhig am ɠagattag, Kayak Ouɗi nug ooppa ambak ele. Aria, laa am Pilip, laa am Prokorus, laa Nikanor, laa am Timon, laa Pemenas, amu laa am Nikolas. Nikolas ⌊nug iitta aɗi laa,⌋ nug Antiok ted. Amu nug ⌊tatam⌋ eɗua, Juda dilag mettid dim lamittom, ⌊amge gemu nug Kristen beum daatte⌋.

Aposel 6:8

Amu Kayaknu ehanittak okkai hamu megatte, nuhig ɠagattag ele Stiven ooppa ambe, nug Kayak dabmettaknu kobol danab haknu elele iitta hatta, nug kobol danab haknu elele iitta laala ele danab ah oolagppa heum,

Aposel 7:55

Ag anam heppig, amge Kayak Ouɗi am Stiven ooppa ambe, nug tutukku hab aabppa neekka, Kayaknu binag amahlak oppiaawak ele hab aabppa antta, Jesus Nug Kayak eppeg naɗiap-ppa hibaitta dayeye anttom.

Aposel 8:17

Amunu aa unuqittoya, aa eppelah qaɗelagppa meeh, ag aakku Kayak Ouɗi aoppig.

Aposel 9:17

Amunu Ananias nug ukka, Saul dayom ele, lag amu ooppa noa, eppeg qaɗeppa ma, nug amegppa aum. “Lai Saul, Naɗi Jesus Nug na ibppa gumitta neum ele amu, Nug na eɗun bau neegkkutnu, Kayak Ouɗi na ootppa ambekku Nug aakku he, da na gumitten uɗimi,” awa aum.

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

1 Korint 12:10

Am Nug laa ehah mette, nug kobol danab hekkunu elele iitta ele, nug hekkunu elele daatte. Laa nug propet nai mehuqkkunu ehah amu medatte. Am laa nug ouɗi digdig epeɗiadkkunu ehah amu medatte. Am laa nug nai laappa nai madikkunu ehah medatta, Nug laa nug nai amu eɗukkunu ehah amu medatte.

1 Korint 13:1

Da danab amelagppa danab nailag digdig amu engel nailagppa ele madittem dayeb, amge da laa dilagnu oo mauhak ii doottem dayeb amu, da do hamu gaatte bia, o iitta simbal oqotti hamu otte bia daattem.

1 Korint 13:8

Am oo mauhak kobol amuam geha iitta ii mema. Iitta. Nug hanhan daakku! Propet nai mehuqak uɗat amu geha iitta mekku; nailag digdig mattiaknu uɗat am ele geha iitta mekku. Amu ⌊wanppanu⌋ doyak danab ag aoppig, amu ele iitta mekku.

1 Korint 14:18

Da haen kuɗum nai laalappa ⌊Kayak binag mette⌋ madittem. Da kobol amu okkainab hein, ag eɗadttem. Da anam hettem amunu da Kayak amegppa, “Ena heme,” awe attem.

1 Korint 14:5

Ag oh nai laalappa nai mattiglagnu ool daatte, amge ag propet nai mehuqkkulagnu da ool huana daatte. Danab nug propet nai mehuqtte ele, ⌊uɗat nuhig am⌋ danab nai laalappa nai maditte ele, ⌊nuhig uɗat⌋ eɗidtte. Keeke laippu aakkuib, danab nug nai laalappa nai maditte ele, nug nai amu Kristen tamaniak ag oolag ɠagattag qedakkunu eɗueb, nug propet nai mehuqak danab bia daakku.

Epesus 3:19

Aria, da ag Kayaknu oo mauhakppa ɠagattag daaglagnu unuqidttemnu diig laa am, keeke ena ena Kayak Nug nuhigppa ambak daatte amu, Nug keeke amu ahilagppa elele elele madakkunu, ag Kristusnu oo mauhak, danab dilag dabmak eɗidtte amu, ag oo mauhak amu ele dooglagnu elele daaglag.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

Epesus 6:18

Ag hanhan Kayak Ouɗippa Kayak Nug ag ehanadkkunu unuqittak digdigppa attem attem Nug ag ehanadkkunu unuqidkkulag. Ag keeke amu dabmenana ag aib bodoedappig. Amu ele ag Kayaknu danab ah oppiaawak ele laa oh dilagnu ele hanhan unuqidkkulag.

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.

2 Pita 1:21

Aɗinu? Danab laa nug nukka nuhig dabmakppa propet nai ii aum. Iitta. Kayak Ouɗi Nug propet dabmak madette, ag nai Kayak toppanu uɗiom amu, ag madippig.

1 Samuel 1:14

nug aum. “Na spak mekkutnu tuɗidna hettem; am haen gane laa ele ukkeb, na kobol amu uukkut? Na wain lanaknu uuna, dabmak tutukku ele aon oiye!” awa aum.

1 Samuel 10:10

Saul, amu nuhig maɗi nid ele aa Gibea goya teeheh, propet danab laala ag Saul uɗa teppig. Uɗa teeg, Kayak Ouɗi Nug Saul, nuhigppa ɠagattag ele uɗia he, Saul nug digme, ag ele propet nai madippig.